കേരളത്തിൽ ഇടിമിന്നലോട് കൂടിയ മഴയ്ക്കും കാറ്റിനും സാധ്യത; മഞ്ഞ അലർട്ട് പ്രഖ്യാപിച്ചു

കേരളത്തിൽ അടുത്ത അഞ്ച് ദിവസവും വിവിധ ജില്ലകളിൽ മഴയ്ക്ക് സാധ്യത. ഇന്ന് മുതൽ ഒക്ടോബർ 4 വരെ സംസ്ഥാനത്ത് ഒറ്റപ്പെട്ട സ്ഥലങ്ങളിൽ മഴയ്ക്ക് സാധ്യതയെന്ന് കാലാവസ്ഥാ കേന്ദ്രം അറിയിച്ചു. പത്തനംതിട്ട, കോട്ടയം, എറണാകുളം, പാലക്കാട്, മലപ്പുറം ജില്ലകളിലാണ് ശക്തമായ മഴയ്ക്ക് കൂടുതൽ സാധ്യത. ഒക്ടോബർ 1, 4 തീയതികളിൽ ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ മഞ്ഞ അലർട്ട് (Yellow Alert) മുന്നറിയിപ്പും നൽകിയിട്ടുണ്ട്.

Kerala Weather : ഇത്തവണയും പ്രതീക്ഷയില്ല; മഴ ചതിച്ചു, ഏറ്റവും കുറവ് മഴ വയനാട്ടിൽ , കണക്കുകൾ പുറത്തുവിട്ട് കാലാവസ്ഥാ വകുപ്പ്
സെപ്തംബർ മാസത്തിലും മഴ ചതിച്ചു എന്നുതന്നെ പറയാം. കേന്ദ്ര കാലാവസ്ഥാ വകുപ്പിന്റെ (IMD) കണക്കുപ്രകാരം 2026 ജൂൺ 1 മുതൽ സെപ്റ്റംബർ 30 വരെയുള്ള കാലവർഷക്കാല
https://metbeatnews.com/imd-reports-rainfall-shortfall-wayanad-and-idukki-worst-hit

ഇടുക്കിയിലും ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. സെപ്റ്റംബർ 30, ഒക്ടോബർ 3 തീയതികളിൽ സാധാരണ മഴയും ഒക്ടോബർ 1, 2, 4 തീയതികളിൽ ഒറ്റപ്പെട്ട ശക്തമായ മഴയുമാണ് പ്രവചനം. ഈ ദിവസങ്ങളിലും മഞ്ഞ അലർട്ട് സാധ്യതയുണ്ട്.
തിരുവനന്തപുരം, കൊല്ലം, ആലപ്പുഴ, തൃശൂർ, കോഴിക്കോട്, വയനാട് ജില്ലകളിൽ സെപ്റ്റംബർ 30, ഒക്ടോബർ 3 തീയതികളിൽ നേരിയ മഴയ്ക്കും ഒക്ടോബർ 1, 2, 4 തീയതികളിൽ നേരിയതോ മിതമായതോ ആയ മഴയ്ക്കുമാണ് സാധ്യത.

കണ്ണൂർ, കാസർഗോഡ് ജില്ലകളിലും ഒക്ടോബർ 4 വരെ നേരിയതോ മിതമായതോ ആയ മഴയ്ക്ക് സാധ്യതയുണ്ട്. ഒക്ടോബർ 4-ന് ഈ ജില്ലകളിൽ നേരിയ മഴയായിരിക്കും പ്രതീക്ഷിക്കുന്നത്.

ഇടിമിന്നൽ ജാഗ്രത; ശക്തമായ കാറ്റിനും സാധ്യത

കേരളത്തിൽ അടുത്ത ദിവസങ്ങളിൽ ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ്. ഒറ്റപ്പെട്ടയിടങ്ങളിൽ ഒക്ടോബർ 1, 2 തീയതികളിൽ ഇടിമിന്നലോട് കൂടിയ മഴയ്ക്കുംശക്തമായ കാറ്റിനും സാധ്യതയുണ്ട്. ഒക്ടോബർ 3, 4 തീയതികളിലും ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.

English Summary : The Indian Meteorological Department (IMD) has issued a yellow alert for heavy rainfall, thunderstorms, and strong winds across several districts in Kerala from September 30 to October 4, 2026.