യുഎഇയിൽ ചൂട് കുറയുമോ? ശരീരത്തിനനുഭവപ്പെടുന്ന ചൂട് കൂടും, മുന്നറിയിപ്പുമായി വിദഗ്ധർ

കാത്തിരുന്ന് കാത്തിരുന്ന് അവസാനം ഓഗസ്റ്റ് 24ന് സുഹൈൽ നക്ഷത്രം ഉദിച്ചു. ഇതോടു കൂടി യുഎഇയിൽ ചൂട് കുറയുമെന്ന പ്രതീക്ഷയിലായിരുന്നു യുഎഇ ജനത. എന്നാൽ ഇതുവരെ ചൂടിനൊരു കുറവുമില്ല. ഇതിനിടയിലാണ്, സുഹൈൽ ഉദിച്ചാലും താപനില പെട്ടെന്ന് താഴില്ലെന്ന് കാലാവസ്ഥാ വിദഗ്ധർ ചൂണ്ടികാട്ടിയത്. സുഹൈൽ നക്ഷത്ര ഉദിച്ചാൽ പിന്നീട് യുഎഇ യിൽ സുഖമുള്ള കാലാവസ്ഥയാണ് എത്തുക. സുഹൈലിന്റെ ഉദയം അറബ് പാരമ്പര്യത്തിൽ തണുപ്പുകാലത്തിലേക്കുള്ള മാറ്റത്തിന്റെ സൂചനയായാണ് കണക്കാക്കുന്നത്. പക്ഷേ ഇപ്പോൾ വിദഗ്ദർ പറയുന്നു ഉടൻ തന്നെ ചൂടിൽ വലിയ കുറവുണ്ടാകില്ല എന്ന്.

The rise of the Suhail star : പ്രവാസികൾക്ക് ചൂടിന് ആശ്വാസം; സുഹൈൽ നക്ഷത്രം ഉദിക്കുന്നു
വെന്തുരുന്ന മരുഭൂമിയിലേക്ക് സുഹൈൽ സക്ഷത്രമെത്തുന്നു. വെന്തുരുകുന്ന അറേബ്യൻ ചൂടിന് ശമനമാകാൻ സുഹൈൽ നക്ഷത്രം ഇന്ന് രാത്രി ഉദിക്കുമെന്ന് ഖത്തർ കലണ്ടർ ഹൗസ്
https://metbeatnews.com/daytime-temperatures-remain-high-but-nights-begin-to-cool-slightly

അസഹനീയമായ ചൂട് വരും ദിവസങ്ങളിൽ അനുഭവപ്പെടും

ഇനി താപനില ക്രമേണ കുറയാൻ തുടങ്ങും. എങ്കിൽപോലും അന്തരീക്ഷത്തിലെ ഉയർന്ന ഈർപ്പം കാരണം ചൂട് കൂടുതൽ അനുഭവപ്പെടാനാണ് സാധ്യത. തെർമോമീറ്ററിലെ താപനില വേനൽക്കാലത്തെ ഏറ്റവും ഉയർന്ന നിലയിൽനിന്ന് താഴാം. പക്ഷേ ശരീരത്തിന് അനുഭവപ്പെടുന്ന ചൂട് ശക്തമായിരിക്കുമെന്നാണ് എമിറേറ്റ്സ് ആസ്ട്രോണമി സൊസൈറ്റി ചെയർമാൻ ഇബ്രാഹിം അൽ ജർവാൻ പറയുന്നത്.

യുഎഇയിൽ 50 ഡിഗ്രി കടന്ന് ചൂട്

ഈ മാസം യുഎഇയിൽ വീണ്ടും താപനില 50 ഡിഗ്രി സെൽഷ്യസ് കടന്നിരിക്കുകയാണ്. ദിവസങ്ങൾക്ക് മുൻപ് ഓഗസ്റ്റ് 14ന് അൽ ദഫ്റ മേഖലയിലെ ബദ ദഫാസിൽ ഉച്ചയ്ക്ക് രണ്ടിന് 50.4 ഡിഗ്രി സെൽഷ്യസ് രേഖപ്പെടുത്തിയിരുന്നു. അന്ന് ഇത് രാജ്യത്തെ ഏറ്റവും ഉയർന്ന താപനിലയായിരുന്നു.

അതേസമയം ഓഗസ്റ്റ് അഞ്ചിന് അൽ ദഫ്റയിലെ ബദ ദഫാസിൽ ഉച്ചയ്ക്ക് 12.45ന് ഏറ്റവും ഉയർന്ന താപനില 51.2 ഡിഗ്രി സെൽഷ്യസ് രേഖപ്പെടുത്തിയിരുന്നു. 2026ൽ ഇതുവരെ യുഎഇയിൽ രേഖപ്പെടുത്തിയതിൽ വലിയ താപനിലയാണിത്. ഓഗസ്റ്റ് ഒന്നിന് അബുദാബിയിലെ അൽ ഷവാമേഖിൽ ആദ്യമായി ഈ വർഷം താപനില 50 ഡിഗ്രി കടന്നിരുന്നു.

ജാഗ്രത വേണം, സുരക്ഷ കരുതണം

താപനില കൂടിയ സാഹചര്യത്തിൽ നേരിട്ട് വെയിലേൽക്കുന്നത് പരമാവധി ഒഴിവാക്കണമെന്ന് വിദഗ്ധർ നിർദേശിക്കുന്നു. ദാഹമില്ലെങ്കിലും ഇടയ്ക്കിടെ വെള്ളം കുടിക്കണം. ചൂടുള്ള സമയങ്ങളിൽ പുറത്തിറങ്ങേണ്ടിവന്നാൽ നേരിയതും അയഞ്ഞതുമായ ഇളം നിറത്തിലുള്ള വസ്ത്രങ്ങൾ ധരിക്കുന്നത് നല്ലതാണ്.
കടുത്ത ചൂടിൽ വ്യായാമവും മറ്റ് ശാരീരിക അധ്വാനങ്ങളും കുറയ്ക്കണം. വേനൽക്കാലത്ത് വാഹനങ്ങളും കൃത്യമായി പരിശോധിക്കണം. പ്രത്യേകിച്ച് ടയറുകളിലെ വായുമർദം ഉൾപ്പെടെയുള്ള കാര്യങ്ങൾ ഉറപ്പാക്കണമെന്നും നിർദേശമുണ്ട്.

English Summary : Although the appearance of the Suhail star on August 24 traditionally signals the transition toward cooler weather in the Arab world, experts warn that the UAE will not experience an immediate drop in heat.