Menu

Low pressure

ന്യൂനമർദ്ദം രൂപപ്പെട്ടു: ശക്തിപ്പെട്ട് തമിഴ്നാട് തീരത്തേക്ക്

ബംഗാൾ ഉൾക്കടലിന്റെ തെക്കൻ മേഖലയിൽ ആൻഡമാൻ കടലിനോട് ചേർന്ന് ഇന്ന് രാവിലെ ന്യൂനമർദ്ദം രൂപപ്പെട്ടു. അടുത്ത 48 മണിക്കൂറിനകം ഈ ന്യൂനമർദ്ദം ശക്തിപ്പെട്ടു തീവ്ര ന്യൂനമർദ്ദം (Depression) ആകും . തുടർന്ന് തമിഴ്നാട് തീരം ലക്ഷ്യമാക്കി നീങ്ങും. പുതുച്ചേരിയും ആന്ധ്ര തീരത്തിനു മിടയിൽ ന്യൂനമർദ്ദം കരകയറുമെന്നാണ് നിരീക്ഷണം. തമിഴ്നാട് ആന്ധ്ര തീരങ്ങളിൽ കനത്ത മഴക്ക് സാധ്യതയുണ്ട്.

കേരളത്തിൽ ചൊവ്വ വരെ മഴ കുറയും
ന്യൂനമർദ്ദം രൂപപ്പെടുന്നതിന്റെ ഭാഗമായി കേരളത്തിൽ ചൊവ്വാഴ്ച വരെ മഴ കുറയും. കിഴക്കൻ കാറ്റിനെ ന്യൂനമർദ്ദം അസ്ഥിരതപ്പെടുത്തുന്നതാണ് കാരണം. ന്യൂനമർദ്ദം കരകയറിയതിനുശേഷം ഇനി കേരളത്തിൽ ഇടിയോട് കൂടെയുള്ള തുലാവർഷം സജീവമാവുകയുള്ളൂ. അറബിക്കടലിലെ ചക്രവാതെ ചുഴികൾ കാരണം പടിഞ്ഞാറൻകാറ്റ് കേരളത്തിലേക്ക് എത്തുന്നതും കുറഞ്ഞിട്ടുണ്ട്. ഇതിനാൽ പൊതുവേ വരണ്ട കാലാവസ്ഥ പ്രതീക്ഷിക്കാം. ബുധനാഴ്ച ശേഷം വടക്കൻ കേരളത്തിൽ ഒറ്റപ്പെട്ട മഴ തിരികെ എത്തും . ന്യൂനമർദ്ദം ആന്ധ്ര ഭാഗത്തേക്ക് നീങ്ങുകയാണെങ്കിൽ കേരളത്തിൽ എല്ലാ ജില്ലകളിലും മഴ കുറയാനാണ് സാധ്യത. ഇതിനുപിന്നാലെ ബംഗാൾ ഉൾക്കടലിൽ മറ്റൊരു കൂടി ഈ മാസം പ്രതീക്ഷിക്കുന്നുണ്ട്. കൂടുതൽ വിവരങ്ങൾ അടുത്ത അവലോകനങ്ങളിൽ വായിക്കാം.

ന്യൂനമർദം നാളെ ശക്തിപ്പെടും; കേരളം ഉൾപ്പെടെ മഴ കനക്കും

ബംഗാൾ ഉൾക്കടലിൽ ശ്രീലങ്കക്ക് സമീപം രൂപപ്പെട്ട ന്യൂനമർദം നാളെയോടെ വെൽ മാർക്ഡ് ലോ പ്രഷൻ (ഡബ്ല്യു.എം.എൽ) ആകും. തുടർന്ന് വടക്കുപടിഞ്ഞാറ് ദിശയിൽ സഞ്ചരിച്ച് ശനിയാഴ്ചയോടെ തമിഴ്‌നാട് പുതുച്ചേരി തീരത്തേക്ക് നീങ്ങും.

ദക്ഷിണേന്ത്യയിൽ മഴ കനക്കും
വെള്ളിയാഴ്ച മുതൽ ദക്ഷിണേന്ത്യയിൽ മഴ ശക്തിപ്പെടാൻ ന്യൂനമർദം കാരണമാകും. തീരദേശ ആന്ധ്രപ്രദേശ്, രായലസീമ, കേരളം, പുതുച്ചേരി, തമിഴ്‌നാട് എന്നിവിടങ്ങളിൽ മഴ നൽകാൻ ന്യൂനമർദം പര്യാപ്തമാണ്. നവംബർ 11 മുതൽ 13 വരെ പലയിടത്തും ജാഗ്രത പാലിക്കേണ്ടിവരും. തമിഴ്‌നാട്ടിലെ തിരുപ്പത്തൂർ, വെല്ലൂർ, റാണിപ്പേട്ടയ്, തിരുവല്ലൂർ, ചെന്നൈ, കാഞ്ചീപുരം, വിഴുപുറം, ചെങ്കൽപട്ടു, കടലൂർ, നാഗപട്ടണം, തഞ്ചാവൂർ, തിരുവാരൂർ, പുതുക്കോട്ടൈ, ശിവഗംഗൈ, രാമനാഥപുരം ജില്ലകളിൽ ഓറഞ്ച് അലർട്ടിന് സമാനമായ മഴയുണ്ടാകുമെന്ന് ഞങ്ങളുടെ നിരീക്ഷകർ പറയുന്നു. ആന്ധ്രയിലെ നല്ലൂർ, ചിറ്റൂർ ജില്ലകളിലും അതിശക്തമായ മഴ നാളെ മുതൽ രണ്ടുദിവസം പ്രതീക്ഷിക്കണം.

കേരളത്തിൽ മഴ കനക്കും
ശനിയാഴ്ച മുതൽ തിങ്കൾ വരെ കേരളത്തിലും മഴ കനക്കും. മധ്യകേരളത്തിലും തെക്കൻ ജില്ലകളിലും എല്ലാ ജില്ലകളിലും ശക്തമായ മഴയോ ഒറ്റപ്പെട്ട അതിശക്തമായ മഴയോ ലഭിക്കും. വെള്ളിയാഴ്ച രാത്രി മുതൽ വടക്കൻ കേരളത്തിലും ശക്തമായ മഴക്ക് സാധ്യതയുണ്ട്. കിഴക്കൻ മലയോര മേഖലയിൽ കനത്ത മഴക്കും മണ്ണിടിച്ചിലിനും സാധ്യതയുള്ളതിനാൽ ഈ മേഖലയിലേക്ക് കനത്ത മഴയുള്ളപ്പോൾ അനാവശ്യ യാത്രകൾ ഒഴിവാക്കുന്നത് ഉചിതമാണെന്നെന്ന് വെതർമാൻ പറയുന്നു. ന്യൂനമർദം തമിഴ്‌നാട് തീരത്തെത്തിയശേഷം അറബിക്കടലിലേക്ക് എത്താനും സാധ്യതയുണ്ട്.

വർൾച്ചക്ക് പിന്നാലെ പ്രളയ മുന്നറിയിപ്പ്

കടുത്ത വരൾച്ചക്കും ചൂടിനും ശേഷം ബ്രിട്ടനു സമീപം കടലിൽ ന്യൂനമർദ്ദം ഉടലെടുത്തതിനെത്തുടർന്ന് കനത്ത മഴയ്ക്കും കാറ്റിനും സാധ്യത പ്രവചിച്ച് കാലാവസ്ഥാ വകുപ്പ്. ബ്രിട്ടന്റെ വടക്കൻ ഭാഗങ്ങളിൽ പ്രളയമുന്നറിയിപ്പും നൽകിയിട്ടുണ്ട്. ഇംഗ്ലണ്ടിനു വടക്കായുള്ള പ്രദേശങ്ങളിലാണ് പ്രളയമുന്നറിയിപ്പു നൽകിയിരിക്കുന്നത്. ബ്രിട്ടന്റെ പടിഞ്ഞാറൻ മേഖലയിൽ മഴയും കാറ്റും ഉണ്ടാകും. വടക്കൻ ഭാഗങ്ങളിൽ ആദ്യം മഴ ശക്തിപ്പെടുമെന്ന് കാലാവസ്ഥാ വിദഗ്ധർ പറഞ്ഞു.
മഴക്കെടുതികളെ നേരിടാനുള്ള സംവിധാനങ്ങളൊരുക്കാൻ ബ്രിട്ടിഷ് കാലാവസ്ഥാ ഏജൻസിയായ മെറ്റ് ഓഫിസ് ജനങ്ങൾക്ക് നിർദേശം നൽകിയിട്ടുണ്ട്. താഴ്ന്ന നടപ്പാതകളും ജല സ്രോതസ്സുകൾക്കു സമീപമുള്ള പാലങ്ങളും ഒഴിവാക്കാനും പ്രളയം സംഭവിച്ചാ‍ൽ പ്രളയ ജലത്തിലൂടെയുള്ള ഡ്രൈവിങ്ങിൽ നിന്ന് ഒഴിഞ്ഞു നിൽക്കാനും നിർദേശം നൽകിയിട്ടുണ്ട്. എന്നാൽ ബ്രിട്ടന്റെ മധ്യ, കിഴക്കൻ മേഖലകളിൽ പറയത്തക്ക പ്രശ്നങ്ങളുണ്ടാകില്ലെന്നും കാലാവസ്ഥാ അധികൃതർ അറിയിച്ചിട്ടുണ്ട്. കാറ്റും മഴയുമുണ്ടാകാനിടയുള്ള മേഖലകളിൽ നിന്ന് മരക്കൊമ്പുകളും മറ്റും അധികൃതർ മുറിച്ചുമാറ്റി.

ബ്രിട്ടന്റെ ഭാഗമായുള്ള സ്കോട്ലൻഡിൽ 15, 16 തീയതികളിൽ കനത്ത മഴയുണ്ടാകാനുള്ള സാധ്യതയും പ്രവചിച്ചിട്ടുണ്ട്. ഇതിനിടെ മഴയ്ക്കൊപ്പം കനത്ത മഞ്ഞുവീഴ്ചയും ബ്രിട്ടനിൽ സംഭവിക്കുമെന്ന് കാലാവസ്ഥാ പ്രവചനമുണ്ട്. ഒക്ടോബർ 15 മുതലായിരിക്കും ഇതു സംഭവിക്കുകയെന്നും കാലാവസ്ഥാ ഏജൻസി പറയുന്നു. അടുത്തയാഴ്ച ബ്രിട്ടനിലെ താപനില പൂജ്യം ഡിഗ്രി സെൽഷ്യസിനു താഴേക്കു പോകാനും സാധ്യത പ്രവചിക്കപ്പെടുന്നുണ്ട്.

ന്യൂനമർദം: യുപിയിൽ കനത്ത മഴ; മതിലിടിഞ്ഞ് 12 മരണം

ഉത്തർപ്രദേശിൽ മതിലിടിഞ്ഞ് രണ്ടിടങ്ങളിലായി 12 മരണം. ലഖ്‌നൗവിൽ ഒമ്പതു പേരും ഉന്നാവോയിൽ മൂന്നു പേരുമാണ് മരിച്ചത്.
കഴിഞ്ഞദിവസം ബംഗാൾ ഉൾക്കടലിൽ നിന്ന് കരകയറിയ ന്യൂനമർദ്ദം വെൽ മാർക്ഡ് ലോ പ്രഷറായി (WML) ഉത്തർപ്രദേശിനു മുകളിൽ തുടരുകയാണ്. മധ്യ പടിഞ്ഞാറൻ അറബിക്കടലിൽ നിന്നുള്ള ന്യൂനമർദ്ദ പാത്തി (Trough) ന്യൂനമർദ്ദത്തിലേക്ക് ബന്ധപ്പെട്ടിരിക്കുന്നു. അതിനാൽ ഈ മേഖലയിൽ മഴ ശക്തമായി പെയ്യുകയാണ്. ഉത്തർപ്രദേശിലെ ഖോര്പൂർ വഴി കാലവർഷ പാത്തി (Monsoon Trough) സഞ്ചരിക്കുന്ന സാഹചര്യവും നിലനിൽക്കുന്നതിനാൽ കൂടുതൽ മഴ ഉത്തർപ്രദേശിൽ ഡൽഹിയിലും ലഭിക്കുമെന്നാണ് നിരീക്ഷണം.
ലഖ്‌നൗവിലെ ദിൽകുഷയിലാണ് മതിലിടിഞ്ഞത്. ഇവിടെ ഒമ്പതുപേർ മരിച്ചു. ഒരാൾക്ക് പരുക്കേറ്റിട്ടുണ്ട്. മരിച്ചവരിൽ കുട്ടികളും സത്രീകളും ഉൾപെടുന്നു.
ഉന്നാവോയിൽ വീടിന്റെ മേൽക്കൂര തകർന്നു ചുമരും ഇടിഞ്ഞു വീണു. ഇവിടെ രണ്ടു കുട്ടികൾ ഉൾപെടെ മൂന്നു പേരാണ് മരിച്ചത്. ഒരാളെ പരുക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവങ്ങളിൽ ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. നടുക്കം പ്രകടിപ്പിച്ചു. മരിച്ചവരുടെ ബന്ധുക്കൾക്ക് 4 ലക്ഷം രൂപ നഷ്ടപരിഹാരം പ്രഖ്യാപിച്ചു.

18 ഓടെ വീണ്ടും ന്യൂനമർദ്ദ സാധ്യത

ബംഗാൾ ഉൾക്കടലിൽ ഈ മാസം പതിനെട്ടാം തീയതിയോടെ മറ്റൊരു ന്യൂനമർദ സാധ്യത. കഴിഞ്ഞ ദിവസം രൂപപ്പെട്ട ന്യൂനമർദ്ദം കരകയറി മധ്യപ്രദേശിന് മുകളിൽ തുടരുകയാണ്. ഈ ന്യൂനമർദ്ദത്തിന്റെ ഭാഗമായി കേരളത്തിൽ മഴ കുറയാനാണ് സാധ്യത. വടക്കൻ ജില്ലകളിൽ പ്രത്യേകിച്ച് കോഴിക്കോട്, കണ്ണൂർ, കാസർകോട് ജില്ലകളിൽ ഒറ്റപ്പെട്ട മഴ തുടരും . മട്ടിടങ്ങളിലും രാത്രിയും പുലർച്ചെയും ഒറ്റപ്പെട്ട മഴക്ക് സാധ്യതയുണ്ട്.
ഈ മാസം പതിനെട്ടോടെ രൂപപ്പെട്ടേക്കാവുന്ന ചക്രവാതച്ചുഴി ആണ് ശക്തിപെട്ട് ന്യൂനമർദ്ദമാകാൻ സാധ്യതയുള്ളത്. ഈ സിസ്റ്റം കേരളത്തെ കാര്യമായി ബാധിച്ചേക്കില്ലെന്നാണ് ഞങ്ങളുടെ നീരീക്ഷകരുടെ പ്രാഥമിക നിരീക്ഷണം. കേരളത്തിൽ മഴ കുറയുമെങ്കിലും ഭാഗികമായി മേഘാവൃതമായ സാഹചര്യം പലയിടത്തും രണ്ടു ദിവസം കൂടി അനുഭവപ്പെടും. ഉച്ചക്കുശേഷം ഇന്നും നാളെയും മണിക്കൂറിൽ 40 കിലോമീറ്റർ വരെയുള്ള കാറ്റിനും കിഴക്കൻ മേഖലയിൽ സാധ്യതയുണ്ട്.

തീവ്ര ന്യൂനമർദ്ദം രൂപപ്പെട്ടു; കേരളത്തിൽ മഴ കുറയും

ബംഗാൾ ഉൾക്കടലിന്റെ മധ്യ പടിഞ്ഞാറ് മേഖലയിൽ കഴിഞ്ഞദിവസം രൂപപ്പെട്ട ന്യൂനമർദ്ദം ഇന്ന് പുലർച്ചെ അഞ്ചരയോടെ ശക്തിപ്പെട്ട് തീവ്ര ന്യൂനമർദ്ദം അഥവാ ഡിപ്രഷൻ ആയി മാറി. വടക്കൻ ആന്ധ്രപ്രദേശിനും തെക്കൻ തീരദേശ ഒഡീഷക്കും ഇടയിലാണ് ഇപ്പോൾ ന്യൂനമർദ്ദത്തിന്റെ സ്ഥാനം. ഇത് വടക്ക് പടിഞ്ഞാറ് ദിശയിൽ സഞ്ചരിച്ച് തെക്കൻ ഒഡീഷക്കും തെക്കൻ ഛത്തീസ്ഗഡിനും ഇടയിൽ കരകയറാനാണ് സാധ്യത. അടുത്ത 24 മണിക്കൂറിനകം ന്യൂനമർദ്ദം ദുർബലമാവുകയും ചെയ്യും.

കേരളത്തിൽ ഒറ്റപ്പെട്ട മഴ

കഴിഞ്ഞ അവലോകനങ്ങളിൽ സൂചിപ്പിച്ചിരുന്നത് പോലെ കേരളത്തിൽ ഒറ്റപ്പെട്ട മഴക്കെ ന്യൂനമർദ്ദം കാരണമാവുകയുള്ളൂ. ന്യൂനമർദ്ദത്തിന്റെ നേരിട്ടുള്ള സ്വാധീനം കേരളത്തിൽ കുറവാണ്. മധ്യ വടക്കൻ ജില്ലകളിൽ ഇന്നുകൂടി ഒറ്റപ്പെട്ട മഴയുണ്ടാകും. രാത്രിയും വൈകിട്ടും കിഴക്കൻ പ്രദേശങ്ങളിലും ഇടനാട് പ്രദേശങ്ങളിലുമാണ് മഴ സാധ്യത. നാളെ മുതൽ കേരളത്തിൽ മഴ കുറഞ്ഞു തുടങ്ങും എന്നാണ് മെറ്റ്ബീറ്റ് വെതറിലെ നിരീക്ഷകർ അഭിപ്രായപ്പെടുന്നത്. കേരളത്തിന്റെ തീരപ്രദേശങ്ങളിൽ മത്സ്യബന്ധനത്തിന് തടസ്സമില്ല. എന്നാൽ കർണാടക തീരത്ത് മത്സ്യബന്ധനത്തിന് വിലക്കുണ്ട്. കേരളത്തിന്റെ കടൽ ശാന്തമാകും. തെക്കൻ ജില്ലകളിൽ കൂടുതൽ പ്രദേശങ്ങളിൽ ഇന്ന് വെയിൽ പ്രതീക്ഷിക്കാം. ഏറെനേരം നീണ്ടുനിൽക്കാത്ത ഒറ്റപ്പെട്ട മഴയാണ് കേരളത്തിൽ ഉടനീളം ഇനി സാധ്യത ഉള്ളത്.

നാളെ ന്യൂനമർദ സാധ്യത : കേരളത്തിലെ മഴ ഇങ്ങനെ

കേരളത്തിൽ തിരുവോണ ദിവസവും മഴക്ക് സാധ്യത. നാളെ ബംഗാൾ ഉൾക്കടലിൽ ന്യൂനമർദ്ദം രൂപപ്പെടും. ഇതോടൊപ്പം ഉൾനാടൻ തെക്കൻ കർണാടകക്ക് മുകളിൽ കഴിഞ്ഞ ദിവസം രൂപം കൊണ്ട ചക്രവാത ചുഴി പ്രതീക്ഷിച്ചതു പോലെ ഇന്ന് ദുർബലമായില്ല. അതിനാൽ വടക്കൻ കേരളത്തിൽ മഴ ഇന്നു രാത്രിയും നാളെയും തുടരും. നാളെ ന്യൂനമർദം രൂപപെടുന്നതോടെ വടക്കൻ കർണാടകയിലെ ചക്രവാത ചുഴി ദുർബലമാകും. പടിഞ്ഞാറൻ കാറ്റ് ശക്തമാകുകയും ചെയ്തിട്ടുണ്ട്. അതിനിടെ കഴിഞ്ഞ ദിവസം ഹിമാലയൻ മേഖലയിൽ ആയിരുന്ന മൺസൂൺ പാത്തി തെക്കോട്ട് നോർമൽ പൊസിഷനിലേക്ക് മാറി. ഇതും കേരളത്തിൽ മഴ തുടരാൻ അനുകൂല സാഹചര്യമാണ് എന്ന് ഞങ്ങളുടെ നിരീക്ഷകർ പറയുന്നു.

തിരുവോണ ദിവസം കേരളത്തിൽ എല്ലാ ജില്ലകളിലും മഴക്ക് സാധ്യതയുണ്ട്. കിഴക്കൻ മേഖലയിൽ വൈകിട്ടും രാത്രിയും മഴ ശക്തിപെടും . ഓണത്തോട് അനുബന്ധിച് കിഴക്കൻ മേഖലകളിലേക്കുള്ള വിനോദസഞ്ചാര യാത്രകൾ സുരക്ഷിതമല്ല. ഓണത്തിനു ശേഷവും കേരളത്തിൽ മഴ തുടരാനാണ് സാധ്യത.

ബംഗാൾ ഉൾക്കടൽ ന്യൂനമർദ്ദം തീവ്രമായി ,അറബിക്കടലിലേത് ദുർബലം ; ഗൾഫിൽ മഴ നൽകും

ബംഗാൾ ഉൾക്കടലിന്റെ വടക്കൻ മേഖലയിൽ കഴിഞ്ഞ ദിവസം രൂപപ്പെട്ട വെൽ മാർക്ഡ് ലോപ്രഷർ (WML) ഇന്ന് രാവിലെ വീണ്ടും ശക്തിപ്പെട്ട് തീവ്ര ന്യൂനമർദം (Depression) ആയി. ഒഡീഷക്കും പശ്ചിമബംഗാൾ തീരത്തിനും ഇടയിലാണ് ന്യൂനമർദ്ദം ഇപ്പോൾ സ്ഥിതി ചെയ്യുന്നത്. തുടർന്ന് പടിഞ്ഞാറ് വടക്കുപടിഞ്ഞാറ് ദിശയിൽ സഞ്ചരിച്ച് ഇന്ന് രാത്രിയോടെ കര കയറും. പശ്ചിമ ബംഗാളിനും വടക്കൻ ഒഡിഷക്കും ഇടയിലൂടെയാണ് കരകയറുക.
ഈ സിസ്റ്റം കേരളത്തെ പ്രതികൂലമായി ബാധിക്കില്ല.
അതേസമയം, അറബിക്കടലിന്റെ വടക്കുപടിഞ്ഞാറ് മേഖലയിൽ കഴിഞ്ഞദിവസം രൂപം കൊണ്ട WML ശക്തി കുറഞ്ഞ് ന്യൂനമർദമായി. ഈ സിസ്റ്റം ഇന്ന് മുതൽ ഒമാനിലും യു.എ.ഇ യിലും കനത്ത മഴ നൽകും .

ബംഗാൾ ഉൾക്കടലിലെ ന്യൂനമർദ്ദം നാളെ തീവ്രമാകും

ബംഗാൾ ഉൾക്കടലിന്റെ വടക്കൻ മേഖലയിൽ രൂപപ്പെട്ട ന്യൂനമർദ്ദം ശക്തിപ്പെട്ട് വെൽ മാർക്ഡ് ലോപ്രഷർ (WML) ആയി. ഒഡീഷക്കും പശ്ചിമബംഗാൾ തീരത്തിനും ഇടയിലാണ് ന്യൂനമർദ്ദം ഇപ്പോൾ സ്ഥിതി ചെയ്യുന്നത്. തുടർന്ന് പടിഞ്ഞാറ് വടക്കുപടിഞ്ഞാറ് ദിശയിൽ സഞ്ചരിച്ച് അടുത്ത 24 മണിക്കൂറിനകം ന്യൂനമർദ്ദം തീവ്ര ന്യൂനമർദ്ദം അഥവാ ഡിപ്രഷൻ ആയി മാറും. ഈ സിസ്റ്റം കേരളത്തെ ബാധിക്കില്ല. ഒഡിഷയിൽ അടുത്ത ദിവസങ്ങളിൽ ശക്തമായ മഴ നൽകും.
അതേസമയം, അറബിക്കടലിന്റെ വടക്കുപടിഞ്ഞാറ് മേഖലയിൽ കഴിഞ്ഞദിവസം രൂപം കൊണ്ട തീവ്ര ന്യൂനമർദ്ദം (ഡിപ്രഷൻ ) ശക്തി കുറഞ്ഞ് WML ആയി. ഇത് അടുത്ത 24 മണിക്കൂറിൽ വീണ്ടും ശക്തികുറഞ്ഞ് ന്യൂനമർദ്ദം ആകും .

ന്യൂനമർദ്ദം ശക്തി പ്രാപിക്കുന്നു

തെക്ക് കിഴക്കൻ ബംഗാൾ ഉൾകടലിൽ രൂപപ്പെട്ട ന്യുന മർദ്ദം ( Low Pressure ), ശക്തി കൂടിയ ന്യുനമർദ്ദമായി ( Well Marked Low Pressure ). വടക്ക് പടിഞ്ഞാറു ദിശയിൽ സഞ്ചരിക്കുന്ന സിസ്റ്റം അടുത്ത 12 മണിക്കൂറിനുള്ളിൽ വീണ്ടും ശക്തി പ്രാപിച്ചു തീവ്ര ന്യുന മർദ്ദമായും ( Depression ) നാളെ ( മെയ്‌ 8) വൈകുന്നേരത്തോടെ വീണ്ടും ശക്തി പ്രാപിച്ചു മധ്യ കിഴക്കൻ ബംഗാൾ ഉൾകടലിന് മുകളിൽ ചുഴിക്കാറ്റായി ( Cyclonic Storm) മാറാനും സാധ്യത.

തുടർന്ന് വടക്ക് പടിഞ്ഞാറു ദിശയിൽ സഞ്ചരിച്ചു മെയ്‌ 10 ഓടെ വടക്കൻ ആന്ധ്രാപ്രദേശ് – ഒഡിഷ തീരത്ത് എത്തിച്ചേരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു

കേരളത്തിൽ കാറ്റിന്റെ ഗതി മുറിവ് ( Wind discontinuity ) കാരണം അടുത്ത 5 ദിവസം ഇടി മിന്നലൊടു കൂടിയ മഴ തുടരാൻ സാധ്യത.