കനത്ത മഴയും ഇടിയും പ്രതീക്ഷിക്കുന്ന സാഹചര്യത്തിൽ യുഎഇ മുൻകരുതലെടുത്തു

കനത്ത മഴയും ഇടിയും പ്രതീക്ഷിക്കുന്ന സാഹചര്യത്തിൽ യുഎഇ മുൻകരുതലെടുത്തു

എമിറേറ്റ്‌സിൽ ബുധൻ, വ്യാഴം ദിവസങ്ങളിൽ ഉടനീളം വീശാൻ പോകുന്ന കൊടുങ്കാറ്റിൻ്റെ ആഘാതം കുറയ്ക്കാനുള്ള ശ്രമങ്ങളെക്കുറിച്ച് ദേശീയ കാലാവസ്ഥാ ദൗത്യസേന പ്രധാന ചർച്ചകൾ നടത്തി.

കനത്ത മഴ, ഇടി, മിന്നൽ, ആലിപ്പഴം എന്നിവ ബുധനാഴ്ച വൈകുന്നേരം ആരംഭിച്ച് വ്യാഴാഴ്ച രാജ്യത്തിൻ്റെ മിക്ക പ്രദേശങ്ങളിലേക്കും വ്യാപിക്കുമെന്ന് എൻസിഎം പ്രവചിക്കുന്നു.

എന്നിരുന്നാലും, കഴിഞ്ഞ മാസം രാജ്യത്ത് ഉണ്ടായ ചരിത്രപരമായ വെള്ളപ്പൊക്കത്തേക്കാൾ തീവ്രത കുറവായിരിക്കുമെന്ന് കാലാവസ്ഥാ കേന്ദ്രം പറഞ്ഞു.
ബുധനാഴ്ച വൈകുന്നേരം ആരംഭിക്കുന്ന ഒരൊറ്റ തരംഗം മാത്രമാണെന്നും അത് വ്യാഴാഴ്ച രാജ്യം മുഴുവൻ നീണ്ടുനിലാകുന്നതാണെന്ന് എൻസിഎം കാലാവസ്ഥാ നിരീക്ഷകൻ എസ്രാ അൽ നഖ്ബി ‘ദി നാഷനോട് ‘പറഞ്ഞു.

മുൻകൂർ സുരക്ഷാ നടപടികൾ

പ്രതികൂല കാലാവസ്ഥയെ തുടർന്ന് വ്യാഴം, വെള്ളി ദിവസങ്ങളിൽ ദുബായിലെ എല്ലാ സ്വകാര്യ സ്‌കൂളുകൾക്കും വിദൂരപഠനത്തിന് നിർദ്ദേശം നൽകിയിട്ടുണ്ട്.
സർക്കാർ ജീവനക്കാർ വ്യാഴാഴ്ച വീടുകളിൽ ജോലി ചെയ്യുമെന്ന് ഷാർജ സർക്കാർ മീഡിയ ഓഫീസ് അറിയിച്ചു.
സുരക്ഷാ മുൻകരുതലെന്ന നിലയിൽ രണ്ട് ദിവസങ്ങളിലും പൊതു പാർക്കുകൾ അടച്ചിടും.

അപകടകരമായ കാലാവസ്ഥയിൽ വാഹനമോടിക്കുമ്പോൾ വാഹനമോടിക്കുന്നവർ ജാഗ്രത പാലിക്കണമെന്ന് ദുബായിലെയും അബുദാബിയിലെയും പോലീസ് അറിയിച്ചു.

കാലാവസ്ഥ അപ്ഡേറ്റുകൾക്കായി

FOLLOW US ON GOOGLE NEWS