യുഎഇയിൽ ചൂടിന് കുറവില്ല; താപനില 46 ഡിഗ്രി സെൽഷ്യസ് വരെ ഉയരും

ചൂടിൽ വെന്തുരുകുകയാണ് യുഎഇ. ഇന്ന്, ചില പ്രദേശങ്ങളിൽ പരമാവധി താപനില 46 ഡിഗ്രി സെൽഷ്യസ് വരെ ഉയർന്നേക്കും. ഭാഗികമായി മേഘാവൃതമായ കാലാവസ്ഥയ്ക്ക് സാധ്യതയെന്നാണ് ദേശീയ കാലാവസ്ഥാ കേന്ദ്രം (NCM) അറിയിച്ചത്. ഉച്ചയോടെ രാജ്യത്തിന്റെ കിഴക്കൻ, തെക്കൻ മേഖലകളിൽ മേഘങ്ങൾ രൂപപ്പെടാൻ സാധ്യതയുണ്ട്.

രാത്രിയിൽ ദുബായിൽ കുറഞ്ഞ താപനില 33 ഡിഗ്രി സെൽഷ്യസും അബുദാബിയിൽ 32 ഡിഗ്രി സെൽഷ്യസും ആയിരിക്കും.

കാറ്റിന് സാധ്യത

തെക്കുകിഴക്കൻ, വടക്കുകിഴക്കൻ ദിശകളിൽ നിന്ന് നേരിയതോ മിതമായതോ ആയ കാറ്റിനും സാധ്യതയുണ്ട്. മണിക്കൂറിൽ 10 മുതൽ 25 കിലോമീറ്റർ വരെയായിരിക്കും കാറ്റിന്റെ വേഗം. ചില സമയങ്ങളിൽ കാറ്റ് ശക്തമായി 35 കിലോമീറ്റർ വരെ വേഗത ഉണ്ടാകാം. അറേബ്യൻ ഗൾഫിലും ഒമാൻ കടലിലും കടൽ പൊതുവെ ശാന്തമായിരിക്കും.

English Summary : Temperatures in parts of the UAE are projected to reach up to 46°C today, according to the National Centre of Meteorology (NCM).