ഖത്തര്‍ വിമാനം ആകാശച്ചുഴിയില്‍പ്പെട്ട് ആറു ജീവനക്കാര്‍ ഉള്‍പ്പെടെ 12 പേര്‍ക്ക് പരുക്ക്
ഖത്തര്‍ എയര്‍വേയ്‌സ് വിമാനം ആകാശച്ചുഴിയില്‍പ്പെട്ട് ആറു ജീവനക്കാര്‍ ഉള്‍പ്പെടെ 12 പേര്‍ക്ക് പരുക്കേറ്റു. ദോഹയില്‍ നിന്ന് ഡബ്ലിനിലേക്ക് പോകുകയായിരുന്ന വിമാനമാണ് ആകാശച്ചുഴിയില്‍ വീണത്. അഞ്ചു ദിവസം മുന്‍പ് സിംഗപൂര്‍ എയര്‍ലൈന്‍സ് വിമാനം ആകാശച്ചുഴിയില്‍പെട്ട് ഒരാള്‍ കൊല്ലപ്പെട്ടിരുന്നു. 41 പേര്‍ക്ക് സാരമായി പരുക്കേല്‍ക്കുകയും ചെയ്തിരുന്നു. ഇതിനു പിന്നാലെയാണ് വീണ്ടും ആകാശച്ചുഴി അപകടം.
ആറു യാത്രക്കാര്ക്കും ആറു ക്രൂ അംഗങ്ങള്‍ക്കും പരുക്കേറ്റതായും തുര്‍ക്കിക്ക് മുകളിലൂടെ പറക്കുമ്പോഴാണ് സംഭവമെന്നും ഡബ്ലിന്‍ വിമാനത്താവള അധികൃതര്‍ എക്‌സില്‍ പോസ്റ്റ് ചെയ്തു. ഖത്തര്‍ എയര്‍വേയ്‌സിന്റെ ക്യു.ആര്‍017 വിമാനമാണ് അപകടത്തില്‍പ്പെട്ടത്. ഇന്നലെ ഉച്ചയ്ക്ക് 1 മണിയോടെ ഡബ്ലിനിലെത്തേണ്ടതായിരുന്നു.
വിമാനത്തിൽ നിന്ന് ഇറങ്ങുന്നതിന് മുമ്പ് എല്ലാ യാത്രക്കാര്ക്കും പരിക്കേറ്റതായി വിലയിരുത്തിയിരുന്നു. എട്ട് യാത്രക്കാരെ പിന്നീട് ആശുപത്രിയിൽ പ്രവേശിപ്പിച്ചു എന്ന് അധികൃതർ പറഞ്ഞു. ദോഹയിലേക്കുള്ള മടക്ക വിമാനം ഇന്ന് ഉച്ചയ്ക്ക് പതിവുപോലെ പ്രവർത്തിക്കുമെന്ന് വിമാനത്താവളം അറിയിച്ചു.
ഡബ്ലിൻ വിമാനത്താവളത്തിലെ വിമാന പ്രവർത്തനങ്ങളെ ബാധിച്ചിട്ടില്ലെന്നും ഇന്ന് ഉച്ചതിരിഞ്ഞ് പതിവുപോലെ തുടരുമെന്നും അധികൃതർ അറിയിച്ചു.
കാലാവസ്ഥ അപ്‌ഡേറ്റായിരിക്കാന്‍ താഴെ കൊടുത്ത ഞങ്ങളുടെ ഗ്രൂപ്പുകളില്‍ ചേരാം.
