Live Rare Solar Eclipse March 29/03/25: ഇരട്ട സൂര്യോദയ ഗ്രഹണം
മാർച്ച് 29 (ഇന്ന് ) ഇരട്ട സൂര്യോദയ ഗ്രഹണം കാണാം. സൂര്യഗ്രഹണം ഭൂമിയ്ക്കും സൂര്യനുമിടയിലൂടെ ചന്ദ്രന്‍ കടന്നുപോവുകയും സൂര്യനെ പൂര്‍ണമായോ ഭാഗികമായോ ചന്ദ്രന്‍ മറയ്ക്കുകയും ചെയ്യുന്ന പ്രതിഭാസമാണ്. ഇത്തവണ ഇന്ത്യയിൽ ഭാഗിക സൂര്യഗ്രഹണമാണ് ഉണ്ടാവുക. അതായത് ചന്ദ്രന്‍ സൂര്യന്റെ ഒരു ഭാഗം മാത്രമേ മറയ്ക്കൂ .
സൂര്യഗ്രഹണം ആരംഭിക്കുക ഇന്ത്യന്‍ സമയം മാര്‍ച്ച് 29 ഉച്ചയ്ക്ക് 2.20 നാണ്. അത് പൂര്‍ണതയിലെത്തുക വൈകീട്ട് 4.17 ആവുമ്പോഴേക്കും ആണ്. 6.13 ആവുമ്പോഴേക്കും ഗ്രഹണം അവസാനിക്കുകയും ചെയ്യും. ഗ്രഹണം നടക്കുക നാലു മണിക്കൂർ നേരമാണ്. ഇത്തവണത്തെ സവിശേഷത ഇരട്ടസൂര്യോദയ ഗ്രഹണം എന്ന അപൂര്‍വ പ്രതിഭാസമാണ് . അതായത് വിവിധ രാജ്യങ്ങളില്‍ സൂര്യോദയത്തിനൊപ്പം തന്നെയാണ് ഗ്രഹണം സംഭവിക്കുക എന്നതിനാലാണ് ഇങ്ങനെ വിളിക്കുന്നത്.
ഈ സമയം ചന്ദ്രന്റെ നിഴലില്‍ ചന്ദ്രക്കലയുടെ ആകൃതിയിലേക്ക് മാറിയ സൂര്യന്റെ രണ്ടറ്റങ്ങള്‍ കിഴക്കന്‍ ചക്രവാളത്തില്‍ രണ്ട് കൊമ്പുകള്‍ പോലെയാണ് ദൃശ്യമാവുന്നത്. അതിനാലാണ് ഈ പ്രതിഭാസത്തെ ഇരട്ടസൂര്യോദയ ഗ്രഹണം എന്ന് വിളിക്കുന്നത്. ലോകത്തിന്റെ വിവിധ ഭാഗങ്ങളില്‍ ഇത്തവണത്തെ സൂര്യഗ്രഹണം ദൃശ്യമാകുമെങ്കിലും ഇന്ത്യയില്‍ നിന്ന് കാണാൻ പറ്റില്ല.
യു.എസ്, കാനഡ, ഗ്രീന്‍ലാന്‍ഡ്, ഐസ് ലാ ന്‍ഡ് എന്നിവിടങ്ങളില്‍ നിന്ന് സൂര്യഗ്രഹണം കാണാനാവും. ഇന്ത്യയില്‍ നിന്ന് സൂര്യഗ്രഹണം കാണാന്‍ അത്രയേറെ ആഗ്രഹിക്കുന്നുവെങ്കില്‍ തത്സമയ സംപ്രേഷണം ഓൺലൈനിൽ കാണാം. അതിനായി താഴെ കൊടുത്ത യു ട്യൂബ് വിൻഡോയിൽ ഗ്രഹണം നടക്കുന്ന സമയത്ത് പ്ലേ ചെയ്യുക.
