ശക്തമായ ആലിപ്പഴ വര്‍ഷത്തില്‍ വിമാനം തകര്‍ന്നു, സുരക്ഷിതമായി ഇറങ്ങി

ശക്തമായ ആലിപ്പഴ വര്‍ഷത്തില്‍ വിമാനം തകര്‍ന്നു, സുരക്ഷിതമായി ഇറങ്ങി

ശക്തമായ ആലിപ്പഴ വര്‍ഷത്തെ തുടര്‍ന്ന് വിമാനത്തിന്റെ മുന്‍ഭാഗം തകര്‍ന്നു. ഓസ്ട്രിയയിലാണ് സംഭവം. പാല്‍മ ഡെ മല്ലോര്‍സയില്‍ നിന്ന് സ്‌പെയിനിലെ വിയന്നയിലേക്ക് പോകുകയായിരുന്നു ആസ്ട്രിയ (O434) ആണ് കനത്ത ആലിപ്പഴ വര്‍ഷത്തില്‍ തകര്‍ന്നത്. വിമാനത്തിന്റെ മുന്‍ഭാഗത്തെ കൂര്‍ത്ത മൂക്ക് (Nose Cone) പാടെ തകര്‍ന്നു. കോക്പിറ്റ് വിന്‍ഡോ ഗ്ലാസുകളും തകര്‍ന്നു.

ശക്തമായ ഇടിമിന്നലിനും മഴയ്ക്കും ഒപ്പമാണ് ആലിപ്പഴ വര്‍ഷമുണ്ടായത്. ലാന്റ് ചെയ്യാന്‍ 20 മിനുട്ടുള്ളപ്പോഴാണ് ഇടിമിന്നലോടെ ശക്തമായ മഴയും ആലിപ്പഴ വര്‍ഷവുമുണ്ടായതെന്ന് യാത്രക്കാര്‍ പറഞ്ഞു.

വലിയ കല്ലുകള്‍ പതിക്കുന്നതുപോലെ അനുഭവപ്പെട്ടുവെന്നും വന്‍ ശബ്ദമുണ്ടായിരുന്നുവെന്നും യാത്രക്കാര്‍ പറഞ്ഞു. മിനുട്ടുകളോളം പാറകള്‍ വന്ന് വിമാനത്തിനു മുകളില്‍ വീഴുന്ന അനുഭവമുണ്ടായെന്നും യാത്രക്കാര്‍ പറയുന്നു.

രണ്ടു മിനുട്ടോളം വലിയ ഐസ് കഷ്ണങ്ങള്‍ വീണു. ആകാശച്ചുഴിയില്‍പ്പെടുന്നതുപോലുള്ള അനുഭവവമുണ്ടായി. ചില യാത്രക്കാര്‍ക്ക് അസ്വസ്ഥതകളുണ്ടായി. യാത്രക്കാര്‍ക്ക് കാബിന്‍ ക്രൂ സുരക്ഷാ നിര്‍ദേശം നല്‍കിയതിനാല്‍ അപകടമുണ്ടായില്ല.

കാബിന്‍ക്രൂ സമയോചിതമായി ഇടപെട്ടതാണ് യാത്രക്കാര്‍ക്ക് പരുക്കേല്‍ക്കാതിരിക്കാന്‍ കാരണമെന്ന് യാത്രക്കാന്‍ ഒക്ലെ പറഞ്ഞു. വിയന്നയിലെ ഷെവാട്‌സ് വിമാനത്താവളത്തില്‍ വിമാനം സുരക്ഷിതമായി ഇറങ്ങി. ആര്‍ക്കും പരുക്കില്ലെന്ന് ഓസ്ട്രിയന്‍ എയര്‍ലൈന്‍സ് അറിയിച്ചു.

metbeat news

കാലാവസ്ഥ അപ്‌ഡേറ്റായിരിക്കാന്‍ താഴെ കൊടുത്ത ഞങ്ങളുടെ ഗ്രൂപ്പുകളില്‍ ചേരാം.

വാട്‌സ്ആപ്പ്

ടെലഗ്രാം

വാട്‌സ്ആപ്പ് ചാനല്‍

Google News

Facebook Page

Weatherman Kerala Fb Page

Share this post

Content editor at MetBeat Weather. She graduated in English from Calicut University, and holds a Diploma in Electronics and Communication from Thiruvananthapuram Press Club and master of communication and journalism (MCJ) from Bharatiyar University with four years of experience in print and online media.

Leave a Comment