യുഎഇയില്‍ 228 വര്‍ഷത്തിന് ശേഷമുള്ള ഏറ്റവും ദൈര്‍ഘ്യമേറിയ പകല്‍ കാരണമറിയാം

യുഎഇയില്‍ 228 വര്‍ഷത്തിന് ശേഷമുള്ള ഏറ്റവും ദൈര്‍ഘ്യമേറിയ പകല്‍ കാരണമറിയാം

യുഎഇയില്‍ ഈ മാസം 20ന് ഏറ്റവും ദൈര്‍ഘ്യമേറിയ പകല്‍ അനുഭവപ്പെടും. 228 വര്‍ഷത്തിനു ശേഷമുള്ള ഏറ്റവും ദൈർഘ്യം ഏറിയ പകലാണ് ജൂൺ 20ന് അനുഭവപ്പെടുക. അവസാനമായി 1796ലാണ് ഇത്രയും ദൈര്‍ഘ്യമുള്ള പകല്‍ യുഎഇയില്‍ ഇതിനു മുൻപ് അനുഭവപ്പെട്ടിട്ടുള്ളത്. ഈ ദിവസം പകൽ ദൈർഘ്യം 13 മണിക്കൂറും 48 മിനിറ്റും ആയിരിക്കും. ഈ വര്‍ഷം നേരത്തെയുള്ള വേനല്‍ അറുതിയാണ് (സോള്‍സ്‌റ്റൈസ്) ഇതിന് കാരണമാകുന്നത്.

ആകാശഗോളത്തിലെ ഖഗോളമധ്യരേഖയുമായി (സെലെസ്റ്റ്യല്‍ ഇക്വേറ്റര്‍) താരതമ്യപ്പെടുത്തുമ്പോള്‍ സൂര്യന്‍ അതിന്റെ ഏറ്റവും വടക്ക് അല്ലെങ്കില്‍ ഏറ്റവും തെക്ക് ഭാഗത്തുള്ള ബിന്ദുവില്‍ എത്തുന്നതിനാണ് ഒരു അറുതി അഥവാ സോള്‍സ്‌റ്റൈസ് എന്നു പറയുക. ഒരു അര്‍ദ്ധഗോളത്തിലെ ഏറ്റവും ദൈര്‍ഘ്യമേറിയ പകലും ഏറ്റവും കുറഞ്ഞ രാത്രിയും ഉള്ള പകലിനെ വേനല്‍ക്കാല അറുതി ആയി കണക്കാക്കും.

ഈ പ്രതിഭാസം നടക്കുമ്പോള്‍ സൂര്യന്‍ ആകാശത്തിലെ ഏറ്റവും ഉയര്‍ന്ന ഭാഗത്തായിരിക്കും നിൽക്കുക. ഇത് അതാത് അര്‍ദ്ധഗോളത്തിനുള്ളിലെ ധ്രുവത്തില്‍ തുടര്‍ച്ചയായ പകലിന് കാരണം ആകും . അതേസമയം, ശീതകാല അറുതിയിൽ വര്‍ഷത്തിലെ ഏറ്റവും ചെറിയ പകലും ദൈര്‍ഘ്യമേറിയ രാത്രിയുമാണ് അനുഭവപ്പെടുക.

വേനല്‍ക്കാല അറുതിയില്‍ സൂര്യന്‍ അതിന്റെ വടക്കേ അറ്റത്തുള്ള ട്രോപിക് ഓഫ് കാന്‍സര്‍ എന്ന സ്ഥലത്താണ് നേരിട്ട് തലയ്ക്കു മുകളില്‍ നില്‍ക്കുക . യുഎഇയുടെ തെക്കന്‍ പ്രദേശങ്ങളിൽ സൂര്യൻ നേരിട്ട് തലയ്ക്ക് മുകളില്‍ വരുന്ന പ്രദേശങ്ങളില്‍ ഉച്ചയ്ക്ക് നിഴല്‍ കാണില്ല. ഉച്ചസമയത്തെ നിഴലുകള്‍ അറേബ്യന്‍ ഉപദ്വീപിലും ചെറുതായി അനുഭവപ്പെടും. ഏറ്റവും ചെറിയ നിഴല്‍ വടക്കന്‍ അര്‍ധഗോളത്തിലുടനീളം അനുഭവപ്പെടും.

ഈ ദൈര്‍ഘ്യമേറിയ പകലിലെ താപനില 41 മുതല്‍ 43 ഡിഗ്രി സെല്‍ഷ്യസും രാത്രിയില്‍ 26 മുതല്‍ 29 ഡിഗ്രി സെല്‍ഷ്യസും ആയിരിക്കും ഉണ്ടാവുക. പൊതുവെ വരണ്ട കാലാവസ്ഥയും ശക്തമായ കാറ്റും അനുഭവപ്പെടും. ഈ മാസം 21 മുതല്‍ ഓഗസ്റ്റ് 10 വരെയുള്ള വേനല്‍ക്കാലത്തിന്റെ ആദ്യ പകുതി വരെ പകലിന്റെ ദൈര്‍ഘ്യം കൂടുതൽ ആയിരിക്കും. വേനല്‍ക്കാലത്തിന്റെ രണ്ടാം പകുതി ഓഗസ്റ്റ് 11 മുതല്‍ സെപ്റ്റംബര്‍ 23 വരെ ആണ്.

യുഎഇയില്‍ 228 വര്‍ഷത്തിന് ശേഷം എന്തുകൊണ്ടാണ് ജൂൺ 20 ഏറ്റവും ദൈർഘമേറിയ ദിനമായത്

സോൾസ്റ്റിസ് എന്ന പദം രണ്ട് ലാറ്റിൻ പദങ്ങളുടെ സംയോജനത്തിൽ നിന്നാണ് വന്നത് – ‘സോൾ’ എന്നാൽ സൂര്യൻ, ‘സിസ്റ്റേർ’ എന്നർത്ഥം നിശ്ചലമായി നിൽക്കുക. അതിനാൽ, ജൂൺ 20 ന് , സൂര്യൻ അതിന്റെ ഏറ്റവും വടക്കേ അറ്റത്ത് എത്തുകയും കർക്കടകത്തിന്റെ ട്രോപ്പിക്ക് മുകളിൽ നേരിട്ട് നിശ്ചലമാവുകയും ചെയ്യുന്നു. അത് അതിന്റെ ദിശ തിരിച്ച് വീണ്ടും തെക്കോട്ട് നീങ്ങാൻ തുടങ്ങുന്നു. 

യുഎഇയില്‍ 228 വര്‍ഷത്തിന് ശേഷം ഭൂമിയിൽ നിന്ന് ഏറ്റവും അകലെ സൂര്യൻ 

വടക്കൻ അർദ്ധഗോളത്തിലെ വേനൽക്കാലമായതിനാൽ ഭൂമി സൂര്യനോട് ഏറ്റവും അടുത്ത് നിൽക്കുന്നത് ജൂൺ മാസത്തിലാണ് എന്ന തെറ്റായ ധാരണ പലർക്കും ഉണ്ട്. എന്നിരുന്നാലും, വർഷത്തിലെ ഈ സമയത്താണ് സൂര്യൻ ഭൂമിയിൽ നിന്ന് ഏറ്റവും അകലെയുള്ളത് എന്നതാണ് സത്യം. 

യുഎഇയില്‍ 228 വര്‍ഷത്തിന് ശേഷമുള്ള ഏറ്റവും ചൂടേറിയ ദിവസമല്ല ഇത് 

ജൂൺ 20, വർഷത്തിലെ ഏറ്റവും ചൂടേറിയ ദിവസമായിരിക്കില്ലേ എന്ന് നിങ്ങൾ ചിന്തിച്ചേക്കാം. എന്നിരുന്നാലും, ഈ മേഖലയിലെ ഏറ്റവും ചൂടേറിയ ദിവസം പലപ്പോഴും അറുതി കഴിഞ്ഞ് ഏതാനും ആഴ്ചകൾ അല്ലെങ്കിൽ മാസങ്ങൾക്കു ശേഷമാണ് സംഭവിക്കുന്നത്. സമുദ്രങ്ങളും ഭൂപ്രദേശങ്ങളും ചൂടാകാൻ സമയമെടുക്കുന്നതിനാലാണ് വർഷത്തിലെ ഏറ്റവും ദൈർഘ്യമേറിയ ദിവസം സംഭവിക്കുന്നത്. പ്രതിഭാസത്തെ സീസണുകളുടെ കാലതാമസം എന്ന്  വിളിക്കുന്നു .

metbeat news

കാലാവസ്ഥ അപ്‌ഡേറ്റായിരിക്കാന്‍ താഴെ കൊടുത്ത ഞങ്ങളുടെ ഗ്രൂപ്പുകളില്‍ ചേരാം.

വാട്‌സ്ആപ്പ്

ടെലഗ്രാം

വാട്‌സ്ആപ്പ് ചാനല്‍

Google News

Facebook Page

Weatherman Kerala Fb Page

Share this post

Content editor at MetBeat Weather. She graduated in English from Calicut University, and holds a Diploma in Electronics and Communication from Thiruvananthapuram Press Club and master of communication and journalism (MCJ) from Bharatiyar University with four years of experience in print and online media.

Leave a Comment