Menu

landslide

ജോഷി മഠിലേത് മനുഷ്യ നിർമിത ദുരന്തമോ?

ഉത്തരാഖണ്ഡിലെ ജോഷിമഠിൽ ഉണ്ടായ ഭൂമി ഇടിഞ്ഞു താഴൽ മനുഷ്യ നിർമിത ദുരന്തമെന്ന് പരിസ്ഥിതി പ്രവർത്തകർ. അതീവ പരിസ്ഥിതി ദുർബല മേഖലയായ ഇവിടെ നടന്ന അശാസ്ത്രീയ നിർമ്മാണ പ്രവർത്തനങ്ങൾ ആണ് ദുരന്തത്തിന് പിന്നിൽ എന്ന് നാട്ടുകാർ ആരോപിക്കുന്നു.

പൊതുമേഖലാ കമ്പനിയായ നാഷനൽ തെർമൽ പവർ കോർപറേഷ (എൻ.ടി.പി.സി)ന്റെ പ്രോജക്ടിനായി നടത്തിയ നിർമാണ പ്രവർത്തനങ്ങളാണ് മേഖലയിൽ പ്രകമ്പനങ്ങൾ സൃഷ്ടിച്ചതെന്ന് നാട്ടു കാർ പറയുന്നു. പദ്ധതിക്കായി നടത്തിയ സ്ഫോടനങ്ങൾ അപ കടകരമാണെന്ന് കാണിച്ച് മുഖ്യമന്ത്രി പുഷ്കർ സിംഗ് ധാമിക്ക് പ്രദേശത്തുകാർ കത്തയച്ചിരുന്നു. പദ്ധതി പ്രവർത്തനം ഉടൻ നിർത്തിവെക്കണമെന്ന് പരിസ്ഥിതി പ്രവർത്തകർ ആവശ്യപ്പെട്ടിരുന്നു.

മുഖ്യമന്ത്രിക്ക് നിർദേശങ്ങൾ സമർപ്പിക്കാൻ പ്രദേശവാസികളുടെ നിവേദനം ലഭിച്ചിരുന്നതായി ജില്ലാ കലക്ടർ ഹിമാൻഹു ഖുറാന സമ്മതിക്കുന്നുണ്ട്. എന്നാൽ, ഇക്കാര്യത്തിൽ ശാസ്ത്രീയ സ്ഥിരീകരണമില്ലാതെ നടപടിയെടുക്കാനാകുമായി രുന്നില്ലെന്ന് ഖുറാന വാർത്താ ഏജൻസിയോട് പറഞ്ഞു.

തീർഥാടന കേന്ദ്രങ്ങളായ ബദരീനാഥ്, ഹേമ കുണ്ഡ് സാഹിബ്, അന്താരാഷ്ട്ര സീയിംഗ് ലക്ഷ്യസ്ഥാനമായ ഔലി എന്നിവിടങ്ങളിലേക്കുള്ള കവാടമായ ജോഷിമഠിൽ വലിയ വി ള്ളലുകളുണ്ടാകുകയും ക്രമേണ എല്ലാം അതിലേക്ക് താഴ്ന്നുപോ കുകയുമാണ്. 600ലേറെ വീടു കേടുപാടുകൾ സംഭവിക്കുകയും ഒരു ക്ഷേത്രം പാടേ തകരുകയും ചെയ്തു. മാർവാരി പ്രദേശത്തെ ജലാശയം പൊട്ടിയതിനെ തുടർന്ന് പട്ടണത്തിൽ ശക്തമായ ജലപ്രവാഹമുണ്ടായി. 4,500 വീടുകളാണ് ഇവിടെയുള്ളത്.

പ്രധാനമന്ത്രി നരേന്ദ്ര മോദി സ്ഥിതിഗതികൾ നേരിട്ട് വിലയിരുത്തുന്നുണ്ട്. ഉദ്യോഗസ്ഥരും ഭൗമ ശാസ്ത്രഞ്ജരും ഇരുട്ടിൽ തപ്പുകയാണ്. 4,500 കെട്ടിട്ടങ്ങൾ ഉള്ളതിൽ 600 ലേറെ കെട്ടിടം തകർന്നു കഴിഞ്ഞു. മേഖല സുരക്ഷിതമല്ലാത്ത പ്രദേശമായി പ്രഖ്യാപിച്ചു കഴിഞ്ഞു.
ഉന്നത റവന്യൂ ഉദ്യോഗസ്ഥർ ജോഷി മഠത്തിൽ എത്തിയിട്ടുണ്ട്. വീഡിയോ കോൺഫറൻസ് വഴി ഇവർ മുതിർന്ന ഉദ്യോഗസ്ഥരുമായി യോഗം നടത്തി. ഉത്തരാഖണ്ഡ് ചീഫ് സെക്രട്ടറി സ്ഥിതിഗതികൾ വിശദീകരിച്ചു. കേന്ദ്ര ഏജൻസി കളുടെ സഹായം പൂർണമായി ലഭ്യമാക്കുമെന്ന് അദ്ദേഹം പറഞ്ഞു.

ന്യൂനമർദമല്ല: ഫിലിപ്പൈൻസിൽ പെട്ടെന്നുണ്ടായ പ്രളയത്തിലും ഉരുൾ പൊട്ടലിലും 13 മരണം

ക്രിസ്മസ് ദിനത്തിൽ തെക്കൻ ഫിലിപ്പൈൻസിലുണ്ടായ തീവ്രമഴയിലും പ്രളയത്തിലും മരിച്ചവരുടെ എണ്ണം 13 ആയി. 23 പേരെ കാണാനില്ല. 46,000 പേരെ ദുരിതാശ്വാസ ക്യാംപുകളിലേക്ക് മാറ്റി. രണ്ടു ദിവസമായി തുടർച്ചയായി പെയ്ത മഴയാണ് ക്രിസ്മസ് ദിനത്തിൽ പ്രളയമുണ്ടാക്കിയത്. 1.66 ലക്ഷം പേരെ ഈ പ്രളയം ബാധിച്ചുവെന്നാണ് നാഷനൽ ഡിസാസ്റ്റർ റിസ്‌ക് റിഡക്ഷൻ ആന്റ് മാനേജ്‌മെന്റ് കൗൺസിൽ ( National Disaster Risk Reduction and Management Council) കണക്കുകൾ.
ഉരുൾപൊട്ടലും റിപ്പോർട്ട് ചെയ്തു. ഈ മേഖലകളിൽ പൊലിസും അഗ്നിരക്ഷാസേനയും ദുരന്ത നിവാരണ സേനയും രക്ഷാപ്രവർത്തനം നടത്തുന്നുണ്ട്. പുഴകൾ റോഡുകളിലൂടെ കരകവിഞ്ഞ് ഒഴുകുകയാണ്. നിരവധി വാഹനങ്ങൾ ഒഴുക്കിൽപ്പെട്ടു. പന്നി, കന്നുകാലികൾ, കോഴി, ആട് എന്നിവയും ഒഴുക്കിൽപ്പെട്ട് ചത്തുവെന്ന് ക്ലാരിൻ ടൗൺ മേയർ എമെറ്റെറിയോ റോവ പറഞ്ഞു.

മഴക്ക് കാരണം ന്യൂനമർദമല്ല
ക്രിസ്മസ് ഫിലിപ്പൈൻസിലെ പ്രധാന ആഘോഷമാണ്. ഈ സമയത്ത് ന്യൂനമർദമോ മറ്റോ കനത്ത മഴ നൽകാറില്ല. ഇത്തവണ മഴ നൽകിയതും ന്യൂനമർദമില്ല. ചൂടുള്ള വായുവും തണുത്ത കാറ്റും സംയോജിച്ച് മേഘങ്ങൾ രൂപപ്പെട്ടതാണ് പേമാരിക്ക് കാരണം. തെക്കൻ ഫിലിപ്പൈൻസിൽ ഇത് കനത്ത മഴ നൽകി. മുൻപ് കൊച്ചിയിലും ചക്രവാതച്ചുഴിയിൽ സമാനരീതിയിൽ കനത്ത മഴയുണ്ടാകുകയും നഗരം വെള്ളത്തിലാകുകയും ചെയ്തിരുന്നു. എന്നാൽ ഫിലിപ്പൈൻസിൽ ചൂടുള്ള കാറ്റും തണുത്ത കാറ്റുമാണ് മഴക്ക് കാരണമായത്.

മൺസൂണിനിടെ മലേഷ്യയിൽ മണ്ണിടിച്ചിലിൽ 19 മരണം

മലേഷ്യയിലെ മൺസൂണിനിടെ മലയോര മേഖലയിലുണ്ടായ ഉരുൾപൊട്ടലിൽ 19 പേർ മരിച്ചു. സെലാൻഗൊർ സംസ്ഥാനത്തെ അവധിക്കാല ക്യാംപ് സൈറ്റിലാണ് ദുരന്തം. 20 ലേറെ പ്രൈമറി സ്‌കൂൾ അധ്യാപകരും അവരുടെ കുടുംബങ്ങളുമാണ് രാത്രികാല ക്യാംപിനെത്തിയിരുന്നത്. ഇവരാണ് അപകടത്തിൽപ്പെട്ടത്.
ബതാങ് കാലി ടൗൺഷിപ്പിലെ ടെന്റുകളിൽ ഉറങ്ങുകയായിരുന്ന കുടുംബമാണ് ഉരുൾപൊട്ടലിൽ ഒലിച്ചുപോയത്. വെള്ളിയാഴ്ച പുലർച്ചെ മൂന്നോടെയായിരുന്നു ദുരന്തം. പ്രദേശത്ത് കാര്യമായ മഴ ഉണ്ടായിരുന്നില്ലെന്നും ഭൂചലനം സംഭവിച്ചോയെന്ന് അറിയില്ലെന്നും പ്രദേശവാസികൾ പറഞ്ഞു. 30 മീറ്റർ ഉയരത്തിൽ ചെരിവുള്ള ഭാഗമാണ് ഇടിഞ്ഞത്.
ടെന്റുകൾക്ക് മുകളിലേക്ക് പൊടുന്നനെ മണ്ണിടിഞ്ഞു വീഴുകയായിരുന്നുവെന്ന് മലേഷ്യൻ പത്രം ബെരിട്ട ഹരിയൻ റിപ്പോർട്ട് ചെയ്തു.
ക്യാംപിൽ 51 മുതിർന്നവരും 30 കുട്ടികളും രജിസ്റ്റർ ചെയ്തിരുന്നുവെന്നാണ് ഫാം മാനേജർ പറയുന്നത്. 14 പേരെ കാണാനില്ലെന്ന് മലേഷ്യൻ മാധ്യമങ്ങൾ റിപ്പോർട്ട് ചെയ്തു. 700 പേരടങ്ങുന്ന ടീമാണ് രക്ഷാപ്രവർത്തനം നടത്തിയത്. പ്രധാനമന്ത്രി അൻവർ ഇബ്രാഹീമും മറ്റു മന്ത്രിമാരും പ്രദേശത്ത് സന്ദർശനം നടത്തി. തലസ്ഥാനമായ ക്വാലാലംപൂരിൽ നിന്ന് 50 കി.മി വടക്കാണ് ദുരന്തമുണ്ടായ പ്രദേശം. സെലൻഗോർ നേരത്തെയും നിരവധി ഉരുൾപൊട്ടലുകളുണ്ടായിട്ടുണ്ട്.

ഇറ്റലിയിൽ പ്രളയം, മണ്ണിടിച്ചിൽ 8 മരണം

ഇറ്റലിയിൽ കഴിഞ്ഞ ദിവസമുണ്ടായ കനത്ത മഴയിലും ഉരുൾപൊട്ടലിലും പ്രളയത്തിലും എട്ടു മരണം. അഞ്ചു പേരെ കാണാതായി. ഇറ്റാലിയൻ ദ്വീപായ ഇഷിയയിൽ ശനിയാഴ്ചയാണ് മണ്ണിടിച്ചിലുണ്ടായത്. അഞ്ചു പേരെ കാണാതായതായി വടക്കുപടിഞ്ഞാറൻ ഇറ്റലിയിലെ കാംപാനിയ ഗവർണർ പറഞ്ഞു.
ദുരന്തത്തെ തുടർന്ന് ഇറ്റാലിയൻ പ്രധാനമന്ത്രി ജിയോർജിയ മെലോനി അടിയന്തരാവസ്ഥ പ്രഖ്യാപിച്ചു. നേപ്പിൾ കടലിടുക്കിലെ ശക്തമായ മഴയിലാണ് ഇറ്റലിയിൽ പ്രളയമുണ്ടായത്. ഇഷിയ തുറമുഖ നഗരത്തെ പ്രളയം സാരമായി ബാധിച്ചു. ഇറ്റാലിയൻ തീരത്തോട് ചേർന്ന് നേപ്പിൾ നഗരത്തിന് പടിഞ്ഞാറായാണ് ഈ ദ്വീപ് സ്ഥിതി ചെയ്യുന്നത്. അടിയന്തര സഹായമായി 40 ലക്ഷം ഡോളർ പ്രഖ്യാപിച്ചതായി പ്രാദേശിക ഭരണകൂടം അറിയിച്ചു.
ഇഷിയയിൽ രക്ഷാപ്രവർത്തനം പുരോഗമിക്കുകയാണ്. സർക്കാർ കണക്കനുസരിച്ച് 15 വീടുകൾ പൂർണമായും തകർന്നു. 160 പേരെ മാറ്റിപാർപ്പിച്ചു. കഴിഞ്ഞ 20 വർഷത്തിലെ ഏറ്റവും വലിയ മഴയാണ് പെയ്തതെന്ന് പ്രദേശവാസികൾ പറയുന്നു.

കുണ്ടള ഉരുൾപൊട്ടൽ: കാണാതായയാളുടെ മൃതദേഹം കണ്ടെത്തി

ഇടുക്കി: മൂന്നാർ കുണ്ടളക്ക് സമീപം പുതുക്കടിയിലുണ്ടായ ഉരുൾപാട്ടലിൽ കാണാതായയാളുടെ മൃതദേഹം കണ്ടെത്തി. കോഴിക്കോട്മു മുത്തപ്പൻകാവ് സ്വദേശി കല്ലട വീട്ടിൽ രൂപേഷിന്‍റെ മൃതദേഹമാണ് കണ്ടെത്തിയത്. വടകരയിൽ നിന്നുള്ള വിനോദ യാത്ര സംഘത്തിനൊപ്പം ട്രാവലറിൽ എത്തിയതായിരുന്നു. ഇന്നലെ വൈകിട്ട് ട്രാവലർ ഒഴുക്കിൽപ്പെട്ടു തകർന്ന നിലയിൽ കണ്ടെത്തിയിരുന്നു. ദൃശ്യങ്ങൾ കാണുക.

കനത്ത മഴയെ തുടർന്ന് ഇന്നലെയുണ്ടായ ഉരുൾപൊട്ടലിൽ കാണാതായ വാഹനം വൈകിട്ട് കണ്ടെത്തിയിരുന്നു. പ്രദേശത്ത് 9 സെ.മി ലധികം മഴയാണ് ഇന്നലെ 24 മണിക്കൂറിൽ ലഭിച്ചത്. വിനോദസഞ്ചാരികൾ എത്തിയ ട്രാവലറിന് മുകളിലേക്ക് മണ്ണിടിഞ്ഞ് വീണ് വാഹനം തകർന്നു. കോഴിക്കോട് വടകരയിൽ നിന്നുള്ള വിനോദസഞ്ചാരികൾ എത്തിയ ട്രാവലറിന് മുകളിലേക്കാണ് മണ്ണിടിഞ്ഞു വീണത്. വാഹനത്തിൽ ഉണ്ടായിരുന്ന രൂപേഷിനെ കണ്ടെത്താനായില്ല.

പ്രതികൂല കാലാവസ്ഥ മൂലം തിരച്ചിൽ ഇന്നലെ നിർത്തിയ തിരച്ചിൽ ഇന്നു രാവിലെ തുടർന്നിരുന്നു. അതേസമയം മൂന്നാർ വട്ടവട റോഡിൽ ഗതാഗതം പുനഃസ്ഥാപിച്ചു. 11 പേരാണ് വാഹനത്തിൽ ഉണ്ടായിരുന്നത്. നേരത്തെയും മണ്ണിടിച്ചിലും ഉരുൾപൊട്ടലും ഉണ്ടായ പ്രദേശമാണിത്.
കനത്ത മഴയ്ക്ക് സാധ്യതയുള്ളതിനാൽ കിഴക്കൻ മേഖലയിൽ വിനോദ സഞ്ചാരമുൾപ്പെടെയുള്ളവ സുരക്ഷിതമല്ലെന്ന് മെറ്റ്ബീറ്റ് വെതർ , Weatherman Kerala കഴിഞ്ഞ ദിവസം റിപ്പോർട്ട് ചെയ്തിരുന്നു.

കുമളിയിൽ മൂന്നിടത്ത് ഉരുൾപൊട്ടി (video)

കിഴക്കൻ മേഖലയിൽ പെയ്യുന്ന ശക്തമായ മഴയെ തുടർന്ന് തമിഴ്നാട് കേരള അതിർത്തിയായ കുമളിയോടു ചേർന്ന് മൂന്നിടത്ത് ഉരുൾപൊട്ടി. ഇന്ന് വൈകിട്ടാണ് സംഭവം. ഇതേ തുടർന്ന് കുമളി ടൗണിൽ വെള്ളം കയറി.

കൊല്ലംപട്ടട , കുരിശുമല, പളിയക്കുടി എന്നിവിടങ്ങളിലാണ് ഉരുൾ പൊട്ടിയത്. നിരവധി വീടുകളിൽ വെള്ളം കയറി. ഏക്കർ കണക്കിന് കൃഷിനാശം ഉണ്ട് . ആളപായം സംബന്ധിച്ച് റിപ്പോർട്ടുകൾ ഇല്ല .

Upadted on 12 am
?കുമളിയിൽ മൂന്നിടത്ത് ഉരുൾപൊട്ടൽ; വീടുകളിൽ വെള്ളം കയറി

ഇടുക്കി: കനത്ത മഴയിൽ കുമളിയിൽ മൂന്നിടത്ത് ഉരുൾപൊട്ടലുണ്ടായതായി റിപ്പോർട്ട്. കൊല്ലംപട്ടട, കുരിശുമല, പളിയക്കുടി എന്നിവിടങ്ങളിലാണ് ഉരുൾപൊട്ടലുണ്ടായത്. ഒട്ടേറെ വീടുകളിൽ വെള്ളം കയറിയതായും റിപ്പോർട്ടുണ്ട്. ഏക്കറുകണക്കിനു കൃഷി നശിച്ചിട്ടുണ്ട്. ആർക്കും ആളപായമില്ലെന്നാണ് പ്രാഥമിക വിവരം. പൊലീസും ഫയർ ആൻഡ് റെസ്ക്യൂ സംഘവും സംഭവ സ്ഥലത്തെത്തിയിട്ടുണ്ട്. വെള്ളം കയറിയ വീടുകളിൽ നാട്ടുകാരുടെ നേതൃത്വത്തിൽ രക്ഷാ പ്രവർത്തനം നടക്കുന്നുണ്ടെന്നും റിപ്പോർട്ടുണ്ട്. വ്യാഴാഴ്ച്ച വൈകിട്ടോടെയാണ് കുമളി- വണ്ടിപ്പെരിയാർ പ്രദേശത്ത് അതിശക്തമായ മഴ പെയ്‌തത്. വണ്ടിപ്പെരിയാറ്റിൽ ദേശീയപാതയിൽ വെള്ളം കയറി. ചോറ്റുപാറ തോട്ടിൽ എട്ട് അടിയോളം വെള്ളം ഉയർന്നതായും റിപ്പോർട്ടുണ്ട്. രാത്രി വൈകിയും ഹൈറേഞ്ച് മേഖലയിൽ ശക്തമായ മഴ തുടരുകയാണ്.

കനത്ത മഴ തിങ്കൾ വരെ, മധ്യ, വടക്കൻ കേരളത്തിൽ ജാഗ്രത പാലിക്കണം

കേരളത്തിൽ പ്രത്യേകിച്ച് വടക്കൻ കേരളത്തിൽ തുടർച്ചയായി 20 ദിവസത്തോളമായി തുടരുന്ന മഴ തിങ്കൾ മുതൽ കുറയും. ഈ മാസം തുടക്കത്തിൽ ജൂലൈ 15 വരെ മഴ തുടരുമെന്നായിരുന്നു മെറ്റ്ബീറ്റ് വെതർ നിരീക്ഷിച്ചിരുന്നത്. എന്നാൽ തിങ്കൾ വരെ മഴ തുടരാനാണ് സാധ്യത. ഗുജറാത്ത് തീരത്തെ ന്യൂനമർദ്ദം ശക്തിപ്പെട്ട് തീരത്തോട് ചേർന്നു നിൽക്കുന്നതാണ് കാരണം. പ്രതീക്ഷിച്ച വേഗതയിൽ ന്യൂനമർദം ഇന്ത്യൻ തീരം വിട്ട് ഒമാനിലേക്ക് നീങ്ങാത്തതാണ് രണ്ടു ദിവസം കൂടി മഴ തുടരാൻ ഇടയാക്കുക. ന്യൂനമർദം തീരത്ത് നിന്ന് അകലും തോറും കേരളത്തിൽ മഴ കുറയാനും വെയിൽ വരാനും കാരണമാകും.

വടക്കൻ ജില്ലകളിലും മലയോരത്തും ജാഗ്രത വേണം

കാലവർഷത്തിന്റെ ഭാഗമായ മഴ തിങ്കൾ മുതൽ കുറയുമെങ്കിലും കിഴക്കൻ മേഖലയിൽ ഇടിയോടെ മഴ തുടരാൻ കാരണമാകും. നിലവിൽ ഇടനാട്ടിലും തീരത്തും രാവിലെയും പുലർച്ചെയും കനത്ത മഴ തുടരുന്നുണ്ടെങ്കിലും പകൽ ഇടവേള ലഭിക്കും. എന്നാൽ വൈകിട്ടും രാത്രിയും കിഴക്കൻ മലയോര മേഖലയിൽ കനത്ത മഴ തുടരുന്നു. ഒറോഗ്രാഫിക് ലിഫ്റ്റിംഗ് ഉൾപ്പെടെയുള്ള പ്രതിഭാസത്തിന് മലയോരത്ത് സാധ്യതയുണ്ട്. വനമേഖലയിൽ കനത്ത മഴ തുടരാൻ സാധ്യതയുള്ളതിനാൽ ഉരുൾപൊട്ടൽ സാധ്യതയും നില നിൽക്കുന്നു. തമിഴ്നാട്ടിലും കനത്ത മഴ പശ്ചിമഘട്ടത്തോട് ചേർന്ന് പെയ്യുന്നുണ്ട്. അതിനാൽ പുഴകളിൽ പെട്ടെന്ന് ജലനിരപ്പ് കൂടും. പുഴയോരങ്ങളിൽ താമസിക്കുന്നവർ ജാഗ്രത പാലിക്കണം. അടുത്ത 5 ദിവസം ഇക്കാര്യത്തിൽ ജാഗ്രത പാലിക്കേണ്ടി വരും.

അസമിൽ കനത്ത മഴ ഉരുൾപൊട്ടൽ, നാലു മരണം

കനത്തമഴയെ തുടർന്ന് അസമിൽ ഉരുൾപൊട്ടി നാലു മരണം. കഴിഞ്ഞ 24 മണിക്കൂറിലുണ്ടായ മഴയിൽ ഗുവാഹത്തി നഗരം വെള്ളത്തിലായി. ഈ വർഷം അസമിൽ പ്രകൃതി ദുരന്തത്തെ തുടർന്ന് ഇതുവരെ 42 പേരാണ് മരിച്ചത്. തിങ്കളാഴ്ച രാത്രി മുതലാണ് അസമിൽ കനത്തമഴയുണ്ടായത്. റോഡുകളിൽ പലയിടത്തും വെള്ളംകയറി. ചിലയിടത്ത് അരയ്‌ക്കൊപ്പം വെള്ളം കയറി. ഗുവാഹത്തി റെയിൽവേ സ്റ്റേഷനിലേക്കുള്ള അപ്രോച്ച് റോഡുകളും വെള്ളത്തിൽ മുങ്ങി. രാജസ്ഥാനിൽ ഉൾപ്പെടെ അടുത്ത ദിവസങ്ങളിലും കനത്ത മഴക്ക് സാധ്യതയുണ്ട്. ജോധ്പൂർ, കോട, അജ്മീർ, ജയ്പൂർ, ബാർമർ മേഖലകളിൽ കഴിഞ്ഞ ദിവസം 13 സെ.മി മഴയാണ് 24 മണിക്കൂറിൽ രേഖപ്പെടുത്തിയത്. മാർക്കറ്റുകളിൽ വെള്ളം കയറി ഭക്ഷ്യ വസ്തുക്കൾ നശിച്ചു. നാളെ മുതൽ ഈ മേഖലയിൽ മഴ കുറഞ്ഞു തുടങ്ങുമെന്നാണ് കാലാവസ്ഥാ പ്രവചനം. കിഴക്കൻ യു.പി മുതൽ മണിപ്പൂർ വരെയുള്ള കിഴക്ക് പടിഞ്ഞാറ് ന്യൂനമർദപാത്തിയാണ് അസം മേഖലയിൽ പേമാരിക്കും പ്രളയത്തിനും കാരണമായത്.

ഡൽഹിയിൽ താപനില കുറഞ്ഞു

പശ്ചിമവാതത്തിന്റെ സ്വാധീനത്താൽ രാജ്യത്തിന്റെ വടക്കുപടിഞ്ഞാറ് മേഖലയിലും അടുത്ത ദിവസങ്ങളിൽ മഴക്കും ആലിപ്പഴ വർഷത്തിനും സാധ്യതയുണ്ട്. ഡൽഹിയിൽ ചൊവ്വാഴ്ച താപനിലയിൽ കുറവുണ്ടായി. 31.2 ഡിഗ്രിവരെ താപനിലയെത്തി. എന്നാൽ പലയിടത്തും വായുനിലവാരം മോശമായി തുടരുകയാണ്. 13 ദിവസത്തിനു ശേഷമാണ് ഡൽഹിയിൽ ചൂട് 40 ഡിഗ്രിക്ക് താഴെയെത്തുന്നത്. സഫ്ദർജങ് ഒബ്‌സർവേറ്ററിയിലാണ് കുറഞ്ഞ താപനില രേഖപ്പെടുത്തിയത്. തിങ്കളാഴ്ച 43.7 ഡിഗ്രി രേഖപ്പെടുത്തിയ ഇവിടെ ഇന്ന് 39.6 ഡിഗ്രിയാണ് താപനില രേഖപ്പെടുത്തിയത്.

ബംഗാളിൽ മഴ തുടരും
അടുത്ത അഞ്ചു ദിവസം കൂടി ബംഗാളിൽ കനത്ത മഴക്ക് സാധ്യതയുണ്ട്. ഈ മേഖലയിൽ പ്രാദേശിക പ്രളയത്തിന് സാധ്യതയുണ്ടെന്നാണ് മെറ്റ്ബീറ്റ് വെതറിന്റെ നിരീക്ഷണം. ബിഹാറിനൊപ്പം ജാർഖണ്ഡ്, ഒഡിഷ മേഖലകളിലും മഴ ശക്തമായി തുടരും. ഇടിമിന്നൽ ശക്തമാകാനും സാധ്യതയുണ്ട്.

മൺസൂൺ ശക്തം; മേഘാലയയിൽ ഉരുൾപൊട്ടലിൽ നാലു മരണം

വടക്കുകിഴക്കൻ സംസ്ഥാനങ്ങളിലും ബംഗ്ലാദേശിലും തുടരുന്ന കനത്ത മഴയെ തുടർന്ന് പലയിടങ്ങളിലും പ്രളയ ഭീതി. മേഘാലയയിൽ കനത്ത മഴയെ തുടർന്നുള്ള പ്രളയത്തിലും ഉരുൾപൊട്ടലിലും നാലു പേർ മരിച്ചു. ഗാരോ കുന്നുകളിൽ രണ്ടിടങ്ങളിൽ ഉരുൾപൊട്ടലുണ്ടായി. രണ്ടരവയസുള്ള കുട്ടി ഉൾപ്പെടെ നാലു പേർ ഉരുൾപൊട്ടലിൽപ്പെട്ട് മരിച്ചു. ഇന്ന് രാവിലെയാണ് ഉരുൾപൊട്ടലുണ്ടായത്. ഒരു ഉരുൾപൊട്ടലിൽ അഞ്ചംഗ കുടുംബത്തിലെ മൂന്നു പേർ മരിച്ചു. പിതാവിനെയും മകനെയും ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു. പടിഞ്ഞാറൻ ഗാരോയിലെ ഗാംബെർജിലാണ് ഉരുൾപൊട്ടൽ. തെക്കുപടിഞ്ഞാറൻ ഗാരോ കുന്നുകളിലെ ബെറ്റാസിങ് മേഖലയിലാണ് മറ്റൊരു ഉരുൾപൊട്ടലുണ്ടായത്. ഇവിടെ രണ്ടരവയസുള്ള ആൺകുട്ടി മരിച്ചു. ബുധനാഴ്ച രാത്രി ഈമേഖലയിൽ കനത്ത മഴ ഉണ്ടായിരുന്നു.

മൺസൂൺ സജീവം, കനത്ത മഴ തുടരും
വടക്കുകിഴക്കൻ സംസ്ഥാനങ്ങളിൽ മൺസൂൺ കഴിഞ്ഞ ആഴ്ചയോടെ എത്തിയിരുന്നു. അസമിലും മേഘാലയിലുമാണ് ചൊവ്വാഴ്ച മുതൽ മഴ ശക്തിപ്പെട്ടത്. ബുധനാഴ്ച രാത്രിയുണ്ടായ അതിശക്തമായ മഴയാണ് ഉരുൾപൊട്ടലിനും പ്രളയത്തിനും കാരണമായത്. അടുത്ത അഞ്ചു ദിവസം കൂടി ഈ മേഖലയിൽ മഴ തുടരും. ബംഗാൾ ഉൾക്കടലിൽ നിന്നുള്ള ഈർപ്പമുള്ള കാറ്റ് ശക്തിപ്പെട്ടതാണ് മഴക്ക് കാരണം. തെക്കുപടിഞ്ഞാറൻ മൺസൂണിന്റെ ബംഗാൾ ഉൾക്കടൽ ബ്രാഞ്ചാണ് വടക്കുകിഴക്കൻ സംസ്ഥാനങ്ങളിൽ കാലവർഷം നൽകുന്നത്. ഉത്തർപ്രദേശ്, ചത്തീസ്ഗഢ് മേഖലകളിൽ നിലനിൽക്കുന്ന ന്യൂനമർദപാത്തിയും വടക്കുകിഴക്കൻ സംസ്ഥാനങ്ങളിൽ മഴ ശക്തിപ്പെടുത്തുന്നതിന് കാരണമാണെന്ന് ഞങ്ങളുടെ നിരീക്ഷകർ പറയുന്നു. മേഘാലയ, അസം, അരുണാചൽപ്രദേശ്, സിക്കിം സംസ്ഥാനങ്ങളിലും അഞ്ചു ദിവസം മഴ ശക്തിപ്പെടും. ബംഗ്ലാദേശിലും കനത്തമഴയും പ്രളയത്തിനും സാധ്യതയുണ്ടെന്ന് സ്വകാര്യ കാലാവസ്ഥാ നിരീക്ഷകരായ ബംഗ്ലാദേശ് വെതർ ഒബ്‌സർവേഷൻ ടീം അറിയിച്ചു.

മഴ തുടരുന്നു; ഇടുക്കി ഉരുള്‍പൊട്ടല്‍ ഭീഷണിയില്‍

തോരാമഴയില്‍ ഇടുക്കി ജില്ല ഉരുള്‍പൊട്ടല്‍ ഭീഷണിയില്‍. കാലവര്‍ഷമെത്തും മുമ്പ് തന്നെ അണക്കെട്ടുകളിലേക്ക് നീരൊഴുക്ക് കനത്തു. ചൊവ്വാഴ്ച രാത്രി തുടങ്ങിയ മഴ ബുധനാഴ്ച ഉച്ചയോടെ അല്‍പ്പം തോര്‍ന്നെങ്കിലും രാത്രി വീണ്ടും കനത്തു. വ്യാഴാഴ്ച ഉച്ചയോടെ അല്‍പം ശമനമുണ്ടായിട്ടുണ്ട്. ശരാശരി 36.42 മില്ലി മീറ്റര്‍ മഴയാണ് ജില്ലയില്‍ ഇന്നലെ ലഭിച്ചത്. പീരുമേട്, തൊടുപുഴ താലൂക്കുകളിലാണ് കൂടുതല്‍ മഴ കിട്ടിയത്. ഇന്ന് മുതല്‍ മഴയില്‍ കുറവുണ്ടാകുമെന്നാണ് കാലാവസ്ഥാ വിദഗ്ധരുടെ നിഗമനം.
മാര്‍ച്ച് ഒന്ന് മുതല്‍ ഇന്നലെ വരെ ലഭിക്കേണ്ട മഴയേക്കാള്‍ 91 ശതമാനം കൂടുതലാണ് പെയ്തത്. 304.1 മില്ലി മീറ്റര്‍ മഴ ലഭിക്കേണ്ട സ്ഥാനത്ത് 581.7 മില്ലി മീറ്റര്‍ മഴ കിട്ടി. കാലവര്‍ഷമെത്തുന്നതിന് മുമ്പ് ജില്ലയില്‍ മഴ ശക്തമായി തുടരുന്നത് ആശങ്കക്കിടയാക്കുന്നുണ്ട്. മണ്ണിടിച്ചില്‍, ഉരുള്‍പൊട്ടല്‍ സാധ്യതയുള്ള പ്രദേശങ്ങളിലെ ജനങ്ങള്‍ ഭീതിയിലാണ്. മഴ മുന്നറിയിപ്പ് മാറുന്നതു വരെ ഇവിടെ തൊഴിലെടുക്കുന്നതിന് ജില്ലാ ഭരണകൂടം വിലക്കേര്‍പ്പെടുത്തിയിട്ടുണ്ട്. മഴയെ തുടര്‍ന്ന്് അണക്കെട്ടുകളിലേക്കുള്ള നീരൊഴുക്ക് ശക്തമായി. ഇടുക്കി അണക്കെട്ടിലേക്ക് 11.048 ദശലക്ഷം യൂനിറ്റ് വൈദ്യുതി ഉത്പാദിപ്പിക്കാനാവശ്യമായ ജലമാണ് ഇന്നലെ ഒഴുകിയെത്തിയത്. 2340 അടിയാണ് അണക്കെട്ടിലെ നിലവിലെ ജലനിരപ്പ്. പരമാവധി സംഭരണശേഷിയുടെ 38 ശതമാനമാണിത്. വൃഷ്ടിപ്രദേശത്ത് ഇന്നലെ 31.6 മില്ലി മീറ്റര്‍ മഴ ലഭിച്ചു. മുല്ലപ്പെരിയാര്‍ അണക്കെട്ടിലെ ജലനിരപ്പ് നേരിയ തോതിലുയര്‍ന്ന് 130.36 അടിയിലെത്തി. അണക്കെട്ടിന്റെ വൃഷ്ടിപ്രദേശത്ത് മഴ ശക്തമാണ്. മലങ്കര, പൊന്മുടി, ലോവര്‍ പെരിയാര്‍, നേര്യമംഗലം ഡാമുകളിലേക്കുള്ള നീരൊഴുക്കിലും വര്‍ധനയുണ്ട്.

മഴയുടെ അളവ് (മില്ലി മീറ്ററില്‍)

താലൂക്ക് തിരിച്ച്

തൊടുപുഴ 57.6
ഉടുമ്പഞ്ചോല 11.6
ദേവികുളം 39
പീരുമേട് 42.3
ഇടുക്കി 31.6