Menu

മഴ

ക്രിസ്മസ് ദിനത്തിൽ മഴ വിട്ടു നിൽക്കും; അറബിക്കടലിലേക്ക്

ബംഗാൾ ഉൾക്കടലിൽ കഴിഞ്ഞ ദിവസം രൂപപ്പെട്ട തീവ്ര ന്യൂനമർദ്ദം ദിശ മാറി കന്യാകുമാരി കടലിലേക്ക് നീങ്ങുന്നു. തുടർന്ന് ദുർബലമായി അറബി കടലിലേക്ക് എത്തും. ന്യൂനമർദ്ദത്തിന്റെ ഭാഗമായി തമിഴ്നാട്ടിൽ നാളെ മുതൽ മഴക്ക് സാധ്യത. ചെന്നെ ഉൾപ്പെടെ തമിഴ് നാട് തീരത്ത് മഴ ശക്തിപ്പെട്ടേക്കും.
കേരളത്തിൽ മഴ കിഴക്കൻ മലയോര മേഖലയിൽ കേന്ദ്രീകരിക്കും. ഞായറാഴ്ച രാത്രി വൈകി തെക്കൻ ജില്ലകളിലെ കിഴക്കൻ മലയോര മേഖലകളിൽ മഴ ഉണ്ടാകും. ക്രിസ്മസ് ദിനമായ നാളെ പകൽ കേരളത്തിൽ പൊതുവേ മഴ വിട്ടുനിൽക്കും. തിങ്കളാഴ്ചയും തെക്കൻ ജില്ലകളിലും മധ്യകേരളത്തിലും മഴ സാധ്യത.

ന്യൂനമർദ്ദം അറബിക്കടലിൽ എത്തുമ്പോഴും ദുർബലമാകാനാണ് സാധ്യത. ഓഖി മാതൃകയിൽ പുതിയ ചുഴലിക്കാറ്റ് രൂപപ്പെടുന്ന ആശങ്കക്ക് അടിസ്ഥാനമില്ലെന്ന് ഞങ്ങളുടെ നിരീക്ഷകർ പറയുന്നു. വിശദാംശങ്ങൾ വിഡിയോയിൽ.

ബംഗാൾ ഉൾക്കടലിൽ ന്യൂനമർദം ശക്തിപ്പെടും: കേരളത്തിൽ ചൊവ്വ വരെ മഴ വിട്ടു നിൽക്കും

തെക്കു കിഴക്കൻ ബംഗാൾ ഉൾക്കടലിൽ ഇന്നലെ രൂപപ്പെട്ട ന്യൂനമർദം സമാന ശക്തിയിൽ തുടരുന്നു. ഇത് അടുത്ത 12 മണിക്കൂറിൽ വീണ്ടും ശക്തിപ്പെട്ട് വെൽ മാർക്ഡ് ലോ പ്രഷർ ആയി മാറും. തുടർന്ന് വടക്കു പടിഞ്ഞാറൻ ദിശയിൽ ശ്രീലങ്കൻ തീരം ലക്ഷ്യമാക്കി നീങ്ങും.

അതിനിടെ, അറബി കടലിൽ കഴിഞ്ഞ ദിവസം രൂപംകൊണ്ട മന്ദൂസ് ചുഴലിക്കാറ്റിന്റെ ശേഷിപ്പായ ന്യൂനമർദ്ദം അതി തീവ്ര ന്യൂനമർദം ആയി മാറി. ഇത് മധ്യ കിഴക്കൻ അറബി കടലിൽ ആണ് സ്ഥിതി ചെയ്യുന്നത്. ഗോവയിൽ നിന്ന് ഏകദേശം 700 കി.മീ ഉം ഒമാനിലെ സലാലയിൽ നിന്ന് 1400 കി.മീ ഉം അകലെയാണ്. അടുത്ത 12 മണിക്കൂർ കൂടി ഈ സിസ്റ്റവും സമാന ശക്തിയിൽ തുടരും .

കേരളത്തിലെ മഴ സാധ്യത
കേരളത്തിൽ ചൊവ്വാഴ്ച വരെ മഴ വിട്ടു നിൽക്കും. മികവാറും ജില്ലകളിൽ വരണ്ട കാലാവസ്ഥ തുടരും. അതിന് ശേഷം ബംഗാൾ ഉൾക്കടലിലെ ന്യൂനമർദം മഴ തിരികെ എത്താൻ കാരണമാകും. കൂടുതലും തെക്കൻ കേരളത്തിനാണ് മഴ സാധ്യത. ന്യൂനമർദത്തിന്റെ ട്രാക്ക് അനുസരിച്ച് മഴ സാധ്യതയിൽ മാറ്റം ഉണ്ടാകും. ഞങ്ങളുടെ അപ്ഡേഷൻ ശ്രദ്ധിക്കുക.

കരുവാരക്കുണ്ട് മലവെള്ള പാച്ചിലിൽ യുവതി മരിച്ചു

മലപ്പുറം കരുവാരക്കുണ്ടില്‍ ഒഴുക്കില്‍പ്പെട്ട് യുവതി മരിച്ചു. ആലപ്പുഴ അരൂര്‍ സ്വദേശി സുരേന്ദ്രന്റെ മകള്‍ ആശ (22)യാണ് മരിച്ചത്. കേരളാംകുണ്ടിന് സമീപം പുഴയില്‍ കുളിക്കാനിറങ്ങിയപ്പോഴായിരുന്നു അപകടം. പെട്ടന്നുള്ള മലവെള്ളപ്പാച്ചിലില്‍ യുവതി ഒഴുക്കില്‍പ്പെടുകയായിരുന്നു.

ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടതിന് പിന്നാലെ കിഴക്കൻ മേഖലകളിൽ ഒറ്റപ്പെട്ട ശക്തമായ മഴ കേരളത്തിൽ ലഭിക്കുന്നുണ്ട്. ഈ മഴ അടുത്ത ദിവസങ്ങളിലും തുടരും. മലയോര മേഖലയിൽ അപ്രതീക്ഷിത മലവെള്ള പാച്ചിൽ ഉണ്ടാകാൻ സാധ്യതയുണ്ട്. ജാഗ്രത പാലിക്കണം.

നാളെ ന്യൂനമർദ സാധ്യത : കേരളത്തിലെ മഴ ഇങ്ങനെ

കേരളത്തിൽ തിരുവോണ ദിവസവും മഴക്ക് സാധ്യത. നാളെ ബംഗാൾ ഉൾക്കടലിൽ ന്യൂനമർദ്ദം രൂപപ്പെടും. ഇതോടൊപ്പം ഉൾനാടൻ തെക്കൻ കർണാടകക്ക് മുകളിൽ കഴിഞ്ഞ ദിവസം രൂപം കൊണ്ട ചക്രവാത ചുഴി പ്രതീക്ഷിച്ചതു പോലെ ഇന്ന് ദുർബലമായില്ല. അതിനാൽ വടക്കൻ കേരളത്തിൽ മഴ ഇന്നു രാത്രിയും നാളെയും തുടരും. നാളെ ന്യൂനമർദം രൂപപെടുന്നതോടെ വടക്കൻ കർണാടകയിലെ ചക്രവാത ചുഴി ദുർബലമാകും. പടിഞ്ഞാറൻ കാറ്റ് ശക്തമാകുകയും ചെയ്തിട്ടുണ്ട്. അതിനിടെ കഴിഞ്ഞ ദിവസം ഹിമാലയൻ മേഖലയിൽ ആയിരുന്ന മൺസൂൺ പാത്തി തെക്കോട്ട് നോർമൽ പൊസിഷനിലേക്ക് മാറി. ഇതും കേരളത്തിൽ മഴ തുടരാൻ അനുകൂല സാഹചര്യമാണ് എന്ന് ഞങ്ങളുടെ നിരീക്ഷകർ പറയുന്നു.

തിരുവോണ ദിവസം കേരളത്തിൽ എല്ലാ ജില്ലകളിലും മഴക്ക് സാധ്യതയുണ്ട്. കിഴക്കൻ മേഖലയിൽ വൈകിട്ടും രാത്രിയും മഴ ശക്തിപെടും . ഓണത്തോട് അനുബന്ധിച് കിഴക്കൻ മേഖലകളിലേക്കുള്ള വിനോദസഞ്ചാര യാത്രകൾ സുരക്ഷിതമല്ല. ഓണത്തിനു ശേഷവും കേരളത്തിൽ മഴ തുടരാനാണ് സാധ്യത.

കേരളത്തിന് മുകളിൽ ചക്രവാത ചുഴി ; മഴ തുടരും

കഴിഞ്ഞ ദിവസം അറബിക്കടലിനു മുകളിലായി രൂപപ്പെട്ട ചക്രവാത ചുഴി ഇന്ന് വടക്കൻ കേരളത്തിനു മുകളിലെത്തി. അന്തരീക്ഷത്തിന്റെ ലോവർ, മിഡ് ലെവലിൽ ചക്രവാത ചുഴിയുടെ സാന്നിധ്യം ദ്യശ്യമാണ്. ഇത് എറണാകുളം ജില്ല മുതൽ കാസർകോട് വരെ മഴക്ക് അനുകൂല സാഹചര്യം ഒരുക്കും. വൈകിട്ടും രാത്രിയിലും തെക്കൻ കേരളത്തിലും മഴക്ക് സാധ്യതയുണ്ട്. വടക്കൻ കേരളം മുതൽ വിദർഭ വരെ ന്യൂനമർദ പാത്തി നിലവിലുള്ളതിനാൽ കർണാടകയിലും വടക്കൻ കേരളത്തിലും ശക്തമായ മഴ നൽകാൻ പര്യാപ്തമാണ്. കാസർകോട്, കണ്ണൂർ ജില്ലകളിലും കോഴിക്കോടിന്റെ വടക്കും ഇന്നും ശക്തമായ മഴക്ക് സാധ്യതയുണ്ട്. കഴിഞ്ഞ ദിവസങ്ങളിലെ മഴ കടലിൽ പെയ്തു പോകുന്ന ട്രന്റ് തുടരുന്നതിനാൽ ആശങ്കക്ക് അടിസ്ഥാനമില്ലെന്നാണ് മെറ്റ്ബീറ്റ് വെതർ നിരീക്ഷിക്കുന്നത്. വടക്കൻ കേരളത്തിൽ ചിലയിടങ്ങളിൽ ഇടിയോടെ മഴ ലഭിക്കും. തീരദേശത്ത് ശക്തമായതോ ഇടത്തരമോ ആയ മഴക്കാണ് അടുത്ത 24 മണിക്കൂറിൽ സാധ്യത.

കാലവർഷം പുരോഗമിക്കുന്നു
ഇന്നലെ ആൻഡമാൻ നിക്കോബാർ ദ്വീപുകളിൽ എത്തിയ കാലവർഷം ഇന്ന് കൂടുതൽ മേഖലകളിലേക്ക് പുരോഗമിച്ചു. അടുത്ത 2 ദിവസത്തിനകം കാല വർഷം ശ്രീലങ്കയിലും ആൻഡമാൻ ദ്വീപുകൾ പൂർണമായും വ്യാപിക്കും.

വടക്ക് മഴ കൂടും, ആശങ്ക വേണ്ട

കേരളത്തിൽ മഴ തുടരുമെങ്കിലും കഴിഞ്ഞ ദിവസങ്ങളിലെ നിരീക്ഷണത്തിൽ അറിയച്ചതുപോലെ ആശങ്കയ്ക്ക് ഇടയില്ല. മഴ വടക്കൻ ജില്ലകളിലേക്ക് മാറുന്നുണ്ടെങ്കിലും കൂടുതലും കടലിൽ പെയ്തു പോകുന്ന ട്രെന്റ് തുടരും. ഒറ്റപ്പെട്ട ശക്തമായ മഴ തീരദേശം കേന്ദ്രീകരിച്ചും കിഴക്കൻ പ്രദേശം കേന്ദ്രീകരിച്ചും തുടരാമെങ്കിലും ആശങ്കക്ക് അടിസ്ഥാനമില്ല.

അന്തരീക്ഷസ്ഥിതി ഇങ്ങനെ
ലക്ഷദ്വീപിനു സമീപം തെക്കുകിഴക്കൻ അറബിക്കടലിലായി സമുദ്രനിരപ്പിൽ നിന്ന് 3.6 ഉം 5.8 ഉം കി.മി ഉയരത്തിലായി രണ്ട് ചക്രവാതടച്ചുഴികൾ തുടരുന്നു. ഇത് കേരളത്തിലേക്കുള്ള പടിഞ്ഞാറൻ കാറ്റിന്റെ പ്രവാഹത്തെ തടസപെടുത്താനും മഴ കുറയാനും കാരണമാകും. മധ്യ, തെക്കൻ ജില്ലകളിൽ മഴക്ക് കുറവുണ്ടാകും. കർണാടകക്കു മുകളിലായി ന്യൂനമർദപാത്തിയുള്ളതാനാൽ ആ മേഖലയിൽ മഴ കൂടും. കണ്ണൂർ, കാസർകോട് ജില്ലകളിലും ഇതിന്റെ സ്വാധീനം ഉള്ളതിനാൽ അടുത്ത 2 ദിവസം അവിടെ ശക്തമായ മഴക്ക് സാധ്യതയുണ്ട്. പക്ഷേ കൂടുതൽ മഴയും കടലിൽ പതിക്കുന്ന ട്രെന്റ് ഉള്ളതിനാൽ മഴ തീവ്രമാകില്ല.