Uae weather 08/02/25: ഇന്ന് പൊടിപടലവും മഴയും ഉണ്ടാകാൻ സാധ്യത, താപനിലയിലും മാറ്റം
യുഎഇയിലെ ചില കിഴക്കൻ, വടക്കൻ, ദ്വീപ് പ്രദേശങ്ങളിൽ ഇന്ന് പൊടി നിറഞ്ഞതും ഭാഗികമായി മേഘാവൃതവുമായ കാലാവസ്ഥയുണ്ടാകുമെന്ന് മെറ്റ് ഓഫീസ് പ്രവചനം. കാലാവസ്ഥയിൽ മാറ്റം പ്രതീക്ഷിക്കാം. “നേരിയ മഴയ്ക്ക് സാധ്യതയുണ്ടെന്നും താപനില കുറയുമെന്നും” പ്രവചനം പറയുന്നു.
നാഷണൽ സെന്റർ ഓഫ് മെറ്റീരിയോളജി (NCM) അനുസരിച്ച്, ചില ഉൾപ്രദേശങ്ങളിൽ മൂടൽ മഞ്ഞ് രൂപപ്പെടാനുള്ള സാധ്യത. രാത്രിയിൽ ഈർപ്പമുള്ള കാലാവസ്ഥ തുടരും.
മണിക്കൂറിൽ 40 കിലോമീറ്റർ വരെ വേഗതയിൽ എത്തുന്ന നേരിയതോ മിതമായതോ ആയ കാറ്റ് പൊടിപടലങ്ങൾക്ക് കാരണമാകുമെന്നതിനാൽ താമസക്കാർ ജാഗ്രത പാലിക്കാൻ നിർദ്ദേശിക്കുന്നു.
തീരദേശ, ദ്വീപ് മേഖലകളിൽ ഇന്ന് ഏറ്റവും ഉയർന്ന താപനില 22 നും 26 നും ഇടയിൽ ആയിരിക്കുമെന്നും, കുറഞ്ഞ താപനില 13 നും 18 നും ഇടയിൽ ആയിരിക്കുമെന്നും പ്രതീക്ഷിക്കുന്നു.
ഫെബ്രുവരി 8 ശനിയാഴ്ച രാവിലെ 6.10 മുതൽ രാത്രി 10 വരെ ഒമാൻ കടലിലും, അറേബ്യൻ ഗൾഫിൽ വൈകുന്നേരം 7 മണി വരെയും തിരമാലകൾ ആറടി ഉയരത്തിൽ എത്തുമെന്ന് എൻ‌സി‌എം മുന്നറിയിപ്പ് നൽകി.
