മുംബൈയിൽ ഇന്നും കനത്ത മഴ തുടരും, കാലാവസ്ഥാ നിരീക്ഷണ കേന്ദ്രം ഓറഞ്ച് അലർട്ട് പ്രഖ്യാപിച്ചു
ഇന്ന് (ഓഗസ്റ്റ് 20) ബുധനാഴ്ച മുംബൈയിൽ കനത്ത മഴയ്ക്ക് സാധ്യതയുള്ളതിനാൽ ഓറഞ്ച് അലർട്ട് പ്രഖ്യാപിച്ചിട്ടുണ്ട് കേന്ദ്ര കാലാവസ്ഥ വകുപ്പ്. ഒപ്പം നഗരങ്ങളിൽ കഴിഞ്ഞ ദിവസങ്ങളിൽ തുടരുന്ന മഴയുടെ തീവ്രത ഉടൻ കുറയുമെന്നും imd പ്രവചിച്ചു.
ചൊവ്വാഴ്ച, മുംബൈയിലും അതിന്റെ സമീപപ്രദേശങ്ങളിലും കനത്ത മഴ പെയ്തു. പലയിടത്തും തെരുവുകൾ നദികളായി മാറി. ഇത് നഗരത്തിന്റെ ആവർത്തിച്ചുള്ള മൺസൂൺ വെള്ളപ്പൊക്ക പോരാട്ടത്തെ വീണ്ടും തുറന്നുകാട്ടി.
മുംബൈ മഴ: വ്യാപകമായ വെള്ളപ്പൊക്കം, ലോക്കൽ ട്രെയിൻ സർവീസുകളെ ബാധിച്ചു
സെൻട്രൽ റെയിൽവേയുടെ മെയിൻ, ഹാർബർ ലൈനുകളിലെ ലോക്കൽ ട്രെയിൻ സർവീസ് ട്രാക്കുകളിൽ വെള്ളം കയറി. യാത്രക്കാർ വലിയ ബുദ്ധിമുട്ടുകൾ നേരിട്ടു. വിമാന സർവീസുകളും തടസ്സപ്പെട്ടു. സ്കൂളുകൾ, കോളേജുകൾ, സർക്കാർ, അർദ്ധ സർക്കാർ ഓഫീസുകൾ എന്നിവ അടച്ചിരുന്നു. ബോംബെ ഹൈക്കോടതി ഉച്ചയ്ക്ക് 12.30 വരെ മാത്രമേ പ്രവർത്തിച്ചുള്ളൂ.
മിത്തി നദിയും കരകവിഞ്ഞൊഴുകി, അംബേദ്കർ നഗർ ബികെസിയിലെ താഴ്ന്ന പ്രദേശങ്ങളിലേക്ക് വെള്ളം കയറി.
മുംബൈ കാലാവസ്ഥാ പ്രവചനം: വ്യാഴാഴ്ച മുതൽ മഴ കുറയും
മുംബൈയിൽ ഐഎംഡി ഓറഞ്ച് അലർട്ട് പുറപ്പെടുവിച്ചു. ഒറ്റപ്പെട്ട സ്ഥലങ്ങളിൽ കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ് നൽകി. റായ്ഗഡിലും പൂനെ ജില്ലയിലെ ഘട്ട് ഭാഗങ്ങളിലും ബുധനാഴ്ച റെഡ് അലർട്ട് പ്രഖ്യാപിച്ചു. വ്യാഴം, വെള്ളി ദിവസങ്ങളിൽ മുംബൈയിൽ മഴ കുറയാൻ സാധ്യതയുണ്ടെന്ന് imd കൂട്ടിച്ചേർത്തു.
താനെ, പാൽഘർ, രത്‌നഗിരി, സിന്ധുദുർഗ് ജില്ലകളും ബുധനാഴ്ച ഓറഞ്ച് അലർട്ടിൽ തുടരും. മധ്യ മഹാരാഷ്ട്ര വരണ്ടതായിരിക്കുമെന്ന് പ്രതീക്ഷിക്കുന്നു. മറാത്ത്‌വാഡ, വിദർഭ എന്നിവയുടെ ചില ഭാഗങ്ങളിൽ നേരിയതോ മിതമായതോ ആയ മഴ ലഭിച്ചേക്കാം.
മുംബൈ ലോക്കൽ ട്രെയിൻ സർവീസ് അപ്‌ഡേറ്റ്
നഗരത്തിന്റെ ജീവനാഡിയായ ലോക്കൽ ട്രെയിൻ ശൃംഖല നേരിയ കാലതാമസത്തോടെയാണ് ഓടുന്നത്, എന്നിരുന്നാലും ഇന്നലെ വെള്ളത്തിനടിയിലായ റെയിൽവേ സ്റ്റേഷനുകൾ പുനഃസ്ഥാപിക്കുന്നതിനുള്ള പ്രവർത്തനങ്ങൾ നടക്കുന്നു. ഇന്നലെ രാത്രി മുംബൈയിലെ ചില ഭാഗങ്ങളിൽ നേരിയ മഴ ലഭിച്ചു. നിലവിൽ, അന്ധേരി, ദാദർ, കുർള, വിക്രോളി തുടങ്ങിയ പ്രദേശങ്ങളിൽ നേരിയ മഴ പെയ്യുന്നു.
നവി മുംബൈ, താനെ, റായ്ഗഡ് എന്നിവിടങ്ങളിൽ ഇന്ന് സ്കൂളുകൾക്ക് അവധി പ്രഖ്യാപിച്ചിട്ടുണ്ട്.
IMDയുടെ കണക്ക് പ്രകാരം ഇന്നലെ വിവിധ പ്രദേശങ്ങളിൽ രേഖപ്പെടുത്തിയ മഴയുടെ അളവ്
വിക്രോളി 223.5mm
സാന്താക്രൂസ് 206.6mm
ബൈകുല്ല 184.0mm
ജുഹു 148.5mm
ബാന്ദ്ര 132.5mm
കൊളാബ 100.2mm
Tag:Heavy rains to continue in Mumbai today, Meteorological Department issues orange alert
