uae weather 15/07/25: ഷാർജയിലും റാസൽഖൈമയിലും നേരിയ മഴ പെയ്തു, 49°C താപനില രേഖപ്പെടുത്തി
യുഎഇയിലുടനീളം അസ്ഥിരമായ വേനൽക്കാല കാലാവസ്ഥ തുടരുന്നതിനിടെ റാസൽഖൈമയിലെ മസാഫിയിലും ഷാർജയിലെ ദിബ്ബ അൽ ഹിസിലും ഇന്ന് പുലർച്ചെ നേരിയ മഴ ലഭിച്ചതായി നാഷണൽ സെന്റർ ഓഫ് മെറ്റീരിയോളജി (എൻ‌സി‌എം) റിപ്പോർട്ട് ചെയ്യുന്നു.
കൂടാതെ ദിവസം മുഴുവൻ ആകാശം ഭാഗികമായി മേഘാവൃതമായിരിക്കുമെന്നാണ് കാലാവസ്ഥാ നിരീക്ഷകർ നൽകുന്ന മുന്നറിയിപ്പ്. ഉച്ചയോടെ കിഴക്കൻ പ്രദേശങ്ങളിൽ സംവഹന മേഘങ്ങൾ രൂപപ്പെടാൻ സാധ്യത. ഇത് കൂടുതൽ മഴയ്ക്ക് കാരണമാകുമെന്നും NCM. വെള്ളിയാഴ്ച വരെ കിഴക്കൻ പ്രദേശങ്ങളിൽ മഴയ്ക്ക് സാധ്യതയുണ്ടെന്ന് NCM നേരത്തെ മുന്നറിയിപ്പ് നൽകിയിട്ടുണ്ടായിരുന്നു.
മഴയെത്തുടർന്ന് റോഡുകളിൽ വഴുക്കലുള്ളതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകുന്നുണ്ട് .
അതേസമയം, രാജ്യം കടുത്ത ചൂടിനെ നേരിടുകയാണ് ഉൾപ്രദേശങ്ങളിൽ 44°C മുതൽ 49°C വരെ ചൂട് അനുഭവപ്പെടുന്നു. തീരദേശ, ദ്വീപ് പ്രദേശങ്ങളിൽ 40°C മുതൽ 45°C വരെ താപനില അനുഭവപ്പെടും, പർവതപ്രദേശങ്ങളിൽ താപനില 35°C മുതൽ 40°C വരെ ഉയരുമെന്നും കാലാവസ്ഥാ നിരീക്ഷണ കേന്ദ്രം.
പകൽ സമയത്ത് നേരിയതോ മിതമായതോ ആയ കാറ്റ് വീശും, തെക്കുകിഴക്ക് നിന്ന് വടക്ക് പടിഞ്ഞാറോട്ട് മണിക്കൂറിൽ 10-25 കിലോമീറ്റർ വേഗതയിൽ കാറ്റും വീശി അടിക്കും, ചില സമയങ്ങളിൽ മണിക്കൂറിൽ 40 കിലോമീറ്റർ വരെ വേഗതയിൽ കാറ്റ് വീശും.
Tag:uae weather 15/07/25: Light rain falls in Sharjah and Ras Al Khaimah, temperature recorded at 49°C
