കേരളത്തിൽ അഞ്ച് ദിവസം മഴ തുടരും; 10 ജില്ലകളിൽ ഇന്ന് മഞ്ഞ അലർട്ട്

സംസ്ഥാനത്ത് അടുത്ത അഞ്ച് ദിവസവും മഴ തുടരാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് (India Meteorological Department - IMD) അറിയിച്ചു. 2026 ജൂലൈ 28 മുതൽ ഓഗസ്റ്റ് 1 വരെ വിവിധ ജില്ലകളിൽ മഴയുടെ ശക്തിയിൽ വ്യത്യാസമുണ്ടാകുമെന്നും, ഒറ്റപ്പെട്ടയിടങ്ങളിൽ ശക്തമായ മഴ (Isolated Heavy Rainfall) ലഭിക്കാനിടയുണ്ടെന്നും മുന്നറിയിപ്പിൽ പറയുന്നു.

Deep Depression : ബംഗാൾ ഉൾക്കടലിലെ അതിതീവ്ര ന്യൂനമർദം കരതൊട്ടു; കേരളത്തിൽ ഒരാഴ്ച ഇടവിട്ട് മഴയും കാറ്റും ശക്തമാകാൻ സാധ്യത
ബംഗാൾ ഉൾക്കടലിൽ രൂപംകൊണ്ട അതിതീവ്ര ന്യൂനമർദം (Very Severe Depression) പശ്ചിമ ബംഗാൾ–ഒഡിഷ തീരത്ത് ദിഘ (Digha) സമീപം കരയിൽ പ്രവേശിച്ചു.
https://metbeatnews.com/week-long-heavy-rain-and-gusty-winds-alert-issued-for-kerala

ഇന്ന് 10 ജില്ലകളിൽ മഞ്ഞ അലർട്ട് (Yellow Alert)

ഇന്ന് (ജൂലൈ 28) സംസ്ഥാനത്തെ 10 ജില്ലകളിലാണ് മഞ്ഞ അലർട്ട് (Yellow Alert) പ്രഖ്യാപിച്ചിരിക്കുന്നത്.

* ആലപ്പുഴ
* കോട്ടയം
* എറണാകുളം
* തൃശ്ശൂർ
* പാലക്കാട്
* മലപ്പുറം
* കോഴിക്കോട്
* വയനാട്
* കണ്ണൂർ
* കാസർഗോഡ്

ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് കാലാവസ്ഥ വകുപ്പ് നിർദേശിച്ചു.

അടുത്ത ദിവസങ്ങളിലെ അലർട്ട് ജില്ലകൾ

ജൂലൈ 29: പത്തനംതിട്ട, കോട്ടയം, എറണാകുളം, കോഴിക്കോട്, വയനാട്, കണ്ണൂർ, കാസർഗോഡ്.

ജൂലൈ 30: ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്.

ജൂലൈ 31: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്.

ഓഗസ്റ്റ് 1: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, കണ്ണൂർ, കാസർഗോഡ്.

അഞ്ച് ദിവസത്തെ മഴ സാധ്യതാ പ്രവചനത്തിൽ തെക്കൻ ജില്ലകളിൽ ആദ്യ ദിവസങ്ങളിൽ പൊതുവെ നേരിയ മുതൽ മിതമായ മഴ (Light to Moderate Rain – L to M) പ്രതീക്ഷിക്കുമ്പോൾ, മധ്യ-വടക്കൻ ജില്ലകളിൽ പല ദിവസങ്ങളിലും ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. ഓഗസ്റ്റ് 1-ന് തെക്കൻ ജില്ലകളിലേക്കും ശക്തമായ മഴയുടെ സാധ്യത വ്യാപിക്കുമെന്നാണ് വിലയിരുത്തൽ.

ജനങ്ങൾ പാലിക്കേണ്ട മുൻകരുതലുകൾ

മഴ ശക്തമാകുന്ന സാഹചര്യത്തിൽ വെള്ളക്കെട്ട് രൂപപ്പെടാൻ സാധ്യതയുള്ള പ്രദേശങ്ങളിലേക്കുള്ള അനാവശ്യ യാത്രകൾ ഒഴിവാക്കണം. മലയോര മേഖലകളിൽ താമസിക്കുന്നവർ മണ്ണിടിച്ചിൽ സാധ്യത സംബന്ധിച്ച മുന്നറിയിപ്പുകൾ ശ്രദ്ധിക്കണം. ഇടിമിന്നൽ സമയങ്ങളിൽ തുറസായ സ്ഥലങ്ങളിൽ നിൽക്കാതിരിക്കുകയും മരങ്ങൾക്കും വൈദ്യുതി ലൈനുകൾക്കും സമീപം അഭയം തേടാതിരിക്കുകയും വേണം. ദുരന്തനിവാരണ അതോറിറ്റിയുടെയും ജില്ലാ ഭരണകൂടത്തിന്റെയും തുടർ നിർദേശങ്ങൾ കൃത്യമായി പാലിക്കണമെന്നും അധികൃതർ അറിയിച്ചു.

English Summary : Kerala Weather Forecast: The India Meteorological Department (IMD) has issued a five-day heavy rainfall warning for Kerala from July 28 to August 1.