Menu

avalanche

ടിബറ്റിലെ മഞ്ഞുമലയിടിച്ചിൽ, മരണം 28, തെരച്ചിൽ അവസാനിപ്പിച്ചു

ടിബറ്റിലെ ഹൈവേയിൽ മഞ്ഞുമലയിടിഞ്ഞുണ്ടായ ദുരന്തത്തിൽ മരിച്ചവരുടെ എണ്ണം 28 ആയി. കാണാതായവർക്ക് വേണ്ടിയുള്ള തിരച്ചിലും അവസാനിപ്പിച്ചു. വ്യാഴാഴ്ചയാണ് മെയ്ൻലിങ് കൗണ്ടിയിലെ പായ് ടൗണും മെഡോങ് കൗണ്ടിലും തമ്മിൽ ബന്ധിപ്പിക്കുന്ന ഭാഗത്താണ് മഞ്ഞുമലയിടിഞ്ഞത്. ബുദ്ധരുടെ തീർഥാടന കേന്ദ്രമായ ഈ പ്രദേശം സമുദ്രനിരപ്പിൽ നിന്ന് 4,500 മീറ്റർ അകലെയാണ്.
യാത്രക്കാരുടെ വാഹനത്തിനു മുകളിലേക്ക് മഞ്ഞിടിഞ്ഞു വീഴുകയായിരുന്നു. തെക്കുകിഴക്കൻ നഗരമായ നയിങ്ഗച്ചിയിലാണ് ദുരന്തം. കാണാതായ 53 പേരെ പിന്നീട് കണ്ടെത്തി. ഇതിൽ അഞ്ചു പേർക്ക് ഗുരുതരമായി പരുക്കേറ്റിട്ടുണ്ട്.
ഹൈവേയിലെ 7.5 കി.മി ദൂരമുള്ള മേഖലയിലാണ് മഞ്ഞുമലയിടിഞ്ഞത്. ഇവിടെ ഗതാഗത യോഗ്യമാക്കാൻ 1,348 രക്ഷാ പ്രവർത്തകർ 236 യൂനിറ്റ് ഉപകരണങ്ങളുടെ സഹായത്തോടെ പ്രവർത്തിക്കുന്നുണ്ടെന്ന് ചൈനീസ് വാർത്താ ഏജൻസിയായ സിൻഹുവ റിപ്പോർട്ട് ചെയ്തു

പശ്ചിമവാതം: കശ്മീരിൽ 3 ജവാന്മാർ മരിച്ചു

പശ്ചിമവാതത്തെ തുടർന്ന് കശ്മിരിലുണ്ടായ കനത്ത ഹിമപാതത്തിൽ മൂന്നു ജവാന്മാർ മരിച്ചു. കുപ്‌വാര മേഖലയിൽ മച്ചിലിൽ 56 രാഷ്ട്രീയ റൈഫിളിലെ ജവാന്മാരാണ് മരിച്ചത്. പട്രോളിങ് നടത്തുകയായിരുന്ന സംഘമാണ് അപകടത്തിൽപ്പെട്ടത്.
തെരച്ചിലിൽ ഇവരുടെ മൃതദേഹം കണ്ടെത്തിയെന്ന് കുപ്‌വാര പൊലിസ് പറഞ്ഞു. അതിർത്തിയിൽ പട്രോളിങ് നടത്തുകയായിരുന്നവരാണ് ഹിമപാതത്തിൽപ്പെട്ടത്. നിയന്ത്രണ രേഖയ്ക്ക് അടുത്താണ് ഈ പ്രദേശം. ഇന്നലെ പുലർച്ചെ 2.30 രണ്ടു തവണ മഞ്ഞുവീഴ്ചയുണ്ടായി. ഒരു ജവാൻ ഹൈപോതെർമിയ എന്ന ശരീരതാപനില കുറഞ്ഞതിനെ തുടർന്നും മറ്റു രണ്ടു പേർ ഹിമപാളികളിൽ പരുക്കേറ്റുമാണ് മരിച്ചത്.
ഹിമാലയൻ മേഖലയിൽ പശ്ചിമവാത സ്വാധീനം ശക്തമാകുമ്പോൾ ഹിമപാതം പതിവാണ്. പെട്ടെന്നുണ്ടാകുന്ന ഹിമപാതത്തിൽ രക്ഷപ്പെടാൻ പർവതാരോഹകർക്കും സൈനികർക്കും കഴിയാറില്ല. ശീതകാറ്റിന്റെ പ്രവാഹമാണ് ഹിമപാതത്തിന് കാരണമാകുന്നത്. കഴിഞ്ഞ മാസം 27 പർവതാരോഹകർ ഉത്തരാഖണ്ഡിൽ ഹിമപാതത്തിൽ മരിച്ചിരുന്നു.