Menu

mullaperiyar dam

ന്യൂനമർദ്ദം: മഴ ശക്തിപ്പെട്ടു; മുല്ലപെരിയാർ 142 അടിയിലേക്ക്

തേക്കടി: മുല്ലപ്പെരിയാറിൽ ജലനിരപ്പ് പരമാവധി സംഭരണശേഷിയായ 142 അടിയിലേക്ക്. 141.9 ആണ് നിലവിലെ ജലനിരപ്പ്. തമിഴ്നാട് കൊണ്ടുപോകുന്ന വെള്ളത്തിന്റെ അളവ് 750 ഘനയടിയാക്കി കൂട്ടി.
ന്യൂനമർദത്തിന്റെ ഭാഗമായി കഴിഞ്ഞ ദിവസങ്ങളിൽ ഉള്‍വനങ്ങളില്‍ മഴ കനത്തതാണ് നീരൊഴുക്ക് വര്‍ധിക്കാന്‍ കാരണം.
കഴിഞ്ഞ മൂന്ന് ദിവസമായി മുല്ലപ്പെരിയാറില്‍ ജലനിരപ്പ് ഉയരുകയാണ്. നേരത്തെ തമിഴ്നാട് കൊണ്ടുപോയിരുന്നത് 250 ഘനയടി വെള്ളമായിരുന്നു. കൊണ്ടുപോകുന്ന വെള്ളത്തിന്‍റെ അളവ് വര്‍ധിപ്പിക്കണമെന്ന് കേരളം തമിഴ്നാടിനോട് ആവശ്യപ്പെട്ടിരുന്നു.
ഇതിന് പിന്നാലെയാണ് തമിഴ്നാട് കൊണ്ടുപോകുന്ന വെള്ളത്തിന്‍റെ അളവ് 750 ഘനയടിയായി കൂട്ടിയത്. തേക്കടി വനമേഖലയിലും പെരിയാര്‍ വൃഷ്ടിപ്രദേശത്തും മഴ തുടരുകയാണ്. ഉള്‍വനങ്ങളിലെ മഴയാണ് മുല്ലപ്പെരിയാറിലെ നീരൊഴുക്ക് കൂടാന്‍ കാരണം.

മുല്ലപെരിയാറിൽ ജലനിരപ്പ് 140 അടിയായി ; ആദ്യ മുന്നറിയിപ്പ് നൽകി

തൊടുപുഴ: മുല്ലപ്പെരിയാർ അണക്കെട്ടിൽ ജലനിരപ്പ് 140 അടിയിലെത്തിയതോടെ ആദ്യമുന്നറിയിപ്പ് നൽകി തമിഴ്‌നാട്.നവംബർ 9നും തമിഴ്‌നാട് ആദ്യ മുന്നറിയിപ്പ് നൽകിയിരുന്നു.142 അടിയെത്തിയാൽ ഡാം തുറക്കേണ്ടിവരും.സെപ്റ്റംബറിൽ കനത്ത മഴയെ തുടർന്ന് മുല്ലപ്പെരിയാർ ഡാമിന്റെ ഷട്ടറുകൾ തുറന്നിരുന്നു. മൂന്നു ഷട്ടറുകൾ 30 സെൻറീമീറ്ററാണ് ഉയർത്തിയത്. കേരളത്തിലെ തേക്കടിയിൽ സ്ഥിതിചെയ്യുന്ന ഡാമിന്റെ നിയന്ത്രണം തമിഴ്‌നാട് സർക്കാരിനാണ്.1200 അടി നീളമുള്ള ഡാമിന്റെ നിയന്ത്രണം 1886 ഒക്ടോബർ 29 ലെ പെരിയാർ തടാകം പാട്ടക്കരാർ പ്രകാരമാണ് തമിഴ്‌നാടിന് ലഭിച്ചത്. 1895 ലാണ് ഡാം നിർമാണം പൂർത്തിയായത്.
്അതിനിടെ, നാളെ ബംഗാൾ ഉൾക്കടലിൽ രൂപപ്പെടുമെന്ന് പ്രതീക്ഷിച്ച ന്യൂനമർദം ഞായറാഴ്ച രൂപപ്പെടും.

തുടർന്ന് ശക്തിപ്പെട്ട് തമിഴ്‌നാട് തീരത്തേക്ക് നീങ്ങും. ഇതിനിടെ ചുഴലിക്കാറ്റാകാനും സാധ്യതയുണ്ട്. തമിഴ്‌നാട്ടിൽ കനത്ത മഴ തുടരുകയാണ്. ന്യൂനമർദം തമിഴ്‌നാട് തീരത്ത് ഈ മാസം 8 ന് പ്രവേശിച്ച് കേരളത്തിനും തമിഴ്‌നാടിനും കുറുകെ സഞ്ചരിച്ച് അറബിക്കടലിൽ പ്രവേശിച്ചേക്കും. തെക്കൻ തമിഴ്‌നാട്ടിലും തെക്കൻ കേരളത്തിലും അടുത്ത ദിവസങ്ങളിൽ മഴ ശക്തിപ്പെടാനാണ് സാധ്യതയെന്നാണ് കാലാവസ്ഥാ നിരീക്ഷണം.