റോഡുകൾ വെള്ളത്തിൽ, വാഹനങ്ങൾ കുടുങ്ങി; പാകിസ്ഥാനിൽ കനത്ത മഴ

കനത്ത മഴയിൽ മുങ്ങി പാക്കിസ്ഥാൻ. ശക്തമായ മഴയിൽ പാകിസ്ഥാന്റെ തലസ്ഥാനമായ ഇസ്ലാമാബാദിൽ വ്യാപക വെള്ളക്കെട്ടാണ് അനുഭവപ്പെട്ടത്. റാവൽപിണ്ടിയിലും ഇത് തന്നെയാണ് അവസ്ഥ. ഇന്നലെ നിർത്താതെ പെയ്ത അതിശക്തമായ മഴയിൽ നഗരത്തിലെ ഓടകളും അഴുക്കുചാലുകളും നിറഞ്ഞുകവിഞ്ഞതോടെ താഴ്ന്ന പ്രദേശങ്ങൾ വെള്ളത്തിനടിയിലായി. നിരവധി റോഡുകളിൽ വെള്ളം കയറി. ഇതോടെ നിരവധി വാഹനങ്ങൾ കുടുങ്ങി. വീടുകളുടെയും കെട്ടിടങ്ങളിലും വെള്ളം കയറിയതോടെ ആളുകൾ പരിഭ്രാന്ത്രരായി.

Heavy flooding in low-lying areas of Islamabad and Rawalpindi. Major roads like Old Airport Road, Rahimabad Bridge, Murree Road Committee Chowk, Expressway and E-11 were submerged with several feet of water, Situation is very dangerous. pic.twitter.com/W9WGWS68MZ
— imtiaz ahmad (@ImtiazMalik34) September 1, 2026

ജാഗ്രതാ നിർദ്ദേശം നൽകി അധികൃതർ

കട്ടാരിയനിൽ ജലനിരപ്പ് 29 അടിയിലെത്തി, ഗവാൽമണ്ഡിയിൽ 23.5 അടിയോളമായി ജലനിരപ്പ് ഉയർന്നു. ഇരു സ്ഥലങ്ങളിലെയും ജലനിരപ്പ് പരിധിക്ക് മുകളിലെത്തിയപ്പോൾ അധികൃതർ ജാഗ്രതാ നിർദേശം നൽകിയിരിക്കുകയാണ്.

വെള്ളം കയറിയ സ്ഥലങ്ങൾ

* സഫ്ദറാബാദ്
*സാദിഖാബാദ്
*ധോക്ക് ഖാബ
*പിർവധായി
*ഫൗജി കോളനി
*ജാവേദ് കോളനി
*ആര്യാ മൊഹല്ല തുടങ്ങിയ താഴ്ന്ന പ്രദേശങ്ങളിലാണ് വെള്ളപ്പൊക്കം രൂക്ഷമായത്.

മർറി റോഡ്, ഓൾഡ് എയർപോർട്ട് റോഡ് എന്നീ പ്രധാന പാതകളിലും വെള്ളം കയറി. ഇതോടെ ഗതാഗതം സ്തംഭിച്ചു.

Breaking : Visuals show massive flooding in Islamabad, Pakistan , following torrential rainfall today, pic.twitter.com/2tAYyUuC5I
— World Updates (@Updatesofwworld) September 1, 2026

പെയ്തൊഴിഞ്ഞത് 200 മില്ലിമീറ്ററിലേറെ മഴ

ഇതുവരെ പെയ്ത മഴയുടെ തീവ്രത വ്യക്തമാക്കുന്നതാണ് കാലാവസ്ഥാ വകുപ്പിന്റെ കണക്കുകൾ. ഷംസാബാദിൽ ലഭിച്ചത് 201 മില്ലിമീറ്റർ മഴയാണ്. ന്യൂ കട്ടാരിയനിൽ 186 മില്ലിമീറ്ററും ഗോൽറയിൽ 157 മില്ലിമീറ്ററും മഴയാണ് രേഖപ്പെടുത്തിയത്. ഇസ്ലാമാബാദിലെ ഇ-11 മേഖലയിലും ഏകദേശം 150 മില്ലിമീറ്റർ മഴ ലഭിച്ചു.

വെള്ളപ്പൊക്കം രൂക്ഷമായതോടെ അടിയന്തരാവസ്ഥ പ്രഖ്യാപിച്ചു

ശക്തമായ മഴയിൽ റാവൽപിണ്ടിയിൽ എങ്ങും വെള്ളപ്പൊക്കം, ഇതോടെ റാവൽപിണ്ടിയിൽ മഴ അടിയന്തരാവസ്ഥ പ്രഖ്യാപിച്ചു. അതേസമയം നുള്ളാ ലൈയുടെ പ്രദേശങ്ങളിൽ വെള്ളക്കെട്ട് രൂക്ഷമായതോടെ വാട്ടർ ആൻഡ് സാനിറ്റേഷൻ ഏജൻസി (WASA) വെള്ളം പമ്പ് ചെയ്ത് നീക്കുന്നതിനായി യന്ത്രസാമഗ്രികളും ഡീവാട്ടറിംഗ് പമ്പുകളും മേഖലകളിൽ വിന്യസിച്ചു.

🇵🇰 Pakistan’s Rawalpindi inundated by heavy rainfall

Heavy rains have left large parts of Rawalpindi, Pakistan, submerged under floodwaters.

Follow: https://t.co/9uNLaX91ie pic.twitter.com/xCDP2mL76h
— PressTV Extra (@PresstvExtra) September 1, 2026

അതേസമയം നുള്ളാ ലൈയിലെ ജലനിരപ്പ് ഉയർന്നതോടെ മുന്നറിയിപ്പ് സൈറണുകളും മുഴക്കി. അപകടമേഖലയ്ക്ക് സമീപം താമസിക്കുന്നവരോട് സുരക്ഷിത സ്ഥലങ്ങളിലേക്ക് മാറാനും അധികൃതർ നിർദേശിച്ചു.

ശക്തമായ മൺസൂൺ മഴയ്ക്കിടയിൽ മഴ ഇനിയും കൂടുവാൻ സാധ്യതയുള്ളതിനാൽ നുള്ളാ ലൈ ഉൾപ്പെടെയുള്ള ജലനിർഗമന ചാലുകളിലെ ജലനിരപ്പ് അധികൃതർ നിരീക്ഷിച്ചുവരികയാണ്. നഗരങ്ങളിലെ ഡ്രെയിനേജ് സംവിധാനങ്ങൾക്ക് അതിതീവ്ര മഴയെ നേരിടാൻ കഴിയാതെ വന്നതാണ് വെള്ളപ്പൊക്കം രൂക്ഷമാകാൻ പ്രധാന കാരണമായത്.

English Summary : Heavy monsoon rains have triggered severe urban flooding across Pakistan’s capital, Islamabad, and the neighboring city of Rawalpindi. Continuous torrential downpours surpassed 200 mm in areas like Shamsabad, causing drainage systems to overflow and submerging low-lying residential areas and major transit corridors.