അഗ്‌നിപർവ്വത സ്‌ഫോടനം: ആസിഡ് മഴയ്ക്ക് സാധ്യത

എത്യോപ്യയിലെ ഹെയ്‌ലി ഗുബ്ബി അഗ്‌നിപർവ്വതം പൊട്ടിത്തെറിച്ച വാർത്ത വളരെ ഞെട്ടലോടെയാണ് ലോകം കേട്ടത്. 12000 വർഷത്തിനിടെ ആദ്യമായാണ് ഇങ്ങനെയൊരു പൊട്ടിത്തെറി ഉണ്ടായിരിക്കുന്നത്. ഈ ദുരന്തം മിഡിൽ ഈസ്റ്റ് രാജ്യങ്ങളെയാണ് കൂടുതൽ പരിഭ്രാന്തിയാക്കിയത്. അതിനു കാരണം അന്തരീക്ഷത്തിലേക്കുയർന്ന ചാരമേഘങ്ങളാണ്. ഇത് വിമാന സർവ്വീസുകളെ വരെ ബാധിച്ചു.

സ്‌ഫോടനത്തിലൂടെ അന്തരീക്ഷത്തിൽ പടർന്നത് വിഷവാതകം

അതേസമയം നവംബർ 24 ന് നടന്ന അഗ്‌നിപർവ്വത സ്‌ഫോടനം മൂലം അന്തരീക്ഷത്തിലേക്ക് വലിയതോതിൽ സൾഫർ ഡൈ ഓക്സൈഡ് വാതകം എത്തിപ്പെട്ടിരിക്കുകയാണ്. ഈ വാതകം മിഡിൽ ഈസ്റ്റിലെ പലഭാഗങ്ങളിലേക്കും വ്യാപിപ്പിച്ചതായി റിപ്പോർട്ടുകളുണ്ടായിരുന്നു. ഉപഗ്രഹ ചിത്രങ്ങൾ ഇത് സ്ഥിരീകരിച്ചിരുന്നു. ഇവ അന്തരീക്ഷത്തിൽ തങ്ങി നിൽക്കുകയാണ്.

ആസിഡ് മഴയ്ക്ക് സാധ്യത

ഇങ്ങനെ അന്തരീക്ഷത്തിൽ തങ്ങിനിൽക്കുന്ന ഈ സൾഫർ ഡൈ ഓക്സൈഡ് വാതകം ഈർപ്പവുമായി പ്രതിവർത്തിച്ച് ഒമാനിലേയും യെമനിലേയും ചില ഭാഗങ്ങളിൽ നേരിയ ആസിഡ് മഴയായി പെയ്യാൻ സാധ്യതയുണ്ടെന്ന് യുഎയിലെ വിദഗ്ദർ ചൂികാട്ടുന്നു. എന്നാൽ ഒമാൻ അധികൃതർ നൽകിയ വിവരമനുസരിച്ച് ഇതുരെ പൊതുജനാരോഗ്യത്തിന് ഭീഷണിയാകുന്ന ഒരു സാഹചര്യവും രാജ്യത്ത് റിപ്പോർട്ട് ചെയ്തിട്ടില്ല എന്നാണ്. കൂടാതെ വായു മലിനീകരണത്തിൻ്റെ അളവിൽ വർദ്ധനവ് രേഖപ്പെടുത്തിയിട്ടില്ല എന്നും അദ്ധികൃതർ പറയുന്നു.

English Summary: The volcanic eruption on November 24 has released significant sulfur dioxide into the atmosphere, affecting parts of the Middle East, confirmed by satellite images.