നാളെ ഈ ജില്ലക്കാർ ശ്രദ്ധിക്കുക; കൊല്ലത്ത് താപനില 36 ഡിഗ്രി വരെ ഉയരും

തെക്കു പടിഞ്ഞാറൻ മൺസൂണിന്റെ കുറവും അമിതമായ ചൂടും കാരണം കേരളത്തിൽ നാളെ 8 ജില്ലകളിൽ താപനില ഉയരും.IMD പ്രവചനമനുസരിച്ച്, പരമാവധി താപനില കൊല്ലം ജില്ലയിൽ 36 ഡിഗ്രി സെൽഷ്യസും പത്തനംതിട്ട, ആലപ്പുഴ, കോട്ടയം, പാലക്കാട് ജില്ലകളിൽ 35 ഡിഗ്രി സെൽഷ്യസും, തിരുവനന്തപുരം, കോഴിക്കോട്, കണ്ണൂർ ജില്ലകളിൽ 34 ഡിഗ്രി സെൽഷ്യസും (സാധാരണയേക്കാൾ 3 മുതൽ 4 ഡിഗ്രി സെൽഷ്യസ് വരെ) ആയിരിക്കാനാണ് സാധ്യത)

അതേസമയം അടുത്ത 3 ദിവസങ്ങളിൽ വടക്കൻ കേരളത്തിൽ ഒറ്റപ്പെട്ട മഴയ്ക്ക് സാധ്യതയുണ്ടെന്ന് മെറ്റ്‌ബീറ്റ് വെതർ നിരീക്ഷകൻ അറിയിച്ചു. ഇന്ന് കണ്ണൂർ ജില്ലയിൽ മഴ ലഭിച്ചു. സംസ്ഥാനത്ത് താപനില ഉയരുന്ന സാഹചര്യത്തിൽ പൊതുജനങ്ങൾക്കായുള്ള ജാഗ്രത നിർദേശങ്ങൾ കഴിഞ്ഞ ദിവസം ദുരന്ത നിവാരണ അതോറിറ്റി പുറത്തിറക്കിയിരുന്നു.

https://fb.watch/mFJVfix6vI/
ജാഗ്രത നിര്‍ദേശങ്ങള്‍

പൊതുജനങ്ങൾ പരമാവധി പകൽ 11 മുതൽ 3 വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യ പ്രകാശം ഏൽക്കുന്നത് ഒഴിവാക്കുക .

ജലം പാഴാക്കാതെ ഉപയോ​ഗിക്കണം. മഴ ലഭിക്കുമ്പോൾ പരമാവധി ജലം സംഭരിക്കാനുള്ള നടപടികൾ സ്വീകരിക്കണം. നിർജലീകരണം തടയാൻ കുടിവെള്ളം കുപ്പിയിലാക്കി കൈയ്യിൽ കരുതണം.

വെള്ളം കുടിക്കുന്നത് ശീലമാക്കുക. ദാഹമില്ലെങ്കിൽ പോലും വെള്ളം കുടിക്കുന്നത് ശീലമാക്കണം. മദ്യം , കാപ്പി, ചായ കാർബണേറ്റ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങൾ പകൽ സമയത്ത് ഒഴിവാക്കുക
അയഞ്ഞതും ഇളം നിറത്തിലുള്ളതുമായ വസ്ത്രം ധരിക്കാൻ തിരഞ്ഞെടുക്കുക

പുറത്തിറങ്ങുമ്പോൾ പാദരക്ഷകൾ ധരിക്കുക. പുറത്തിറങ്ങുമ്പോൾ കുടയോ തൊപ്പിയോ ഉപയോ​ഗിക്കാവുന്നതാണ്.

ചൂട് വർധിക്കുന്ന സാഹചര്യത്തിൽ കാട്ടു തീയുണ്ടാകാനുള്ള സാധ്യതയുണ്ട്. വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാ​ഗ്രത പാലിക്കുക. കാട്ടു തീ ഉണ്ടാകാനുള്ള സാഹചര്യം കഴിയുന്നതും ഒഴിവാക്കുക. വനം വകുപ്പിന്റെ നിർദേശങ്ങൾ കർശനമായി പാലിക്കുക

മാർക്കറ്റുകൾ കെട്ടിടങ്ങൾ മാലിന്. ശേഖരണ നിക്ഷേപ കേന്ദ്രങ്ങൾ എന്നിവിടങ്ങളിൽ തീപിടുത്തങ്ങൾ ഉണ്ടാകാനുള്ള സാധ്യത കൂടുതലാണ് . ഫയർ ഓഡിറ്റ് നടത്തി കൃത്യമായ സുരക്ഷാ മുൻകരുതലുകൾ സ്വീകരിക്കണം. ഇവയോട് ചേർന്ന വസിക്കുന്നവരും പ്രത്യേകം ജാ​ഗ്രത പുലർത്തുക

വിദ്യാഭ്യാസ സ്ഥാപനങ്ങളിൽ വിദ്യാർഥികൾക്ക് ശുദ്ധമായ കുടിവെള്ളം ഉറപ്പാക്കണം. കൂടാതെ ക്ലാസ് മുറികളിലും വായു സ്ഞ്ചാരം ഉറപ്പാക്കണം.

അങ്കണവാടി കുട്ടികൾക്ക് ചൂട് ഏൽക്കാത്ത തരത്തിലുള്ള സംവിധാനം നടപ്പാക്കാൻ അതാത് പഞ്ചായത്ത് അധികൃതരും അങ്കണവാടി ജീവനക്കാരം പ്രത്യേകം ശ്രദ്ധിക്കണം.

കുട്ടികളേയും വളർച്ചു മൃ​ഗങ്ങളേയും പാർക്ക് ചെയ്ത വാഹനങ്ങളിൽ ഇരുത്തി പോകാൻ പാടില്ല

അസ്വസ്ഥതകൾ അനുഭവപ്പെട്ടാൽ ഉടൻ തന്നെ വിശ്രമിക്കുകയും വൈദ്യ സഹായം തേടുകയും ചെയ്യുക

കാലവസ്ഥ വകുപ്പിന്റേയും ദുരന്ത നിവാരണ അതോറിറ്റിയുടേയും ഔദ്യോ​ഗിക മുന്നറിയിപ്പുകൾ ശ്രദ്ധിക്കുക.

Share this post

Content editor at MetBeat Weather. She graduated in English from Calicut University, and holds a Diploma in Electronics and Communication from Thiruvananthapuram Press Club and master of communication and journalism (MCJ) from Bharatiyar University with four years of experience in print and online media.

Leave a Comment