ലോകത്തിലെ തന്നെ ഏറ്റവും ഉയർന്ന താപനില രേഖപ്പെടുത്തിയത് കുവൈത്തിൽ
ലോകത്തിലെ തന്നെ ഏറ്റവും റെക്കോർഡ് താപനില കഴിഞ്ഞ ദിവസം രേഖപ്പെടുത്തി. റെക്കോർഡ് താപനില രേഖപ്പെടുത്തിയത് കുവൈത്തിലാണ്. കുവൈത്തിലെ അഞ്ച് സംസ്ഥാനങ്ങളിലും റെക്കോർഡ് ചൂടാണ് രേഖപ്പെടുത്തിയത്. മത്രബ സ്റ്റേഷനിൽ ലോകത്തിലെ ഏറ്റവും ഉയർന്ന താപനിലയായ 49 ഡിഗ്രി സെൽഷ്യസ് ആണ് ഇന്നലെ രേഖപ്പെടുത്തിയിരുന്നത്. കഠിനമായ ചൂടിന്റെയും അസഹനീയമായ വേനൽക്കാലത്തിന്റെയും ആഘാതം ലഘൂകരിക്കുന്നതിനും വായുവിന്റെ ഗുണനിലവാരം മെച്ചപ്പെടുത്തുന്നതിനും പച്ചപ്പ് നിറഞ്ഞ സ്ഥലങ്ങൾ വർദ്ധിപ്പിക്കേണ്ടത് അടിയന്തിര പ്രാധാന്യമുള്ള വിഷയമാണെന്ന് ഈ സാഹചര്യങ്ങൾ നമുക്ക് ബോധ്യപ്പെടുത്തി തരുന്നു.
രാജ്യത്തെ സസ്യ ആവരണം വർദ്ധിപ്പിക്കേണ്ടതിന്റെ പ്രാധാന്യം കാലാവസ്ഥാ നിരീക്ഷകനായ ഫഹദ് അൽ ഒതൈബി എടുത്തുപറയുകയും ചെയ്യുന്നു. സൂര്യപ്രകാശമോ പൊടിയോ തടയുന്നത് അസാധ്യമായതിനാൽ, താപനില കുറയ്ക്കുന്നതിനുള്ള ഏറ്റവും വേഗതയേറിയതും ഫലപ്രദവുമായ മാർഗ്ഗം മരങ്ങൾ നടുകയാണെന്ന് അദ്ദേഹം സൂചിപ്പിക്കുന്നു . കുവൈത്തിനെ ബാധിക്കുന്ന പൊടിപടലങ്ങൾ പ്രധാനമായും രാജ്യത്തിന്റെ വടക്കും തെക്കുപടിഞ്ഞാറുമാണ് ഉത്ഭവിക്കുന്നതെന്നും അതിനാൽ വീടിനുള്ളിൽ മരങ്ങൾ വെച്ചുപിടിപ്പിക്കുന്നത് അടിയന്തിര ആവശ്യമാണെന്നും അൽ ഒതൈബി ഓർമ്മിപ്പിക്കുന്നു.
Tag:Kuwait records highest temperature in the world
