Menu

National

ഭൂമി ഇടിഞ്ഞു താഴലിനു പിന്നാലെ ഉത്തരാഖണ്ഡിൽ ഭൂചലനവും

ഭൂമി ഇടിഞ്ഞു താഴുന്നതിനു പിന്നാലെ ഉത്തരാഖണ്ഡിൽ ഭൂചലനവും. 3.8 തീവ്രതയുള്ള ഭൂചലനമാണ് ഇന്ന് രാവിലെ ഉത്തരാഖണ്ഡിൽ അനുഭവപ്പെട്ടത്. നാഷനൽ സെന്റർ ഫോർ സീസ്‌മോളജിയും ഇക്കാര്യം സ്ഥിരീകരിച്ചു. രാവിലെ 8.58 ന് പിതോരഗ്രയിൽ നിന്ന് 23 കി.മി അകലെയാണ് ഭൂചലനമുണ്ടായത്. ഭൗമോപരിതലത്തിൽ നിന്ന് 10 കി.മി താഴ്ചയിലാണ് പ്രഭവ കേന്ദ്രം.
കഴിഞ്ഞ ഡിസംബറിലും ഉത്തരകാശിയിൽ ഭൂചലനം റിപ്പോർട്ട് ചെയ്തിരുന്നു. ജോഷിമഠിലും പരിസരത്തും ഭൂമി ഇടിഞ്ഞു താഴുന്ന സാഹചര്യത്തിൽ ചെറു ഭൂചലനങ്ങൾ പോലും പ്രദേശത്ത് ഭീതിദമായ സാഹചര്യം സൃഷ്ടിക്കുന്നുണ്ട്. ഇന്ത്യൻ ടെക്ടോണിക് പ്ലേറ്റ് ഹിമാലയൻ മേഖലയിൽ യൂറേഷ്യൻ പ്ലേറ്റുമായി കൂട്ടിയിടിക്കുന്നതാണ് ഈ മേഖലയിൽ ഭൂചലനത്തിന് കാരണം. നാഷനഷ്ടം സംബന്ധിച്ച റിപ്പോർട്ടുകളില്ല.

പശ്ചിമവാതം പിൻവാങ്ങുന്നു; ഉത്തരേന്ത്യയിലും തണുപ്പിന്റെ കാഠിന്യം കുറയും

പശ്ചിമവാതം (western disturbance) ദുർബലമാകുന്നതോടെ ദേശീയ തലത്തിലും കാലാവസ്ഥയിൽ മാറ്റംവരുന്നു. 2 ഡിഗ്രി വരെ കുറഞ്ഞ താപനില രേഖപ്പെടുത്തിയ ഡൽഹിയിൽ വീണ്ടും കുറഞ്ഞ താപനില രണ്ടക്കത്തിലേക്ക് ഉയരും. അടുത്തയാഴ്ച മഴക്കും സാധ്യതയുണ്ട്.
ഈ മാസം 23 ന് ശേഷമാണ് ഡൽഹിയിൽ മഴക്ക് സാധ്യതയുള്ളത്. മഴയോടെ താപനില ഉയർന്നു തുടങ്ങും. അതേസമയം, ഹിമാലയൻ മേഖലയിൽ പശ്ചിമവാതം ശക്തമായി തുടരുന്നതിനാൽ ഹിമാചൽപ്രദേശ്, ഉത്തരാഖണ്ഡ്, ജമ്മുകശ്മിർ, ലഡാക്ക്, ഗിൽജിത് ബാൾടിസ്ഥാൻ, മുസാഫറാബാദ് എന്നിവിടങ്ങളിൽ 22 വരെ മഞ്ഞു വീഴ്ചയുണ്ടാകും.
വടക്കൻ പഞ്ചാബിലും ഹരിയാനയിലും ചണ്ഡിഗഡിലും, ഡൽഹിയിലും ഇന്നും നാളെയും ഒറ്റപ്പെട്ട മഴ സാധ്യതയുണ്ട്.
പഞ്ചാബ്, ഹരിയാന, ചണ്ഡിഗഡ്, വടക്ക് രാജസ്ഥാൻ, പടിഞ്ഞാറൻ ഉത്തർപ്രദേശ് എന്നിവിടങ്ങളിൽ 23 നും 26 നും ഇടയിൽ മഴ സാധ്യതയുണ്ട്.
ഒഡിഷ, അസം, മേഘാലയ, ത്രിപുര എന്നിവിടങ്ങളിൽ അടുത്ത മൂന്നു ദിവസം മൂടൽമഞ്ഞു ശക്തമാകും. വടക്കുപടിഞ്ഞാറ് ഇന്ത്യയിൽ കുറഞ്ഞ താപനില രണ്ടു ഡിഗ്രി ഉയരും. മധ്യപ്രദേശിൽ മൂന്നു മുതൽ 5 ഡിഗ്രിവരെ താപനില ഉയരും. കിഴക്കൻ ഇന്ത്യയിൽ 2 നും 4 നും ഇടയിൽ കുറഞ്ഞ താപനില ഉയരും. മഹാരാഷ്ട്രയിൽ അടുത്ത അഞ്ചു ദിവസം 5 ഡിഗ്രി വരെ കുറഞ്ഞ താപനില ഉയരും.

ഊട്ടിയിൽ മഞ്ഞുവീഴ്ച: താപനില പൂജ്യം ഡിഗ്രിയിൽ

ഊട്ടി • ഊട്ടിയിൽ കനത്ത മഞ്ഞുവീഴ്ച തുടരുന്നു. താഴ്ന്ന സ്ഥലങ്ങളിൽ താപനില പൂജ്യം ഡിഗ്രിയിലെത്തി. തലക്കുന്ത, എച്ച്പിഎഫ്, കുതിരപ്പന്തയ മൈതാനം, ബോട്ട് ഹൗസ്, റെയിൽവേ സ്റ്റേഷൻ, എച്ച്എഡിപി മൈതാനം, കാന്തൽ തുടങ്ങിയ സ്ഥലങ്ങളിൽ രാവിലെ മഞ്ഞുമൂടിയ നിലയിലാണ്. മഞ്ഞുവീഴ്ച ആസ്വദിക്കാനെത്തുന്ന സഞ്ചാരികളുടെ എണ്ണം വർധിച്ചിട്ടുണ്ട്. കൂനൂർ, വെല്ലിങ്ടൺ തുടങ്ങിയ പ്രദേശങ്ങളിലും മഞ്ഞുവീഴ്ച തുടരുന്നുണ്ട്. വരുംദിവസങ്ങളിൽ മഞ്ഞു കൂടുമെന്നാണു കരുതുന്നത്.

ജോഷി മഠ് ഇടിഞ്ഞു താഴുന്നു; വിദഗ്ധ സമിതി പഠനത്തിനെത്തി

ഉത്തരാഖണ്ഡിലെ ജോഷിമഠിൽ ഭൂമി ഇടിഞ്ഞു താഴുന്നത് പഠിക്കാൻ വിദഗ്ധ സമിതി എത്തി. അസാധാരണമാണ് ഈ സംഭവം. മണ്ണിടിച്ചിലും വിള്ളലും തുടരുകയാണ്.
പ്രധാനമന്ത്രിയുടെ പ്രിൻസിപ്പൽ സെക്രട്ടറി വിളിച്ചുചേർത്ത ഉന്ന തതലയോഗത്തിലാണ് വിദഗ്ധ സമിതിയെ നിയോഗിച്ചത്.

ദേശീയ ദുരന്ത നിവാരണസേ moനയുടെ അധികസംഘത്ത ഇവിടേക്ക് വിനിയോഗിക്കും. ഇതിനകം സേനയുടെ നാലു ടീമിനെ ജോഷിമഠിൽ വിന്യസിച്ചു.

പ്രദേശത്തെ കുടുംബങ്ങളെ സുര ക്ഷിതസ്ഥലങ്ങളിലേക്ക് മാറ്റും. ബോർഡർ മാനേജ്മെന്റ് സെ ക്രട്ടറിയും ദുരന്തനിവാരണ സേനയിലെ ഉന്നതരും ഇന്ന് ജോഷി മഠ് സന്ദർശിക്കും. സംഘം കേന്ദ്ര സർക്കാരിന് പ്രാഥമിക റിപ്പോർട്ട് നൽകും. ഇതിനുശേഷം തുടർനടപടികൾ സ്വീകരിക്കാനാണ് ധാരണ. പ്രത്യേക സാഹചര്യം നേരി
ടാനായി പദ്ധതികൾ ആവിഷ്ക് രിക്കാനും യോഗത്തിൽ തീരുമാനമായി.
റോഡുകളും കെട്ടിടങ്ങളും വിണ്ടുകീറി തകരാൻ തുടങ്ങിയ തോടെ സമഗ്ര ഇടപെടൽ വേ ണമെന്ന പ്രാദേശത്തുകാരുടെ ആവശ്യത്തിന്റെ പശ്ചാത്തല ത്തിലാണ് യോഗം ചേർന്നത്. ബദ് രിനാഥ്, ഹേംകുണ്ഡ് സാഹിബ് എന്നിവിടങ്ങളിലേക്കുള്ള പാതയാണ് തകർന്നത്.
സ്ഥിതിഗതികൾ പ്രധാനമന്ത്രി നരേന്ദ്രമോദി വ്യക്തിപരമായി നി രീക്ഷിക്കുന്നുണ്ടെന്ന് ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമി പറഞ്ഞു. സംസ്ഥാന സർക്കാർ രക്ഷാപ്രവർത്തനം നടത്തിവരികയാണെന്നും സാധ്യ മായ എല്ലാ സഹായവും പ്രധാനമന്ത്രി ഉറപ്പുനൽകിയിട്ടുണ്ടെന്നും അദ്ദേഹം ട്വീറ്റ് ചെയ്തു.
കെട്ടിടങ്ങൾ തകർന്നുവീഴുകയും ഭൂമി ക്കടിയിൽ നിന്ന് വീടുകളിലേക്ക് വെള്ളം കയറുകയും ചെയ്യുന്ന സംഭവങ്ങൾ ഇവിടെ ഇപ്പോഴും ആവർത്തിക്കുകയാണ്. തൊട്ടടു ത്തുള്ള ജ്യോതിർമഠിലും കെട്ടിടങ്ങളിൽ വിള്ളലുണ്ടായി.
ഹിമാലയൻ മേഖലയിലെ ടെക്ടോണിക് പ്ലേറ്റ് ചലനമാണോ പിന്നിലെന്ന് ജിയോളജി വിദഗ്ധർ പരിശോധിക്കുന്നുണ്ട്. കാരണം കണ്ടെത്താൻ ശാസ്ത്രീയ പരിശോധന വേണ്ടി വരും.

ജോഷി മഠിലേത് മനുഷ്യ നിർമിത ദുരന്തമോ?

ഉത്തരാഖണ്ഡിലെ ജോഷിമഠിൽ ഉണ്ടായ ഭൂമി ഇടിഞ്ഞു താഴൽ മനുഷ്യ നിർമിത ദുരന്തമെന്ന് പരിസ്ഥിതി പ്രവർത്തകർ. അതീവ പരിസ്ഥിതി ദുർബല മേഖലയായ ഇവിടെ നടന്ന അശാസ്ത്രീയ നിർമ്മാണ പ്രവർത്തനങ്ങൾ ആണ് ദുരന്തത്തിന് പിന്നിൽ എന്ന് നാട്ടുകാർ ആരോപിക്കുന്നു.

പൊതുമേഖലാ കമ്പനിയായ നാഷനൽ തെർമൽ പവർ കോർപറേഷ (എൻ.ടി.പി.സി)ന്റെ പ്രോജക്ടിനായി നടത്തിയ നിർമാണ പ്രവർത്തനങ്ങളാണ് മേഖലയിൽ പ്രകമ്പനങ്ങൾ സൃഷ്ടിച്ചതെന്ന് നാട്ടു കാർ പറയുന്നു. പദ്ധതിക്കായി നടത്തിയ സ്ഫോടനങ്ങൾ അപ കടകരമാണെന്ന് കാണിച്ച് മുഖ്യമന്ത്രി പുഷ്കർ സിംഗ് ധാമിക്ക് പ്രദേശത്തുകാർ കത്തയച്ചിരുന്നു. പദ്ധതി പ്രവർത്തനം ഉടൻ നിർത്തിവെക്കണമെന്ന് പരിസ്ഥിതി പ്രവർത്തകർ ആവശ്യപ്പെട്ടിരുന്നു.

മുഖ്യമന്ത്രിക്ക് നിർദേശങ്ങൾ സമർപ്പിക്കാൻ പ്രദേശവാസികളുടെ നിവേദനം ലഭിച്ചിരുന്നതായി ജില്ലാ കലക്ടർ ഹിമാൻഹു ഖുറാന സമ്മതിക്കുന്നുണ്ട്. എന്നാൽ, ഇക്കാര്യത്തിൽ ശാസ്ത്രീയ സ്ഥിരീകരണമില്ലാതെ നടപടിയെടുക്കാനാകുമായി രുന്നില്ലെന്ന് ഖുറാന വാർത്താ ഏജൻസിയോട് പറഞ്ഞു.

തീർഥാടന കേന്ദ്രങ്ങളായ ബദരീനാഥ്, ഹേമ കുണ്ഡ് സാഹിബ്, അന്താരാഷ്ട്ര സീയിംഗ് ലക്ഷ്യസ്ഥാനമായ ഔലി എന്നിവിടങ്ങളിലേക്കുള്ള കവാടമായ ജോഷിമഠിൽ വലിയ വി ള്ളലുകളുണ്ടാകുകയും ക്രമേണ എല്ലാം അതിലേക്ക് താഴ്ന്നുപോ കുകയുമാണ്. 600ലേറെ വീടു കേടുപാടുകൾ സംഭവിക്കുകയും ഒരു ക്ഷേത്രം പാടേ തകരുകയും ചെയ്തു. മാർവാരി പ്രദേശത്തെ ജലാശയം പൊട്ടിയതിനെ തുടർന്ന് പട്ടണത്തിൽ ശക്തമായ ജലപ്രവാഹമുണ്ടായി. 4,500 വീടുകളാണ് ഇവിടെയുള്ളത്.

പ്രധാനമന്ത്രി നരേന്ദ്ര മോദി സ്ഥിതിഗതികൾ നേരിട്ട് വിലയിരുത്തുന്നുണ്ട്. ഉദ്യോഗസ്ഥരും ഭൗമ ശാസ്ത്രഞ്ജരും ഇരുട്ടിൽ തപ്പുകയാണ്. 4,500 കെട്ടിട്ടങ്ങൾ ഉള്ളതിൽ 600 ലേറെ കെട്ടിടം തകർന്നു കഴിഞ്ഞു. മേഖല സുരക്ഷിതമല്ലാത്ത പ്രദേശമായി പ്രഖ്യാപിച്ചു കഴിഞ്ഞു.
ഉന്നത റവന്യൂ ഉദ്യോഗസ്ഥർ ജോഷി മഠത്തിൽ എത്തിയിട്ടുണ്ട്. വീഡിയോ കോൺഫറൻസ് വഴി ഇവർ മുതിർന്ന ഉദ്യോഗസ്ഥരുമായി യോഗം നടത്തി. ഉത്തരാഖണ്ഡ് ചീഫ് സെക്രട്ടറി സ്ഥിതിഗതികൾ വിശദീകരിച്ചു. കേന്ദ്ര ഏജൻസി കളുടെ സഹായം പൂർണമായി ലഭ്യമാക്കുമെന്ന് അദ്ദേഹം പറഞ്ഞു.

ഉത്തരേന്ത്യ അതി ശൈത്യത്തിൽ: ഡൽഹിയിൽ 2.2 ഡിഗ്രിയായി

ഉത്തരേന്ത്യയിൽ അതിശൈത്യം തുടരുന്നു. ഡൽഹിയിൽ ഇന്ന് ഏറ്റവും കുറഞ്ഞ താപനിലയായ 2.2 ഡിഗ്രി സെൽഷ്യസ് രേഖപ്പെടുത്തി. ഇത് ഈ സീസണിലെ ഏറ്റവും താഴ്ന്ന താപനിലയും ശരാശരിയേക്കാൾ അഞ്ച് ഡിഗ്രി കുറവുമാണെന്ന് കാലാവസ്ഥാ വകുപ്പ് അറിയിച്ചു. പശ്ചിമവാതത്തെ തുടർന്ന് ഉത്തരേന്ത്യയിൽ അതിശൈത്യം വരാനിരിക്കുന്നുവെന്ന് കഴിഞ്ഞ ദിവസങ്ങളിൽ മെറ്റ്ബീറ്റ് വെതർ റിപ്പോർട്ട് ചെയ്തിരുന്നു. കനത്ത മൂടൽമഞ്ഞിനെ തുടർന്ന് ദൂരക്കാഴ്ച 50 മീറ്ററായി കുറഞ്ഞു. ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ രാവിലെ 5.30ന് 25 മീറ്ററായിരുന്നു ദൃശ്യപരത. മൂടൽമഞ്ഞ് കാരണം 36 ട്രെയിനുകൾ ഒന്നു മുതൽ ഏഴു മണിക്കൂർ വരെ വൈകിയതായി റെയിൽവേ അറിയിച്ചു. ഉത്തരേന്ത്യയിലും വടക്കു കിഴക്കൻ സംസ്ഥാനങ്ങളിലും അടുത്ത നാലു ദിവസം കൂടി അതിശൈത്യവും മൂടൽ മഞ്ഞും തുടരുമെന്ന് ഞങ്ങളുടെ വെതർമാൻ പറയുന്നു.

2022 ഇന്ത്യയിലെ ചൂടേറിയ അഞ്ചാമത്തെ വർഷം

പോയവർഷം ചരിത്രത്തിലെ ഇന്ത്യയിലെ ഏറ്റവും ചൂടേറിയ അഞ്ചാമത്തെ വർഷമെന്ന് കണക്കുകൾ. കേന്ദ്ര കാലാവസ്ഥാ വകുപ്പിന്റെ കണക്കുകൾ പ്രകാരമാണിത്. കാലാവസ്ഥാ വകുപ്പ് കണക്കുകൾ സൂക്ഷിക്കാൻ തുടങ്ങിയ 1901 മുതലുള്ള രേഖകൾ പരിശോധിച്ചതിൽ നിന്നാണിത്. കനത്ത ചൂടിനോടൊപ്പം അതിശക്തമായ മഴ, വെള്ളപ്പൊക്കം, ഉരുൾപൊട്ടൽ, ഇടിമിന്നൽ, വരൾച്ച തുടങ്ങിയവയും രാജ്യത്തിന്റെ വിവിധ ഭാഗങ്ങളിൽ കഴിഞ്ഞവർഷം അനുഭവപ്പെട്ടതായി കാലാവസ്ഥാ നിരീക്ഷണ കേന്ദ്രം അറിയിച്ചു.
1981-2010 കാലയളവിലെ വാർഷിക ശരാശരി കര ഉപരിതല വായുവിന്റെ താപനിലയേക്കാൾ 2022ൽ ശരാശരി താപനില 0.51 ഡിഗ്രി സെൽഷ്യസ് കൂടുതലായിരുന്നു. എന്നാൽ, 2016 ലേതിനേക്കാൾ ചൂട് കുറവായിരുന്നു 2022. അന്ന് ശരാശരി താപനില 0.71 ഡിഗ്രി സെൽഷ്യസ് വരെ ഉയർന്നിരുന്നു.
2022 ലെ ശൈത്യകാലത്ത് (ജനുവരി മുതൽ ഫെബ്രുവരി വരെ) താപനില സാധാരണനിലയിലായിരുന്നുവെന്നും കാലാവസ്ഥാ വകുപ്പിന്റെ കണക്കുകൾ പറയുന്നു. മൺസൂണിന് മുമ്പുള്ള മാസങ്ങളിൽ (മാർച്ച് മുതൽ മെയ് വരെ) താപനില മുൻവർഷങ്ങളിലെ ശരാശരിയേക്കാൾ കൂടുതലായിരുന്നു. ആഗോളതാപനത്തിന്റെ ഭാഗമായി ഇന്ത്യയുൾപ്പെടെയുള്ള രാജ്യങ്ങളിൽ ചൂട് കഴിഞ്ഞ വർഷങ്ങളിൽ കൂടുന്നുണ്ട്.

ഉത്തരേന്ത്യയിൽ ശൈത്യ തരംഗം, റെഡ് അലർട്ട് പ്രഖ്യാപിച്ചു

ഡൽഹി ഉൾപ്പെടെ ഉത്തരേന്ത്യയിൽ ശൈത്യതരംഗം തുടരും. ഡൽഹി, പഞ്ചാബ്, ഹരിയാന, ചത്തീസ്ഗഡ് എന്നീ സംസ്ഥാനങ്ങളിലാണ് ശൈത്യതരംഗത്തെ തുടർന്ന് റെഡ് അലർട്ടുകൾ നൽകിയത്.
ശനിയാഴ്ച വരെ ഡൽഹിയുൾപ്പെടെ അതിശൈത്യത്തിന്റെ പിടിയിലമരും. നാലു ഡിഗ്രിവരെ താപനില താഴുമെന്നാണ് വിവിധ കാലാവസ്ഥാ പ്രവചന മാതൃകകൾ പറയുന്നത്. –

എന്താണ് ശൈത്യതരംഗം
10 ഡിഗ്രിയിൽ താഴെ താപനില എത്തുമ്പോഴാണ് ശൈത്യ തരംഗം എന്നു പറയുക. പകൽ താപനില തുടർച്ചയായി സാധാരണയിൽ നിന്ന് 4.5 ഡിഗ്രി സെൽഷ്യസ് താപനില കുറയുക എന്നതും ഇതിന്റെ മാനദണ്ഡമാണ്. ഉത്തരേന്ത്യയിലെ ശൈത്യ തരംഗത്തിന് കാരണം പശ്ചിമവാതത്തിന്റെ സാന്നിധ്യമാണ്. വടക്കുകിഴക്കൻ സംസ്ഥാനങ്ങളിൽ ഉൾപ്പെടെ പുകമഞ്ഞും സജീവമാണ്.

റെഡ് അലർട്ട്
ശൈത്യ തരംഗത്തിന്റെ പശ്ചാത്തലത്തിൽ പഞ്ചാബിലെ ഗുരുദാസ്പൂർ, ഫിറോസ്പൂർ, ലുധിയാന, ബർനാല, പാട്യാല, മൻസ, കപുർത്തല, ഫരീദ്‌കോട്, മുക്താര, സിർസ, ഫത്തേഹ്ഗ്ര സാഹിബ്, ജിൻഡ്, കുരുക്ഷേത്ര, ഹരിയാനയിലെ ഹിസാർ, അംബാല, റെവാരി എന്നിവിടങ്ങളിലും കാലാവസ്ഥാ വകുപ്പ് റെഡ് അലർട്ട് നൽകി. വടക്കുപടിഞ്ഞാറൻ ഇന്ത്യയിലാണ് ഏറ്റവും കൂടുതൽ ശൈത്യം അനുഭവപ്പെടുന്നത്. പുകമഞ്ഞിന്റെ സാന്നിധ്യം മൂലം ഡൽഹിയിൽ വായുനിലവാരവും മോശമായിട്ടുണ്ട്.

ബംഗാൾ ഉൾക്കടലിൽ ന്യൂനമർദം ശക്തിപ്പെടും: കേരളത്തിൽ ചൊവ്വ വരെ മഴ വിട്ടു നിൽക്കും

തെക്കു കിഴക്കൻ ബംഗാൾ ഉൾക്കടലിൽ ഇന്നലെ രൂപപ്പെട്ട ന്യൂനമർദം സമാന ശക്തിയിൽ തുടരുന്നു. ഇത് അടുത്ത 12 മണിക്കൂറിൽ വീണ്ടും ശക്തിപ്പെട്ട് വെൽ മാർക്ഡ് ലോ പ്രഷർ ആയി മാറും. തുടർന്ന് വടക്കു പടിഞ്ഞാറൻ ദിശയിൽ ശ്രീലങ്കൻ തീരം ലക്ഷ്യമാക്കി നീങ്ങും.

അതിനിടെ, അറബി കടലിൽ കഴിഞ്ഞ ദിവസം രൂപംകൊണ്ട മന്ദൂസ് ചുഴലിക്കാറ്റിന്റെ ശേഷിപ്പായ ന്യൂനമർദ്ദം അതി തീവ്ര ന്യൂനമർദം ആയി മാറി. ഇത് മധ്യ കിഴക്കൻ അറബി കടലിൽ ആണ് സ്ഥിതി ചെയ്യുന്നത്. ഗോവയിൽ നിന്ന് ഏകദേശം 700 കി.മീ ഉം ഒമാനിലെ സലാലയിൽ നിന്ന് 1400 കി.മീ ഉം അകലെയാണ്. അടുത്ത 12 മണിക്കൂർ കൂടി ഈ സിസ്റ്റവും സമാന ശക്തിയിൽ തുടരും .

കേരളത്തിലെ മഴ സാധ്യത
കേരളത്തിൽ ചൊവ്വാഴ്ച വരെ മഴ വിട്ടു നിൽക്കും. മികവാറും ജില്ലകളിൽ വരണ്ട കാലാവസ്ഥ തുടരും. അതിന് ശേഷം ബംഗാൾ ഉൾക്കടലിലെ ന്യൂനമർദം മഴ തിരികെ എത്താൻ കാരണമാകും. കൂടുതലും തെക്കൻ കേരളത്തിനാണ് മഴ സാധ്യത. ന്യൂനമർദത്തിന്റെ ട്രാക്ക് അനുസരിച്ച് മഴ സാധ്യതയിൽ മാറ്റം ഉണ്ടാകും. ഞങ്ങളുടെ അപ്ഡേഷൻ ശ്രദ്ധിക്കുക.

മന്ദൂസ് : 4 മരണം; ആഘാതം കുറച്ചത് ശാസ്ത്രീയ മുന്നൊരുക്കം

മന്ദൂസ് ചുഴലിക്കാറ്റിനെ തുടർന്ന് തമിഴ്‌നാട്ടിൽ നാലു മരണം. ഇന്ന് രാവിലെ അതിതീവ്ര ന്യൂനമർദമായി ശക്തി കുറഞ്ഞ മന്ദൂസ് ഉച്ചയോടെ വീണ്ടും ശക്തികുറഞ്ഞ് തീവ്ര ന്യൂനമർദമായി. നാളെയോടെ വീണ്ടും ശക്തി കുറഞ്ഞ് വെൽമാർക്ഡ് ലോ പ്രഷറാകും. വടക്കൻ തമിഴ്‌നാട്ടിൽ വെല്ലൂരിന് സമീപമാണ് മന്ദൂസ് നിലവിൽ സ്ഥിതി ചെയ്യുന്നത്. ഇന്നലെ ഉച്ചയ്ക്ക് ശേഷം മണിക്കൂറിൽ 09 കി.മി വേഗതയിലാണ് വടക്കു പടിഞ്ഞാറ് ദിശയിൽ നീങ്ങുന്നത്.

മുൻകരുതൽ ആഘാതം കുറച്ചു
ചെന്നൈയിൽ 11.5 സെ.മി മഴയാണ് മന്ദൂസിനെ തുടർന്ന് ലഭിച്ചത്. 400 മരങ്ങൾ കടപുഴകി. 70 കി.മി വേഗതയിലാണ് മന്ദൂസ് കരകയറിയത്. കാശിമേട് മേഖലയിലാണ് കൂടുതൽ നാശനഷ്ടം. മുഖ്യമന്ത്രി എം.കെ സ്റ്റാലിൻ സ്ഥിതിഗതികൾ വിലയിരുത്തി. അത്യാധൂനിക മുന്നൊരുക്കം മൂലമാണ് നാശനഷ്ടങ്ങളും ആളപായവും കുറയ്ക്കാൻ കഴിഞ്ഞതെന്ന് അദ്ദേഹം പറഞ്ഞു. ദുരന്തങ്ങളെ എങ്ങനെ മാനേജ് ചെയ്യാനാകുമെന്ന് ഈ സർക്കാർ തെളിയിച്ചതായും അദ്ദേഹം പറഞ്ഞു.

കരകറാൻ തുടങ്ങിയത് 11.30 ന്
മഹാബലി പുരം വഴി മന്ദൂസ് കരകയറാൻ തുടങ്ങിയത് ഇന്നലെ രാത്രി 11.30 നാണ്. പുലർച്ചെ 1.30 ഓടെ കരകയറൽ പൂർത്തിയായി. ഇതിനിടെ 70 കി.മി വേഗത്തിലുള്ള കാറ്റ് ചെങ്കൽപട്ട് മേഖലയിലും മറ്റും നിരവധി മരങ്ങൾ വീഴ്ത്തിയിരുന്നു. മഹാബലിപുരത്തിനു സമീപത്തെ കോവളത്ത് ബോട്ടുകൾക്ക് കേടുപാടുണ്ടായി. താൽക്കാലിക കടകളും തകർന്നു. മേൽക്കൂര പറന്നുപോയി. നാശനഷ്ടം സംബന്ധിച്ച് ഫിഷറീസ്, റവന്യൂ വകുപ്പുകൾ വിലയിരുത്തുന്നുണ്ടെന്ന് കോവളം ഗ്രാമപഞ്ചായത്ത് പ്രസിഡന്റ് ശോഭനാ തങ്കം പറഞ്ഞു.

വിമാനങ്ങൾ റദ്ദാക്കി
മന്ദൂസ് കരകയറുന്നതിനു മുൻപ് 13 ആഭ്യന്തര, അന്താരാഷ്ട്ര വിമാനങ്ങൾ ചെന്നൈ വിമാനത്താവളത്തിൽ റദ്ദാക്കിയിരുന്നു.

മന്ദൂസ് തീവ്ര ചുഴലിക്കാറ്റ് എന്നറിയപ്പെടും
ഒരു ഘട്ടത്തിൽ ശക്തി തീവ്രചുഴലിക്കാറ്റായതിനാൽ മന്ദൂസ് ആ ഗണത്തിലാണ് ഉൾപ്പെടുക. മണിക്കൂറിൽ 89-117 കി.മി വേഗത്തിലെത്തുമ്പോഴാണ് തീവ്ര ചുഴലിക്കാറ്റാകുക. പിന്നീട് ശക്തി കുറഞ്ഞ് ചുഴലിക്കാറ്റായി. മണിക്കൂറിൽ 62-88 കി.മി വേഗതയുള്ളപ്പോഴാണ് ചുഴലിക്കാറ്റായി അറിയപ്പെടുക. കാറ്റിന്റെ വേഗത 222 കി.മി ലും കൂടുമ്പോഴാണ് ഏറ്റവും ശക്തിയുള്ള സൂപ്പർ സൈക്ലോൺ ആകുക.

ഒരുക്കിയത് വൻ സുരക്ഷാ സന്നാഹം
ദേശീയ ദുരന്ത നിവാരണ സേനയുടെ സംഘം 10 ജില്ലകളിൽ നിലയുറപ്പിച്ചിരുന്നു. 5000 ദുരിതാശ്വാസ കേന്ദ്രങ്ങൾ സംസ്ഥാന സർക്കാർ തുറന്നു. ചെങ്കൽപ്പട്ട് ജില്ലയിൽ 28 കേന്ദ്രങ്ങളിലായി 1,058 കുടുംബങ്ങളെ മാറ്റിപാർപ്പിച്ചു.

ആന്ധ്രയിലും കനത്ത മഴ
തെക്കൻ ആന്ധ്രയിലെ തീരദേശ ജില്ലകളിൽ കനത്ത മഴ ലഭിച്ചു. തിരുപ്പതി ജില്ലയിലെ നായ്ഡുപേട്ടയിൽ ആണ് ഏറ്റവും കുടുതൽ മഴ ലഭിച്ചത്. 28.1 സെ.മി. കാര്യമായ നാശനഷ്ടങ്ങൾ റിപ്പോർട്ട് ചെയ്തിട്ടില്ല.