prasar-bharati-invites- application: പ്രസാര്‍ ഭാരതിയില്‍ ജോലി വേണോ? ഈ യോഗ്യത മതി
പ്രസാര്‍ ഭാരതി ക്യാമറ അസിസ്റ്റന്റ് തസ്തികയിലേക്ക് അപേക്ഷ ക്ഷണിച്ചു. ഡി ഡി ന്യൂസ്, ഡി ഡി ഇന്ത്യ എന്നിവയിലേക്ക് കരാര്‍ അടിസ്ഥാനത്തിലാണ് നിയമനം. ആകെ 14 ഒഴിവുകളാണ് ഉള്ളത്. തിരഞ്ഞെടുക്കപ്പെടുന്ന ഉദ്യോഗാര്‍ത്ഥികൾക്ക് ന്യൂല്‍ഹിയിലെ ദൂരദര്‍ശന്‍ ഭവന്‍, ഡി ഡി ന്യൂസ്, ഡി ഡി ഇന്ത്യ, എന്നിവിടങ്ങളില്‍ ആയിരിക്കും നിയമനം ലഭിക്കുക.
ഉദ്യോഗാര്‍ത്ഥികളുടെ പരമാവധി പ്രായം വിജ്ഞാപന തീയതി പ്രകാരം 40 വയസ് കവിയരുത്. ഒരു വർഷത്തേക്കാണ് നിയമനം. ഉദ്യോഗാര്‍ത്ഥികളുടെ പ്രകടനം, ആവശ്യകത എന്നിവ അടിസ്ഥാനമാക്കി ഇത് പ്രസാര്‍ ഭാരതി നീട്ടി നൽകി . കരാറില്‍ എന്തെങ്കിലും വീഴ്ച വരുത്തിയാല്‍ ഒരു മാസത്തെ അറിയിപ്പോ അല്ലെങ്കില്‍ ഒരു മാസത്തെ ശമ്പളമോ അടക്കം ഉദ്യോഗാർത്ഥികളെ പിരിച്ചുവിടും.
അപേക്ഷകർ ഒരു അംഗീകൃത സ്‌കൂളില്‍ നിന്നോ ഇന്‍സ്റ്റിറ്റ്യൂട്ടില്‍ നിന്നോ പ്ലസ് ടു പരീക്ഷ പാസായവര്‍ ആയിരിക്കണം. കൂടാതെ ഒരു പ്രൊഡക്ഷന്‍ ഹൗസില്‍ നിന്ന് ജിമ്മി ജിബ് ഓപ്പറേഷനില്‍ കുറഞ്ഞത് അഞ്ച് വര്‍ഷത്തെ പ്രവൃത്തി പരിചയവും ആവശ്യമാണ്. മീഡിയ / ഇന്‍ഡസ്ട്രി പരിചയവും വേണം. തിരഞ്ഞെടുക്കപ്പെട്ട ഉദ്യോഗാർത്ഥികൾക്ക് പ്രതിമാസം 35000 രൂപയായിരിക്കും ശമ്പളം .
പരീക്ഷയുടേയോ അഭിമുഖത്തിന്റേയോ അടിസ്ഥാനത്തിലായിരിക്കും അര്‍ഹരായ ഉദ്യോഗാര്‍ത്ഥികളെ തിരഞ്ഞെടുക്കുക. പരീക്ഷ അല്ലെങ്കില്‍ ഇന്റര്‍വ്യൂവില്‍ പങ്കെടുക്കുന്നതിന് ഏതെങ്കിലും തരത്തിലുള്ള ടി എ / ഡി എ മുതലായവ നൽകില്ല. നിയുക്ത തസ്തികയില്‍ ജോലി ചെയ്യാന്‍ ആഗ്രഹിക്കുന്ന, മുകളില്‍ പറഞ്ഞ ആവശ്യകതകള്‍ നിറവേറ്റുന്ന ഉദ്യോഗാര്‍ത്ഥികള്‍ക്ക് പ്രസാര്‍ ഭാരതിയുടെ ഔദ്യോഗിക വെബ്‌സൈറ്റില്‍ ഓണ്‍ലൈനായി അപേക്ഷ നൽകാം.
അപേക്ഷിക്കുവാനും കൂടുതൽ വിവരങ്ങൾക്കും ഈ ലിങ്കിൽ ക്ലിക്ക് ചെയ്യുക
