Kerala weather 17/08/25: ചക്രവാത ചുഴി ന്യൂനമർദ്ദമായി മാറും; ഒറ്റപ്പെട്ട ശക്തമായ മഴ തുടരും
കേരളത്തിൽ ശക്തമായ മഴ തുടരും. ഇന്നും നാളെയും ഒറ്റപ്പെട്ട ശക്തമായ മഴ കേരളത്തിൽ വിവിധ ജില്ലകളിൽ തുടരുമെന്ന് metbeat weather. വടക്കൻ ജില്ലകളിലായിരിക്കും കൂടുതൽ മഴ സാധ്യത എന്നും ഞങ്ങളുടെ നിരീക്ഷകർ പറയുന്നു. മലപ്പുറം മുതൽ കാസർകോട് വരെയുള്ള ജില്ലകളിൽ ആയിരിക്കും ഒറ്റപ്പെട്ട മഴ സാധ്യത. അതേസമയം മധ്യകേരളത്തിലും വടക്കൻ കേരളത്തിലും ശക്തമായ മഴ പെയ്യാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകുന്നുണ്ട്. നിലവിൽ കണ്ണൂർ, കാസർഗോഡ് ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. എറണാകുളം മുതൽ വയനാട് വരെയുള്ള ജില്ലകളിൽ യെല്ലോ മുന്നറിയിപ്പുമുണ്ട്. വയനാട് ബാണാസുര സാഗർ അണക്കെട്ടിന്റെ സ്പിൽവേ ഷട്ടറുകൾ ഇന്ന് തുറക്കും.
തിരുവനന്തപുരം മുതൽ കോട്ടയം വരെയുള്ള ജില്ലകളിൽ നിലവിൽ മഴ മുന്നറിയിപ്പ് നൽകിയിട്ടില്ല. ന്യൂനമർദ്ദത്തിന്റെ ശക്തി വർധിക്കുന്നത് ലഭിക്കുന്ന മഴ അതേ അളവിൽ തുടരാൻ ഇടയാകുമെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകുന്നു. ഇന്നും കേരള കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കുണ്ട്.
ബംഗാൾ ഉൾകടലിൽ ആന്ധ്രാ ഒഡിഷ തീരത്തിനു മുകളിൽ സ്ഥിതിചെയ്യുന്ന ചക്രവാത ചുഴി രാത്രിക്കുള്ളിൽ ന്യുന മർദ്ദമായി ശക്തി പ്രാപിചേക്കും.
തുടർന്ന് തീവ്ര ന്യുന മർദ്ദമായി മാറി ചൊവ്വാഴ്ചയോടെ ആന്ധ്രാ ഒഡിഷ തീരത്ത് കരയിൽ പ്രവേശിക്കാൻ സാധ്യത.
Tag: Kerala weather 17/08/25: Cyclone likely to turn into a depression; isolated heavy rains to continue
