ഗ്രേറ്റ് പ്ലെയിൻസിലും ലൂസിയാനയിലും ശക്തമായ ചുഴലിക്കാറ്റ് ഉണ്ടാകുമെന്ന ഭീഷണി നിലനിൽക്കുന്നതിനാലും, അമിതമായ മഴ കൂടുതൽ വെള്ളപ്പൊക്കത്തിന് കാരണമാകുമെന്നും കാലാവസ്ഥാ നിരീക്ഷകർ മുന്നറിയിപ്പ് നൽകി. ശക്തമായ മഴ ടെക്സസിൽ ലഭിക്കുന്നുണ്ട്.
ലൂസിയാനയുടെ ഭൂരിഭാഗവും ടെക്സസ്, അർക്കൻസാസ്, മിസിസിപ്പി എന്നിവയുടെ ചില ഭാഗങ്ങളിലായി നാഷണൽ വെതർ സർവീസ് വെള്ളപ്പൊക്ക മുന്നറിയിപ്പ് പുറപ്പെടുവിച്ചിട്ടുണ്ട്. 8 ദശലക്ഷത്തിലധികം ആളുകളെ മാറ്റി പാർപ്പിച്ചു. ന്യൂയോർക്ക് സംസ്ഥാനത്തിന്റെ ചില ഭാഗങ്ങളും വെള്ളപ്പൊക്ക നിരീക്ഷണത്തിന്റെ പരിധിയിൽ വന്നു. അവിടെ ശക്തമായ മഴ പെയ്താൽ നദികളും അരുവികളും നിറഞ്ഞൊഴുകി വെള്ളപ്പൊക്കത്തിന് കാരണമാകും.
മെയ് 6 ന്, ടെക്സസിലെ ബ്രെൻഹാമിൽ “അതിവേഗം ഉയരുന്ന വെള്ളപ്പൊക്കത്തിൽ” ഒഴുക്കിൽപ്പെട്ട് 10 വയസ്സുള്ള ഒരു പെൺകുട്ടിയെ മരിച്ച നിലയിൽ കണ്ടെത്തിയതായി അഗ്നിശമന വകുപ്പ് അറിയിച്ചു. ഓസ്റ്റിനിൽ നിന്ന് ഏകദേശം 90 മൈൽ കിഴക്കായിട്ടാണ് ബ്രെൻഹാം സ്ഥിതി ചെയ്യുന്നത്.
അതേസമയം, തെക്കൻ ടെക്സസിൽ വീണ്ടും ശക്തമായ ഇടിമിന്നലോട് കൂടിയ മഴയ്ക്ക് സാധ്യത. പ്രധാന ഭീഷണി വലിയ ആലിപ്പഴ വർഷമാണ്. ടെന്നസി, മിസിസിപ്പിയുടെ മധ്യ താഴ്‌വരകളിലും സെൻട്രൽ പ്ലെയിൻസ് മേഖലകളിലും കൊടുങ്കാറ്റുകൾ പ്രതീക്ഷിക്കുന്നു.
മെയ് 8 ന് ഗൾഫ് തീരത്ത് പടിഞ്ഞാറൻ, തെക്കൻ ടെക്സസിൽ നിന്ന് കൂടുതൽ കൊടുങ്കാറ്റുകൾ ഉണ്ടാകുമെന്ന് പ്രതീക്ഷിക്കുന്നു. ഇത് കനത്ത മഴയ്ക്കും പെട്ടെന്നുള്ള വെള്ളപ്പൊക്കത്തിനും കാരണമാകും. ലൂസിയാനയിൽ കൂടുതൽ പെട്ടെന്നുള്ള വെള്ളപ്പൊക്കത്തിനും അമിതമായ മഴയ്ക്കും സാധ്യതയുണ്ട്.
തെക്കുകിഴക്കൻ ഭാഗത്തേക്കും മഴ വ്യാപിക്കും. അടുത്ത കുറച്ച് ദിവസങ്ങളിൽ വടക്കൻ ഫ്ലോറിഡ, അലബാമ, ജോർജിയ, കരോലിനാസ് എന്നിവിടങ്ങളിൽ 4 മുതൽ 8 ഇഞ്ച് വരെ മഴ പെയ്യുമെന്ന് പ്രതീക്ഷിക്കുന്നു.
“അടുത്ത കുറച്ച് ദിവസങ്ങളിൽ ഒരു കൊടുങ്കാറ്റ് കിഴക്കോട്ട് നീങ്ങുന്നതിനാൽ തെക്കൻ ഭാഗങ്ങളിൽ ആഴ്ചകളോളം മഴ പെയ്യും,” അക്യുവെതർ മുന്നറിയിപ്പിൽ പറഞ്ഞു.
അതേസമയം, മെയ് 8 ന് കൂടുതൽ കൊടുങ്കാറ്റുകൾ വടക്കുകിഴക്കൻ, മധ്യ അറ്റ്ലാന്റിക് ഭാഗത്തേക്ക് നീങ്ങുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. സമീപ ദിവസങ്ങളിൽ തുടർച്ചയായി ഇടിമിന്നലുണ്ടായതിനാൽ കൂടുതൽ കനത്ത മഴ പ്രതീക്ഷിക്കാം. വടക്കുകിഴക്കൻ പെൻസിൽവാനിയ, വടക്കുപടിഞ്ഞാറൻ ന്യൂജേഴ്‌സി, തെക്കൻ ന്യൂയോർക്ക് എന്നിവിടങ്ങളിലെ ഉയർന്ന പ്രദേശങ്ങളിലാണ് മഴ പ്രധാനമായും കേന്ദ്രീകരിക്കുന്നതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ഏപ്രിൽ അവസാനം, ദിവസങ്ങളോളം നീണ്ടുനിന്ന ശക്തമായ കൊടുങ്കാറ്റുകൾ രാജ്യത്തിന് കനത്ത നാശനഷ്ടം ഉണ്ടാക്കിയിരുന്നു. കാറ്റും, വെള്ളപ്പൊക്കവും കാരണം ഒക്ലഹോമയിലും പെൻസിൽവാനിയയിലും കുറഞ്ഞത് അഞ്ച് പേരുടെ ജീവൻ നഷ്ടമായിരുന്നു.
Tag:Another storm hits Texas: Heavy rain, flooding possible on Gulf Coast
