Monsoon 2025: കാലവർഷം മെയ് 12 നും 15 നും ഇടയിൽ എത്താൻ സാധ്യത
ഈ വർഷം കാലവർഷം സാധാരണയേക്കാൾ 10 ദിവസം നേരത്തെ മെയ് 12 നും 15 നും ഇടയിൽ തെക്കൻ ആൻഡമാൻ ദ്വീപിൽ എത്താൻ സാധ്യത. ഇന്ത്യയിൽ കാലവർഷം ആദ്യമായി എത്തുക ഇവിടെ ആണ്. തെക്കൻ ആൻഡമാൻ കടൽ, തെക്ക് കിഴക്കൻ ബംഗാൾ ഉൾക്കടൽ, നിക്കോബാർ ദ്വീപ് സമൂഹങ്ങളുടെ ചില ഭാഗങ്ങൾ എന്നിവയാണ് ഇന്ത്യൻ മേഖലയിലെ കാലവർഷത്തിന്റെ ആദ്യ സ്റ്റോപ്പെന്ന് കേന്ദ്ര കാലാവസ്ഥ വകുപ്പ്. ഇന്ത്യയുടെ Mainland ൽ ആദ്യ സ്റ്റോപ് കേരളമാണ്. ജൂൺ 1 ആണ് സാധാരണ തിയതി. എപ്പോൾ കേരളത്തിൽ ഓൺ സെറ്റ് ആകുമെന്ന് വരും ആഴ്ചകളിൽ പറയാനാകുമെന്ന് metbeat weather.
മൺസൂൺ സാധാരണയായി ജൂൺ 1 ന് കേരളത്തിലേക്ക് നീങ്ങുകയും കൂടുതൽ ശക്തിയോടെ വടക്കോട്ട് നീങ്ങുകയും ജൂലൈ 15 ഓടെ രാജ്യം മുഴുവൻ വ്യാപിക്കുകയും ചെയ്യും, ഇതാണ് പതിവ് പ്രവണത. എന്നാൽ ഈ വർഷം മൺസൂൺ പ്രതീക്ഷിച്ചതിലും നേരത്തെ എത്താനാണ് സാധ്യത.
കാലാവർഷവും മൺസൂണും ഒന്നാണോ?
മഴ കൊണ്ടുവരുന്ന കാറ്റാണ് മൺസൂൺ. മൺസൂൺ ലോകത്ത് ഇവിടെ മാത്രമല്ല ഉള്ളത്. പക്ഷേ ഇവിടത്തെ മൺസൂൺ വളരെ പ്രധാന്യമുള്ളതാണ്. അറബികളാണ് മൗസം എന്ന് ഈ കാറ്റിന് പേരിട്ടത്. പിന്നീട് അത് ഇംഗ്ലിഷിലായപ്പോൾ മൺസൂണായിമാറി. കാലവർഷക്കാറ്റിനെ അടിസ്ഥാനമാക്കിയാണ് ഇന്ത്യയിൽ കൃഷി. മൺസൂൺ സീസണിൽ ഉൾപ്പെടുന്നതാണ് കാലവർഷവും തുലാവർഷവും. തെക്കുപടിഞ്ഞാറൻ മൺസൂൺ കാലവർഷത്തിനും വടക്കുകിഴക്കൻ മൺസൂൺ തുലാവർഷത്തിനും കാരണമാകുന്നു.
പഠനങ്ങൾ പറയുന്നത് ശരാശരി 4 കോടി വർഷം മുൻപെങ്കിലുമാണ് മൺസൂൺ ഉദ്ഭവിച്ചതെന്നാണ്. ഇന്നു നാം കാണുന്ന തെക്കൻ ഏഷ്യൻ മൺസൂൺ ഘടനകൾ ഏകദേശം പാലിയോജീൻ കാലഘട്ടത്തിലാണ് ഉദ്ഭവിച്ചത്. സങ്കീർണമായ കാലാവസ്ഥാ മാറ്റങ്ങൾ ഉടലെടുത്ത ഒരു കാലഘട്ടമായിരുന്നു അത്. മൺസൂണിനു വഴിയൊരുക്കുന്നത് കരയും സമുദ്രവും തമ്മിലുള്ള താപനിലാ വ്യത്യാസമാണ്. വേനൽക്കാലത്ത് ജലത്തെക്കാൾ കൂടുതൽ വേഗത്തിൽ കര ചൂടുപിടിക്കുകയും തൽഫലമായി കരയിൽ നിന്ന് നീരാവി കലർന്ന വെള്ളം ഉയർന്ന് അതിനു ബാഷ്പീകരണം സംഭവിച്ച് മഴയായി പെയ്യുകയും ചെയ്യും.
Tag:Monsoon 2025: Monsoon likely to arrive between May 12 and 15
