കാലാവസ്ഥ വ്യതിയാനത്തിൽ രാജ്യങ്ങൾ വേണ്ടത്ര നടപടികൾ എടുക്കുന്നില്ലെന്ന് ആരോപിച്ച് യൂറോപ്പ്യൻ യൂണിയൻ അംഗരാജ്യങ്ങളായ യുകെ, നോർവ, റഷ്യ, സിസ്വർലാൻഡ്, തുർക്കി എന്നിവ ഉൾപ്പെടെ 32 സർക്കാറുകൾക്കെതിരെ കേസ് ഫയൽ ചെയ്ത് 6 പോർച്ചുഗീസ് യുവാക്കൾ.
കാലാവസ്ഥ വ്യതിയാനത്തിൽ രാജ്യങ്ങൾ വേണ്ടത്ര നടപടി എടുക്കുന്നില്ല എന്നും ആഗോളതാപനം 1.5 ഡിഗ്രി സെൽഷ്യസ് ആയി പരിമിതപ്പെടുത്താനുള്ള പാരീസ് ഉടമ്പടി ലക്ഷ്യത്തിലെത്താൻ ആവശ്യമായ ഹരിത ഗൃഹ വാതക ഉത്ഭവനം കുറയ്ക്കുന്നതിൽ പരാജയപ്പെട്ടു എന്നും പരാതിക്കാർ ആരോപിക്കുന്നു.
സ്ട്രസ്ബർഗിലെ യൂറോപ്പ്യൻ മനുഷ്യാവകാശ കോടതിയിൽ ആണ് കേസ് ഫയൽ(ഇ സി എച്ച് ആർ )ചെയ്തിരിക്കുന്നത്. ഇത്തരത്തിൽ ഒരു കേസ് ഫയൽ ചെയ്യുന്നത് ആദ്യമായാണ്. അതുകൊണ്ടുതന്നെ കേസ് വിജയിച്ചാൽ സർക്കാറുകൾക്ക് നിയമപരമായ പ്രത്യാഘാതങ്ങൾ ഉണ്ടാകും. ആദ്യവാദം ബുധനാഴ്ച നടക്കും.
പരാതിക്കാർ 11 മുതൽ 24 വയസ്സ് വരെ പ്രായമായവരാണ് എന്നത് ശ്രദ്ധേയമാണ്. 2017 മുതൽ ഓരോ വർഷവും പോർച്ചുഗലിൽ ഉണ്ടായിക്കൊണ്ടിരിക്കുന്ന കാട്ടുതീ ആഗോളതാപനത്തിന്റെ നേരിട്ടുള്ള ഫലമാണെന്ന് പരാതിക്കാർ വാദിക്കുന്നു. 2017ൽ ഉണ്ടായ കൊടും ചൂടും കാട്ടുതീയും നൂറിലധികം ആളുകളെ കൊന്നൊടിക്കുമ്പോൾ എനിക്ക് ഭയമാണ് തോന്നിയതെന്ന് പരാതിക്കാരി ക്ലോഡിയ പറഞ്ഞു.
കാലാവസ്ഥാ വ്യതിയാനത്തിനെതിരെ പോരാടാനുള്ള സർക്കാരുകളുടെ വിമുഖത കാരണം തങ്ങളുടെ അടിസ്ഥാന മനുഷ്യാവകാശങ്ങൾ – ജീവിക്കാനുള്ള അവകാശം, സ്വകാര്യത, കുടുംബജീവിതം, വിവേചനത്തിൽ നിന്ന് മുക്തമാകുക എന്നിവ ഉൾപ്പെടെ – ലംഘിക്കപ്പെടുകയാണെന്ന് അവർ അവകാശപ്പെടുന്നു.
ഇതിനകം തന്നെ കാര്യമായ ആഘാതങ്ങൾ നേരിടുന്നുണ്ടെന്ന് അവർ പറയുന്നു, പ്രത്യേകിച്ചും പോർച്ചുഗലിലെ തീവ്രമായ താപനില കാരണം വീടിനുള്ളിൽ സമയം ചെലവഴിക്കാൻ നിർബന്ധിതരാകുകയും ഉറങ്ങാനോ ശ്രദ്ധ കേന്ദ്രീകരിക്കാനോ വ്യായാമം ചെയ്യാനോ ഉള്ള അവരുടെ കഴിവിനെ പരിമിതപ്പെടുത്തുന്നു.
ചിലർക്ക് പാരിസ്ഥിതിക ഉത്കണ്ഠ, അലർജികൾ, ആസ്ത്മ ഉൾപ്പെടെയുള്ള ശ്വാസകോശ സംബന്ധമായ അവസ്ഥകൾ എന്നിവയും അനുഭവപ്പെടുന്നു.
മലിനീകരണമില്ലാത്ത ഒരു ഹരിതലോകമാണ് എനിക്ക് വേണ്ടത്, ആരോഗ്യവാനായിരിക്കണമെന്ന് 11 വയസ്സുകാരി മരിയാന പറയുന്നു. “എന്റെ ഭാവിയെക്കുറിച്ച് ഞാൻ ശരിക്കും ആശങ്കാകുലനായതിനാലാണ് ഞാൻ ഈ കേസിൽ ഉള്ളത്. ഞങ്ങൾ താമസിക്കുന്ന സ്ഥലം എങ്ങനെയായിരിക്കുമെന്ന് ഞാൻ ഭയപ്പെടുന്നു.”
32 ഗവൺമെന്റുകളുടെ നിലവിലെ നയങ്ങൾ നൂറ്റാണ്ടിന്റെ അവസാനത്തോടെ ലോകത്തെ 3C ആഗോളതാപനത്തിലേക്ക് നയിക്കുന്നുവെന്ന് ആറ് യുവ അവകാശവാദികളെ പ്രതിനിധീകരിക്കുന്ന അഭിഭാഷകർ കോടതിയിൽ വാദിക്കുമെന്ന് പ്രതീക്ഷിക്കുന്നു.
“ഇത് വിനാശകരമായ ചൂടാണ് ,” അപേക്ഷകരെ പിന്തുണയ്ക്കുന്ന ഗ്ലോബൽ ലീഗൽ ആക്ഷൻ നെറ്റ്‌വർക്കിന്റെ (GLAN) ഡയറക്ടർ Gearóid Ó Cuinn പറയുന്നു.
” ഈ കേസിൽ ഉൾപ്പെട്ട യുവ അപേക്ഷകർ അസഹനീയമായ ചൂടാണ് നേരിടുന്നത്, അത് അവരുടെ ആരോഗ്യത്തിനും അവരുടെ ക്ഷേമത്തിനും ഹാനികരമാകും. ഇത് തടയാൻ കൂടുതൽ കാര്യങ്ങൾ ചെയ്യാൻ സർക്കാരുകൾക്ക് അധികാരമുണ്ടെന്ന് ഞങ്ങൾക്കറിയാം, അദ്ദേഹം പറയുന്നു.
കാലാവസ്ഥ വ്യതിയാനം കുട്ടികളിലും യുവാക്കളിലും അവരുടെ ദൈനംദിന പ്രവർത്തനത്തെ വരെ ബാധിച്ചെന്ന്‌ 2021ലെ ഒരു ലാൻഡ്സെറ്റ് പഠനം കണ്ടെത്തി.ലോകമെമ്പാടുമുള്ള 10 രാജ്യങ്ങളിലായി 16 മുതൽ 25 വയസ്സുവരെ പ്രായമായുള്ള പതിനായിരം കുട്ടികളിലും യുവാക്കളിലും നടത്തിയ സർവ്വേയുടെ അടിസ്ഥാനത്തിലാണ് ഈ റിപ്പോർട്ട്.
കാലാവസ്ഥാ പ്രശ്‌നങ്ങളെയും മനുഷ്യാവകാശങ്ങളെയും സംസ്ഥാനങ്ങൾ എങ്ങനെ അഭിസംബോധന ചെയ്യുന്നുവെന്ന് നിർണ്ണയിക്കാൻ ഈ കേസിന് ശേഷിയുണ്ടെന്ന് മൂന്നാം കക്ഷിയായി കേസിൽ ഇടപെട്ട കൗൺസിൽ ഓഫ് യൂറോപ്പിന്റെ മനുഷ്യാവകാശ കമ്മീഷണർ ദുഞ്ച മിജാറ്റോവിക് പറയുന്നു.
കാലാവസ്ഥാ വ്യതിയാനവുമായി ബന്ധപ്പെട്ട കേസുകളിൽ ECHR-ൽ നിന്ന് മാർഗനിർദേശം തേടുന്ന ആഭ്യന്തര കോടതികളെയും ഇത് സ്വാധീനിക്കും. ഒമ്പത് മുതൽ 18 മാസത്തിനുള്ളിൽ വിധി വരുമെന്നാണ് പ്രതീക്ഷിക്കുന്നത്.
