Heat wave warning; ദക്ഷിണ കന്നഡ, ഉഡുപ്പി, ഉത്തര കന്നഡ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു
താപനില ക്രമാതീതമായി ഉയരുന്ന സാഹചര്യത്തില്‍ ഉഷ്ണതരംഗ സാധ്യതയുള്ളതിനാല്‍ ദക്ഷിണ കന്നഡ, ഉഡുപ്പി, ഉത്തര കന്നഡ ജില്ലകളില്‍ ഇന്ത്യന്‍ കാലാവസ്ഥാ വകുപ്പ് (ഐഎംഡി) യെല്ലോ അലര്‍ട്ട് നൽകി. മാര്‍ച്ച് 4 വരെ തീരദേശ കര്‍ണാടകയില്‍ ഉഷ്ണതരംഗം ഉണ്ടാകുമെന്നും മുന്നറിയിപ്പ് ഉണ്ട്.
മാര്‍ച്ച് 4 ന് ചൂടും ഈര്‍പ്പവും നിറഞ്ഞ കാലാവസ്ഥ നിലനില്‍ക്കുമെന്നും മാര്‍ച്ച് 8 വരെ മേഖലയില്‍ വരണ്ട കാലാവസ്ഥ തുടരുമെന്നും ഐഎംഡി പറയൽ പ്രവചനത്തിൽ പറയുന്നു. കലബുറഗി ഉള്‍പ്പെടെയുള്ള വടക്കന്‍ കര്‍ണാടകയില്‍, വരും ദിവസങ്ങളില്‍ പരമാവധി താപനില 40°C ആയി ഉയരുമെന്നും imd.
കാര്‍വാറില്‍ സംസ്ഥാനത്തെ ഏറ്റവും ഉയര്‍ന്ന താപനില 38.2°C ആണ് രേഖപ്പെടുത്തിയത്. തീരദേശ കര്‍ണാടകയിലുടനീളം പരമാവധി താപനില 36°C നും 38°C നും ഇടയിലാണ്. ബെളഗാവി, ബിദാര്‍, വിജയപുര, ബാഗല്‍കോട്ട്, ധാര്‍വാഡ്, ഗഡഗ്, കൊപ്പല്‍, റായ്ച്ചൂര്‍, ഹാവേരി എന്നിവിടങ്ങളില്‍ ഇത് 35°C മുതല്‍ 36°C വരെ ആയിരുന്നു. കലബുറഗിയില്‍ 36°C മുതല്‍ 37°C വരെ രേഖപ്പെടുത്തി.
കര്‍ണാടകയിലെ തെക്കന്‍ ഉള്‍പ്രദേശങ്ങളില്‍, ചിന്താമണി, ബെംഗളൂരു, ചിക്കമഗളൂരു, മാണ്ഡ്യ, മടിക്കേരി, മൈസൂരു, ഹാസന്‍ തുടങ്ങിയ നഗരങ്ങളില്‍ 30°C നും 33°C നും ഇടയിലാണ് താപനില രേഖപ്പെടുത്തിയിട്ടുള്ളത്. ചിത്രദുര്‍ഗ, ദാവന്‍ഗെരെ, ചാമരാജനഗര്‍, അഗുംബെ എന്നിവിടങ്ങളില്‍ 34°C നും 36°C നും ഇടയില്‍ ആണ് താപനില. ഹൊന്നാവര്‍, കാര്‍വാര്‍, പനമ്പൂര്‍ എന്നിവിടങ്ങളില്‍ സാധാരണ നിലയെ അപേക്ഷിച്ച് താപനിലയില്‍ ഗണ്യമായ വര്‍ധനവുണ്ടായതായി ഐഎംഡി റിപ്പോര്‍ട്ട് .
ഉഷ്ണതരംഗ ബാധിത പ്രദേശങ്ങളിലെ താമസക്കാര്‍, പ്രത്യേകിച്ച് ജലാംശം നിലനിര്‍ത്താനും, നേരിട്ട് സൂര്യപ്രകാശം ഏല്‍ക്കുന്നത് ഒഴിവാക്കാനും, ചൂടുമായി ബന്ധപ്പെട്ട രോഗങ്ങള്‍ തടയുന്നതിന് ആവശ്യമായ മുന്‍കരുതലുകള്‍ സ്വീകരിക്കാനും അധികൃതര്‍ മുന്നറിയിപ്പ് നൽകുന്നു.
