കേരളത്തിൽ ഇടിയോടു കൂടിയ മഴ, വിവിധ ജില്ലകളിൽ മഞ്ഞ അലർട്ട് പ്രഖ്യാപിച്ചു

കേരളത്തിൽ വരും ദിവസങ്ങളിലും ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. വിവിധ ജില്ലകളിൽ മഞ്ഞ (Yellow) അലർട്ട് പ്രഖ്യാപിച്ചു.

ഒക്ടോബർ 4ന് പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് മഞ്ഞ അലർട്ട്.
ഒക്ടോബർ 5ന് പത്തനംതിട്ട, ഇടുക്കി, മലപ്പുറം ജില്ലകളിലും ഒക്ടോബർ 6ന് ഇടുക്കി, പാലക്കാട്, വയനാട് ജില്ലകളിലും മഞ്ഞ അലർട്ട് പ്രഖ്യാപിച്ചിട്ടുണ്ട്.
ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ ജാഗ്രത പാലിക്കണമെന്ന് മുന്നറിയിപ്പുണ്ട്.

തെക്കൻ ജില്ലകളിൽ ആയിരിക്കും വടക്കൻ കേരളത്തെ അപേക്ഷിച്ച് കൂടുതൽ മഴ ലഭിക്കുക. കഴിഞ്ഞദിവസം മ്യാൻമർ ഭാഗത്ത് കരകയറിയ ന്യൂനമർദ്ദം പശ്ചിമബംഗാളിനെ സമീപം തുടരുകയാണ്. ഇത് ഇന്ന് കൂടുതൽ ദുർബലപ്പെട്ടിട്ടുണ്ട്. കേരളത്തിൽ ഇന്നലെ ലഭിച്ച തീവ്രതയിൽ ഇന്ന് മഴ സാധ്യത കുറവായിരിക്കും. എങ്കിലും

Kerala Weather : ഇന്നും ഇടിയോട് കൂടെ മഴ, തെക്കൻ ജില്ലകൾക്ക് കൂടുതൽ സാധ്യത
കേരളത്തിൽ ഇന്നലെ മിക്ക ജില്ലകളിലും മഴ ലഭിച്ചു. ഇന്നും ഇടിയോടുകൂടെ മഴ പെയ്യാൻ സാധ്യതയുണ്ട്.
https://metbeatnews.com/thundershowers-likely-in-southern-districts-today-flash-flood-warning-issued

തുലാവർഷത്തിന്റെ ( North East Monsoon) സ്വഭാവത്തോടെയുള്ള മഴയായിരിക്കും ഉണ്ടാവുക. എന്നാൽ ഇപ്പോൾ പെയ്യുന്ന മഴ തുലാവർഷം അല്ല. തുലാവർഷം എത്തിയതായി കേന്ദ്ര കാലാവസ്ഥാ വകുപ്പ് സ്ഥിരീകരിക്കണം.

കിഴക്കൻ മേഖലകളിലാണ് ആദ്യം മഴ റിപ്പോർട്ട് ചെയ്യുക. തുടർന്ന് ഇടനാട് പ്രദേശങ്ങളിലേക്കും വ്യാപിച്ചേക്കും. ഒക്ടോബർ ഒന്നിന് ശേഷം കാറ്റിന്റെ ഗതിയിൽ മാറ്റം വരുന്നതിനാൽ കേരളത്തിൽ ഇടിയോടുകൂടെ മഴ സാധ്യതയുണ്ടെന്ന് കഴിഞ്ഞ ദിവസങ്ങളിലെ Metbeat Weather ൻ്റെ അവലോകങ്ങളിൽ സൂചിപ്പിച്ചിരുന്നു.

മലവെള്ളപാച്ചിൽ സാധ്യത

കിഴക്കൻ മേഖലയിൽ മലവെള്ളപ്പാച്ചിലിന് സാധ്യതയുള്ളതിനാൽ അരുവികളിലും തോടുകളിലും കിഴക്കൻ മേഖലകളിൽ നിന്ന് ഉത്ഭവിക്കുന്ന പുഴകളിലും ഇറങ്ങുന്നത് ഒഴിവാക്കണം. പുഴയിൽ വെള്ളമില്ലെങ്കിലും പാറയിലും മറ്റും കയറി ഫോട്ടോ എടുക്കുന്നത് മലവെള്ളപ്പാച്ചിൽ സമയത്ത് ദുരന്തത്തിന് കാരണമാകും. മലയുടെ അടിവാരത്ത് മഴയില്ലെങ്കിലും മലമുകളിൽ കനത്ത മഴ പെയ്യുന്നത് കാണാൻ കഴിയണമെന്നില്ല.

ഇടിമിന്നൽ ജാഗ്രത വേണം

ഇടിമിന്നൽ സാധ്യതയുള്ളതിനാൽ ഇടിമിന്നൽ ലക്ഷണങ്ങൾ കണ്ടു തുടങ്ങിയാൽ ഉയർന്ന പ്രദേശങ്ങളിലും തുറസ്സായ മേഖലകളിലും നിൽക്കുന്നത് അപകടകരമാണ്. കിഴക്കൻ മലയോര മേഖലകളിൽ ഉച്ചയ്ക്ക് ശേഷം വിനോദസഞ്ചാരത്തിന് പോകുന്നത് സുരക്ഷിതമല്ല.

ഇടിമിന്നലും, മഴമേഘങ്ങളുടെ തൽസമയ ഉപഗ്രഹ ചിത്രങ്ങളും, കാറ്റിൻ്റെ ദിശയും മഴ സാധ്യത പ്രദേശവും തത്സമയം കാണാൻ Metbeat News website ലെ Live Weather Map ലിങ്ക് ഉപയോഗിക്കാം.

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=10.5160

English Summary : The India Meteorological Department (IMD) has issued a yellow alert for several districts in Kerala as isolated heavy rainfall and thunderstorms are expected over the coming days.