രാവിലെ രൂപപ്പെട്ട ന്യൂനമര്‍ദം തീവ്രമായി ശക്തിപ്പെട്ടു
വടക്കു കിഴക്കന്‍ ബംഗാള്‍ ഉള്‍ക്കടലില്‍ തെക്കുകിഴക്കന്‍ ബംഗ്ലാദേശിനോട് ചേര്‍ന്ന് ഇന്ന് രാവിലെ രൂപപ്പെട്ട ന്യൂനമര്‍ദം ഇന്ന് ഉച്ചയോടെ ശക്തികൂടിയ ന്യൂനമര്‍ദം (well marked low pressure) ആയ. ഇന്നു രാത്രിയോടെ തീവ്രന്യൂനമര്‍ദം (Depression) ആയും ശക്തിപ്പെട്ടു.
നിലവില്‍ കൊല്‍ക്കത്തയില്‍ നിന്ന് കിഴക്ക്-തെക്കുകിഴക്ക് 260 കി.മി അകലെയും പശ്ചിമബംഗാളിലെ കാനിങ്ങില്‍ നിന്ന് 220 കി.മി അകലെയുമാണ് തീവ്രന്യൂനമര്‍ദം സ്ഥിതി ചെയ്യുന്നത്. ഈ സിസ്റ്റം കേരളത്തിലെ മഴയെ ബാധിക്കില്ലെന്നാണ് ഞങ്ങളുടെ നിരീക്ഷകരുടെ അനുമാനം. അതേ സമയം ഉത്തരേന്ത്യയില്‍ ശക്തമായ മഴ നല്‍കും.
ഡൽഹിയിൽ കനത്ത വെള്ളക്കെട്ട്: ഓറഞ്ച് അലർട്ട്
ഡൽഹിയിൽ കനത്ത മഴയെ തുടർന്ന് ഓറഞ്ച് പ്രഖ്യാപിച്ചു. കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് നൽകിയ മുന്നറിയിപ്പ്. ഡൽഹി-NCR-ന്റെ പല ഭാഗങ്ങളിലും രാവിലെ മഴ ലഭിച്ചു. വെള്ളക്കെട്ടിനും ഗതാഗതക്കുരുക്കിനും ഇത് കാരണമായി.
തെക്കുപടിഞ്ഞാറൻ ഉത്തർപ്രദേശിലും സമീപപ്രദേശങ്ങളിലും ഇന്നലെയുണ്ടായ ന്യൂനമർദം വടക്ക്-വടക്കുകിഴക്ക് ദിശയിലേക്ക് നീങ്ങുകയും വടക്കുപടിഞ്ഞാറൻ ഉത്തർപ്രദേശിലും സമീപപ്രദേശങ്ങളിലും സെപ്റ്റംബർ 13ന് രാവിലെ ന്യൂനമർദമായി മാറുകയും ചെയ്തു. ഇത് കൂടുതൽ ദുർബലമാകാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
തലസ്ഥാനത്ത് മണിക്കൂറിൽ 30 കിലോമീറ്റർ വേഗതയിൽ കാറ്റിനൊപ്പം കൂടുതൽ മഴ പെയ്യുമെന്ന് imd പ്രവചിച്ചു. ഇത് വെള്ളക്കെട്ടിന്, പ്രത്യേകിച്ച് താഴ്ന്ന പ്രദേശങ്ങളിൽ, ഗതാഗത തടസ്സത്തിന് കാരണമായേക്കാം.
കാലാവസ്ഥാ വകുപ്പിൻ്റെ കണക്കനുസരിച്ച്, വെള്ളിയാഴ്ച ഡൽഹിയിലെ പരമാവധി താപനില 28 ഡിഗ്രി സെൽഷ്യസായി ഉയരുമെന്ന് പ്രതീക്ഷിക്കുന്നു.
ഇൻഡിഗോ, സ്‌പൈസ് ജെറ്റ് യാത്രക്കാർക്ക് മുന്നറിയിപ്പ് നൽകിയിട്ടുണ്ട്.വിമാനം വൈകാൻ സാധ്യതയുണ്ടെന്നാണ് മുന്നറിയിപ്പ്.
വിമാനക്കമ്പനികൾ യാത്രക്കാരോട് അവരുടെ ഫ്ലൈറ്റ് സ്റ്റാറ്റസ് ഇടയ്ക്കിടെ പരിശോധിച്ച് അതിനനുസരിച്ച് യാത്ര ആസൂത്രണം ചെയ്യാൻ ആവശ്യപ്പെട്ടു.
ഡൽഹിയിൽ കനത്ത മഴ പെയ്യുന്നതിനാൽ യാത്രക്കാർ തങ്ങളുടെ ഫ്ലൈറ്റ് സ്റ്റാറ്റസ് നിരന്തരം പരിശോധിക്കണമെന്ന് ഇൻഡിഗോ എയർലൈൻസ് അഭ്യർത്ഥിച്ചു. വിമാനത്താവളത്തിലേക്കുള്ള റോഡുകൾ വെള്ളത്തിനടിയിലാകാൻ സാധ്യതയുള്ളതിനാൽ നിശ്ചിത സമയത്തിന് മുമ്പേ വിമാനത്താവളത്തിലെത്താൻ വിമാനക്കമ്പനികൾ യാത്രക്കാരോട് നിർദേശിച്ചിട്ടുണ്ട്.
കാലാവസ്ഥ അപ്‌ഡേറ്റായിരിക്കാന്‍ താഴെ കൊടുത്ത ഞങ്ങളുടെ ഗ്രൂപ്പുകളില്‍ ചേരാം.
വാട്‌സ്ആപ്
ടെലഗ്രാം
വാട്‌സ്ആപ്പ് ചാനല്‍
Google News
Facebook Page
Weatherman Kerala Fb Page
