കേരളത്തിൽ ഇന്ന് ഇന്നലത്തെ അപേക്ഷിച്ച് കൂടുതൽ സാധ്യത. തമിഴ്നാട്ടിൽ ഇന്ന് പകലും മഴ ലഭിക്കും. ചെന്നൈ ഉൾപ്പെടെയുള്ള തീരപ്രദേശങ്ങളിൽ രാവിലെ മുതൽ മഴ സാധ്യത. ബംഗാൾ ഉൾക്കടലിൽ നിന്ന് മേഘങ്ങളും ഈർപ്പവും കരകയറുന്നുണ്ട്. ഇവ വൈകിട്ടും രാത്രിയിലുമായി കേരളത്തിൽ എത്താനും കിഴക്കൻ മേഖലകളിൽ ഇടിയോടെ മഴയ്ക്കും സാധ്യത.

ബംഗളൂരു, മൈസൂരു ഉൾപ്പെടെയുള്ള കർണാടകയുടെ തെക്ക് കിഴക്കൻ ഉള്ള നാടൻ മേഖലകളിൽഭാഗികമായ മേഘാവൃതം. ഒറ്റപ്പെട്ട മഴ സാധ്യത. ബംഗളൂരു, മാണ്ഡ്യ, മൈസൂരു, മഗാഡി എന്നിവിടങ്ങളിൽ ഇന്ന് പകൽ മഴ സാധ്യതയുണ്ട്.

കേരളത്തിൽ എറണാകുളം, കോട്ടയം, ആലപ്പുഴ , ജില്ലകളിൽ രാവിലെ ഭാഗികമായ മേഘാവൃതം.
വടക്കൻ ജില്ലകളിൽ പാലക്കാട്, കോഴിക്കോട്, മലപ്പുറം, വയനാട്, കണ്ണൂർ ജില്ലകളിലും ഭാഗികമായി മേഘാവൃതം.

കേരളത്തിൽ ഈ പ്രദേശങ്ങളിൽ സാധ്യത

ഇന്ന് ഉച്ചയ്ക്ക് ഒരു മണിക്ക് ശേഷം കണ്ണൂർ ജില്ലയിലെ ആലക്കോട് ഇടിയോടുകൂടെ മഴ സാധ്യത. ശക്തമായ മഴ ഈ മേഖലയിൽ പ്രതീക്ഷിക്കുന്നു. കർണാടകയിലെ വിരാജ് പേട്ട, മടിക്കേരി തുടങ്ങിയ മേഖലയിലും ഇടിയോടുകൂടി ശക്തമായ മഴ സാധ്യത. കോഴിക്കോട് ജില്ലയിലെ തൊട്ടിൽപാലം, കക്കയം, എന്നിവിടങ്ങളിലും കണ്ണൂർ ജില്ലയിലെ മട്ടന്നൂർ, ചെറുപുഴ, വയനാട് ജില്ലയിലെ പേര്യ , മലപ്പുറം ജില്ലയിലെ മലപ്പുറം മുതൽ പട്ടാമ്പി വഴി വടക്കാഞ്ചേരി വരെയുള്ള പ്രദേശങ്ങളിലും, പാലക്കാട് , ചിറ്റൂർ, വള്ളിക്കാട്, മണ്ണാർക്കാട് , ശ്രീകൃഷ്ണപുരം ഒറ്റപ്പാലം പ്രദേശങ്ങളിലും ഇന്ന് ഉച്ചയ്ക്ക് ശേഷം ഇടിയോടെ മഴ സാധ്യത.

നിങ്ങളുടെ പ്രദേശത്തെ മഴയും മേഘങ്ങളും മിന്നലും താഴെ കൊടുത്ത ലിങ്ക് വഴി നിങ്ങൾക്ക് ട്രാക്ക് ചെയ്യാൻ കഴിയും

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=10.3529

കാലാവസ്ഥ വകുപ്പിന്റെ മുന്നറിയിപ്പ്

കാസർഗോഡ്, കണ്ണൂർ, വയനാട്, കോഴിക്കോട്, മലപ്പുറം ജില്ലകളിൽ ഇടിയോടെ മഴ സാധ്യതയെ തുടർന്ന് കാലാവസ്ഥ വകുപ്പ് ഇന്ന് മഞ്ഞ അലർട്ട് പ്രഖ്യാപിച്ചു. ബാക്കി ജില്ലകളിൽ മഴ മുന്നറിയിപ്പ് ഇല്ല.

നാളെ തൃശ്ശൂർ, പാലക്കാട് ജില്ലയിൽ കൂടി മഴ മുന്നറിയിപ്പുണ്ട്. നാളത്തോടെ മഴയുടെ ശക്തി തെക്കൻ മധ്യ കേരളത്തിലേക്ക് വ്യാപിക്കാനും സാധ്യതയുണ്ട്. ചക്രവാത ചുഴികളുടെ സ്വാധീനവും നിലനിൽക്കുന്നുണ്ട്. തുലാവർഷ മഴയായതിനാൽ ഉച്ചയ്ക്ക് ശേഷമാണ് കൂടുതൽ മഴ പ്രതീക്ഷിക്കേണ്ടത്.

ഇടിമിന്നൽ ജാഗ്രത നിർദേശവും സംസ്ഥാന ദുരന്തനിവാരണ അതോറിറ്റി നൽകുന്നുണ്ട്. കേരള കർണാടക ലക്ഷദ്വീപ് തീരങ്ങളിൽ ഇന്നും മത്സ്യബന്ധന വിലക്കുണ്ട്.

English Summary : The India Meteorological Department (IMD) has issued a Yellow Alert for heavy thundershowers in five northern districts: Kasaragod, Kannur, Wayanad, Kozhikode, and Malappuram