ടെക്സാസ് മുതൽ ടോക്കിയോ വരെ കൊടുംചൂട്. കടുത്ത ചൂടും താപനില വർദ്ധനവും ഇന്ധന വിതരണത്തിന് ഭീഷണിയായി മാറുന്നു. കടുത്ത ചൂടിനെ തുടർന്ന് എയർകണ്ടീഷനുകളുടെ ഉപയോഗം കൂടിയത് വൈദ്യുത ആവശ്യകതയിൽ കുതിച്ചുചാട്ടം ഉണ്ടാക്കുന്നതിന് കാരണമായതിന് പുറമേ, എണ്ണ ശുചീകരണ ശാലകളിൽ തടസ്സങ്ങൾ സൃഷ്ടിക്കുന്നതിനും ഉയർന്ന താപനില കാരണമായി. അതിനാൽ തന്നെ യുഎസിലെ പെട്രോൾ ഡീസൽ വില വർദ്ധിച്ചു. ഡീസൽ വില ക്രൂഡോയിൽ വിലയേക്കാൾ വർദ്ധിച്ചു. കഴിഞ്ഞ ജൂലൈ മാസം ലോകത്തിലെ ഏറ്റവും ചൂട് ഏറിയ മാസം ആയിരുന്നു. കടുത്ത ചൂടുകാരണം എണ്ണ സംസ്കരണം രണ്ട് ശതമാനം കുറഞ്ഞു. കൂടാതെ ഉക്രൈനിലെ യുദ്ധവും എണ്ണ ഉൽപാദനം കുറയാൻ മറ്റൊരു കാരണമായി.
അമേരിക്കയിലും, യൂറോപ്യൻ രാജ്യങ്ങളിലുമാണ് ചൂടു കൂടുതൽ പ്രത്യാഘാതങ്ങൾ സൃഷ്ടിച്ചത്. വ്യവസായ കൺസൾട്ടറായ എഫ് ജിഇ യുടെ കണക്കനുസരിച്ച് യൂറോപ്പ്യൻ ക്രൂഡ് പ്രോസസിംഗ് ഒരു വർഷം മുൻപത്തെക്കാൾ ഈ വേനൽക്കാലത്ത് 700,000 ബാരൽ കുറഞ്ഞു. ഇങ്ങനെ ഇടിവ് സംഭവിച്ചത് ചൂട് മൂലമാണെന്ന് എഫ് യുടെ റിഫൈനിംഗ് ഡയറക്ടറും ഡൗൺ സ്ട്രീം മേധാവിയുമായ സ്റ്റീവ് സോയർ പറഞ്ഞു.
ഉയരുന്ന താപനില കാരണം മിഡിൽ ഈസ്റ്റിലും ദക്ഷിണേന്ത്യയിലും വൈദ്യുതി ഉത്പാദിപ്പിക്കുന്നതിന് സാധാരണയായി ഉപയോഗിക്കുന്ന ഇന്ധന എണ്ണയുടെ ആവശ്യം വർദ്ധിച്ചുവരുന്നു. എന്നാൽ റൈൻ നദിയും പനാമ കനാലും പോലുള്ള സുപ്രധാന ജലപാതകൾ വറ്റിയതോടെ യാത്രയ്ക്കുള്ള നിയന്ത്രണം ഏർപ്പെടുതിയതിനാൽ ഗതാഗത ചെലവും വർദ്ധിക്കുന്നു.
കാലാവസ്ഥാ വ്യതിയാനം വടക്കൻ അർദ്ധഗോളത്തിലുടനീളം കൂടുതൽ ശീതകാല കാലാവസ്ഥയ്ക്ക് കാരണമാകുന്നു, കാരണം ചൂടാകുന്ന പസഫിക് സമുദ്രം വടക്കോട്ട് നീങ്ങുകയും ധ്രുവ ചുഴലിക്കാറ്റിനെ തെക്കോട്ട് തള്ളുകയും ചെയ്യും, ഇത് വടക്കേ ഏഷ്യ, യൂറോപ്പ്, വടക്കേ അമേരിക്ക എന്നിവിടങ്ങളിൽ തണുത്ത സ്പൈക്കുകൾക്ക് കാരണമാകും,” ഊർജ്ജ കാലാവസ്ഥാ ഡയറക്ടർ ഹെന്നിംഗ് ഗ്ലോസ്റ്റീൻ പറഞ്ഞു.
ഡിസംബർ അവസാനത്തിൽ യുഎസിലുണ്ടായ മരവിപ്പ് അതിന് ഉദാഹരണമാണ്. ഈ കാലയളവിൽ റിഫൈനറി ത്രൂപുട്ട് പ്രതിദിനം ഏകദേശം 2 ദശലക്ഷം ബാരൽ കുറഞ്ഞുവെന്ന് ജെപി മോർഗൻ ചേസ് ആൻഡ് കമ്പനിയിലെ ഏഷ്യ എനർജി ആൻഡ് കെമിക്കൽസ് റിസർച്ച് മേധാവി പാർസ്ലി ഓങ് പറഞ്ഞു.
