കനത്ത മഴയിൽ മുംബൈ വിമാനത്താവളത്തില്‍ ലാന്‍ഡ് ചെയ്യുകയായിരുന്ന വിമാനം റണ്‍വേയില്‍ തെന്നിമറിഞ്ഞ് തീപിടിച്ചു. മൂന്നുപേർക്ക് പരിക്കേറ്റു. കനത്ത മഴയില്‍ ആഭ്യന്തര വിമാനത്താവളത്തിന്റെ റണ്‍വേ വഴുക്കലുണ്ടായിരുന്നു. പെട്ടെന്ന് തീ അണയ്ക്കാൻ സാധിച്ചതിനാൽ വൻ അപകടം ഒഴിവായി. കാനഡ ആസ്ഥാനമായുള്ള ബൊംബാര്‍ഡിയര്‍ ഏവിയേഷന്റെ ഡിവിഷന്‍ നിര്‍മിച്ച ഒമ്പത് സീറ്റുകളുള്ള സൂപ്പര്‍-ലൈറ്റ് ബിസിനസ് ജെറ്റാണ് അപകടത്തിൽപ്പെട്ടത്.
#WATCH | VSR Ventures Learjet 45 aircraft VT-DBL operating flight from Visakhapatnam to Mumbai was involved in runway excursion (veer off) while landing on runway 27 at Mumbai airport. There were 6 passengers and 2 crew members on board. Visibility was 700m with heavy rain. No… pic.twitter.com/KxwNZrcmO5
— ANI (@ANI) September 14, 2023
വിമാനത്താവളത്തിന്റെ പ്രവർത്തനം നിർത്തിവച്ചു
ലിയര്‍ജെറ്റ് 45 അപകടത്തെത്തുടര്‍ന്ന് ഇനിയൊരു അറിയിപ്പുണ്ടാകുന്നതു വരെ വിമാനത്താവളത്തിന്റെ എല്ലാ പ്രവര്‍ത്തനങ്ങളും നിര്‍ത്തിവച്ചിരിക്കുകയാണ്. ബംഗളൂരു ആസ്ഥാനമായുള്ള റിയല്‍ എസ്റ്റേറ്റ് ഡെവലപ്മെന്റ് സ്ഥാപനമെന്ന് കരുതപ്പെടുന്ന വിഎസ്ആര്‍ വെഞ്ചേഴ്സില്‍ രജിസ്റ്റര്‍ ചെയ്തിട്ടുള്ള ലിയര്‍ജെറ്റ് 45 വിമാനമാണ് അപകടത്തില്‍പ്പെട്ടതെന്ന് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ അറിയിച്ചു.
ആന്ധ്രാപ്രദേശിലെ വിശാഖപട്ടണത്തുനിന്നാണ് വിമാനം എത്തിയത്. സ്വകാര്യ ജെറ്റ് വിമാനമാണ് അപകടത്തിൽപ്പെട്ടത്.ആറ് യാത്രക്കാരും രണ്ട് ജീവനക്കാരും അടക്കം എട്ട് പേരാണ് വിമാനത്തിലുണ്ടായിരുന്നത്.
Private Jet Veers Off Runway While Landing In Mumbai, 3 Injured https://t.co/Efkmkilcl5 pic.twitter.com/h2jqmfoBJ8
— NDTV (@ndtv) September 14, 2023