ജലജന്യ രോഗങ്ങള്ക്കെതിരെ ജാഗ്രത വേണമെന്ന് വീണാ ജോര്ജ്
കേരളത്തിൽ ചൂട് വർദ്ധിക്കുന്ന സാഹചര്യത്തിൽ
ജലജന്യ രോഗങ്ങള്ക്കെതിരെ ജാഗ്രത വേണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. വേനല്ക്കാലത്ത് ശുദ്ധ ജലത്തിന്റെ ലഭ്യത കുറവായതിനാല് ജലജന്യ രോഗങ്ങള് ഉണ്ടാകുവാന് സാധ്യതയുണ്ട്. വയറിളക്ക രോഗങ്ങള് നിര്ജലീകരണത്തിനും തുടര്ന്നുള്ള സങ്കീര്ണ ആരോഗ്യ പ്രശ്നങ്ങള്ക്കും കാരണമായേക്കാം.
വയറിളക്ക രോഗങ്ങള്, മഞ്ഞപിത്തത്തിന് കാരണമാകുന്ന ഹെപ്പറ്റൈറ്റീസ്-എ, ഹെപ്പറ്റൈറ്റിസ് ഇ, കോളറ, ടൈഫോയിഡ്, ഷിഗല്ല തുടങ്ങിയ അസുഖങ്ങള് ഇത്തരത്തില് ഉണ്ടാകാന് സാദ്ധ്യതയുണ്ട്. ഉയര്ന്ന ചൂട് കാരണം പെട്ടെന്ന് നിര്ജലീകരണമുണ്ടാകാന് സാധ്യതയുള്ളതിനാല് ദാഹം തോന്നിയില്ലെങ്കിലും വെളളം കുടിക്കണം. എന്തെങ്കിലും രോഗ ലക്ഷണങ്ങളുണ്ടെങ്കില് സങ്കീര്ണമാകാതെ ചികിത്സ തേടണമെന്നും മന്ത്രി അഭ്യര്ത്ഥിച്ചു.
There is no ads to display, Please add some