kerala rain forecast 11/03/25 : കേരളത്തിൽ ഇന്ന് മഴ സാധ്യത, നാലു ജില്ലകളിൽ യെല്ലോ, തമിഴ്നാട്ടിൽ ഓറഞ്ച് അലർട്ട്
തെക്കു കിഴക്കൻ ബംഗാൾ ഉൾക്കടലിനും ഇന്ത്യൻ മഹാസമുദ്രത്തിലെ ഭൂമധ്യരേഖാ പ്രദേശത്തും ആയി രൂപപ്പെട്ട അന്തരീക്ഷ ചുഴി (upper air circulation – UAC) യെ തുടർന്ന് കേരളത്തിലും തമിഴ്നാട്ടിലും ഇന്ന് മഴ സാധ്യത. കേരളത്തിൽ നാല് ജില്ലകളിൽ ഇന്ന് മഴ സാധ്യതയെ തുടർന്ന് മഞ്ഞ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകൾക്കാണ് മുന്നറിയിപ്പ്.
കനത്ത മഴ പ്രതീക്ഷിക്കുന്ന തമിഴ്നാട്ടിലെ ഏതാനും ജില്ലകളിൽ ഓറഞ്ച് അലർട്ട് പ്രഖ്യാപിച്ചു. കേരളത്തിലും നാലു ജില്ലകളിൽ കാലാവസ്ഥ വകുപ്പ് ഇന്ന് മഞ്ഞ അലർട്ട് പ്രഖ്യാപിച്ചിട്ടുണ്ട്. തമിഴ്നാട്ടിലെ കന്യാകുമാരി, തിരുനെൽവേലി, തെങ്കാശി,തൂത്തുക്കുടി ജില്ലകളിലാണ് ഇന്ന് ഓറഞ്ച് അലർട്ട് പ്രഖ്യാപിച്ചത്. Virudhunagar, Sivaganga, Mayiladuthurai, Thanjavur, Tiruvarur, Nagapattinam, Pudukkottai, Ramanathapuram ജില്ലകളിൽ കനത്ത മഴ സാധ്യതയെ തുടർന്ന് മഞ്ഞ അലർട്ടും പ്രഖ്യാപിച്ചു.
ഇന്നലെ രാത്രി മുതൽ UAC യുടെ ഭാഗമായ മഴ മേഘങ്ങൾ കേരളത്തിൽ എത്തിയിട്ടുണ്ട്. തമിഴ്നാട്ടിന്റെ തീരദേശ ജില്ലകളിൽ ഇന്നലെ രാത്രി മഴ ലഭിച്ചു. കിഴക്കൻ കാറ്റിന് ശക്തി കൂടിയതിനെ തുടർന്ന് കടുത്ത ചൂട് അനുഭവപ്പെട്ട കേരളത്തിൻ്റെ കിഴക്കൻ ജില്ലകളായ പാലക്കാട് ഇടുക്കി എന്നിവിടങ്ങളിൽ ഇന്നലെ രാത്രി തണുത്ത കാറ്റ് വീശിയത് ആശ്വാസമായി. തമിഴ്നാട്ടിൽ പെയ്ത മഴയും അന്തരീക്ഷ ചുഴിയുടെ കാരണത്താൽ ശക്തമായ കിഴക്കൻ കാറ്റും ആണ് ഇതിനു കാരണം.
ഇന്ന് കന്യാകുമാരി ജില്ലയിൽ പലയിടങ്ങളിലായി ഒറ്റപ്പെട്ട അതിശക്തമായ മഴക്ക് സാധ്യത. കേരളത്തിൽ തിരുവനന്തപുരം, കൊല്ലം, കോട്ടയം, പത്തനംതിട്ട ജില്ലകളിൽ ഒറ്റപ്പെട്ട ശക്തമായ മഴക്കോ ഇടത്തരം മഴക്കോ സാധ്യത. എറണാകുളം വരെയുള്ള ജില്ലകളിൽ ചാറ്റൽ മഴ ലഭിച്ചേക്കാം. നാളെ കൂടുതൽ ജില്ലകളിൽ മഴ സാധ്യത.
അന്തരീക്ഷ ചുഴി കൂടുതൽ വടക്കോട്ട് നീങ്ങുമ്പോഴേ കേരളത്തിൽ എല്ലാ ജില്ലകളിലും മഴ ലഭിക്കുകയുള്ളൂ. ബംഗളൂരു ഉൾപ്പെടെ കർണാടകയിലും ഈ അന്തരീക്ഷ ചുഴിയുടെ ഭാഗമായി മഴ ലഭിക്കും. കേരളത്തിൽ ഇന്ന് കോഴിക്കോട് മുതൽ വടക്കോട്ടുള്ള ജില്ലകളിൽ മഴ സാധ്യതയില്ല. കണ്ണൂർ, കാസർകോട് ജില്ലകളിൽ ചൂട് കൂടും. എന്നാൽ നാളെ വടക്കൻ കേരളത്തിൽ മഴ ലഭിച്ചേക്കും. ഈ മാസം 13 വരെയാണ് മഴ സാധ്യത.
Tag : Discover the latest weather updates for Kerala and Tamil Nadu, including potential rainfall and alerts for Thiruvananthapuram, Kollam, Pathanamthitta, and Idukki.
