ന്യൂനമർദ്ദ സാധ്യത; കേരളത്തിലും മഴ ശക്തമാകുമോ?

ബംഗാൾ ഉൾക്കടലിൽ പുതിയ ന്യൂനമർദ്ദം രൂപപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ പുതിയ പ്രവചനങ്ങൾ പറയുന്നു. ഇതുമൂലം കേരളത്തിൽ ശക്തമായ മഴയ്ക്കുള്ള സാധ്യത കുറവാണ്. ഇന്ന് വടക്കൻ ബംഗാൾ ഉൾക്കടലിലും സമീപപ്രദേശങ്ങളിലുമായി ന്യൂനമർദ്ദം രൂപപ്പെടാനുള്ള സാധ്യതയാണ് കാലാവസ്ഥാ മോഡലുകൾ സൂചിപ്പിക്കുന്നത്.

Low Pressure Area to Form in Bay of Bengal : ഓഗസ്റ്റ് 29 ഓടെ ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യത, കേരളത്തിലെ മഴ സാധ്യത ഇങ്ങനെ
ബംഗാൾ ഉൾക്കടലിൽ വീണ്ടും ന്യൂനമർദ്ദം രൂപപ്പെടാൻ സാധ്യതയെന്ന് കാലാവസ്ഥ വകുപ്പ്. വടക്കുപടിഞ്ഞാറൻ ബംഗാൾ ഉൾക്കടലിനും സമീപ പശ്ചിമ ബംഗാൾ–വടക്കൻ ഒഡിഷ തീരപ്രദേ
https://metbeatnews.com/eastern-and-central-india-along-with-odisha-west-bengal-and-jharkhand

ന്യൂനമർദ്ദം രൂപപ്പെട്ടാൽ ഇത് പടിഞ്ഞാറ്-വടക്കുപടിഞ്ഞാറ് ദിശയിലേക്ക് നീങ്ങാനാണ് നിലവിലെ സൂചന. നാളെ(ഓഗസ്റ്റ് 30) മുതൽ സെപ്റ്റംബർ ആദ്യ ദിവസങ്ങൾക്കിടെ ഒഡിഷ, പശ്ചിമ ബംഗാൾ, ഝാർഖണ്ഡ് മേഖലകളിലൂടെ ന്യൂനമർദ്ദം സഞ്ചരിക്കാനുള്ള സാധ്യതയും ഉണ്ട്. ചില കാലാവസ്ഥാ നിരീക്ഷണങ്ങൾ സൂചിപ്പിക്കുന്നത് സെപ്റ്റംബർ ഒന്നോടെ ന്യൂനമർദ്ദം ശക്തിപ്പെടാൻ സാധ്യതയുണ്ടെന്നാണ്.

കേരളത്തിലും മഴയ്ക്ക് സാധ്യത

ന്യൂനമർദ്ദത്തിന്റെ സഞ്ചാരപാതയും ശക്തിയും അനുസരിച്ചായിരിക്കും കേരളത്തിലെ മഴയുടെ തീവ്രതയിൽ മാറ്റമുണ്ടാകുക. നിലവിൽ കേരളത്തിൽ ഒറ്റപ്പെട്ട ശക്തമായ മഴയ്ക്ക് സാധ്യത തുടരുന്നതായി തിരുവനന്തപുരം കാലാവസ്ഥാ കേന്ദ്രത്തിന്റെ പ്രവചനങ്ങൾ പറയുന്നു.

ന്യൂനമർദ്ദം പടിഞ്ഞാറോട്ട് നീങ്ങുന്നതിനൊപ്പം കാലവർഷക്കാറ്റ് ശക്തമാകുകയും ഈർപ്പത്തിന്റെ ലഭ്യത വർധിക്കുകയും ചെയ്താൽ കേരളത്തിൽ വീണ്ടും മഴ സജീവമാകാൻ സാധ്യതയുണ്ട്. എന്നാൽ ന്യൂനമർദ്ദം രൂപപ്പെടുന്നതുകൊണ്ട് മാത്രം കേരളത്തിൽ അതിശക്തമായ മഴ ഉണ്ടാകണമെന്ന് ഇല്ല. ഇക്കാര്യം Metbeat Weather കഴിഞ്ഞദിവസം സൂചിപ്പിച്ചിരുന്നു. ഈ ഘട്ടത്തിൽ ഏറ്റവും നിർണ്ണായകം ന്യൂനമർദ്ദത്തിന്റെ സഞ്ചാരപാതയും അറബിക്കടലിലെ കാറ്റിന്റെ സാഹചര്യവുമാണ്.

ഇനിയുള്ള ഒരു മാസം ബംഗാൾ ഉൾക്കടലിൽ നാലു ന്യൂനമർദ്ദങ്ങൾക്ക് സാധ്യത
Southwest Monsoon Update: Low-Pressure Systems Expected and Rainfall Forecast for Kerala.
https://metbeatnews.com/four-weather-systems-expected-over-north-bay-of-bengal-next-30-days

English Summary : According to predictions from the India Meteorological Department (IMD) and various weather models, a new low-pressure area is likely to form over the North Bay of Bengal and adjoining regions today.