കേരളത്തിന്റെ ആകാശത്ത് വിസ്മയം തീർത്ത് അന്താരാഷ്ട്ര ബഹിരാകാശ നിലയം (ISS) കടന്നുപോയി. പ്രത്യേക ഉപകരണങ്ങളുടെയോ ദൂരദർശിനിയുടെയോ സഹായമില്ലാതെ, വെള്ളിയാഴ്ച രാത്രി 7.46-ന് തെക്കുപടിഞ്ഞാറൻ ആകാശത്ത് തെളിഞ്ഞ നിലയം നാല് മിനിറ്റോളം വടക്കൻ ദിശയിലേക്ക് സഞ്ചരിച്ച് കാഴ്ചയിൽ നിന്ന് മറഞ്ഞു.

വരും ദിവസങ്ങളിലും മലയാളിക്ക് ഈ ആകാശക്കാഴ്ച നേരിട്ട് കാണാം. നിലയത്തിന്റെ വരുംദിവസങ്ങളിലെ സഞ്ചാരപാത താഴെ നൽകുന്നു:

വരും ദിവസങ്ങളിലെ സമയക്രമം

സെപ്റ്റംബർ 5 (ശനി): പുലർച്ചെ 5.44-ന് വടക്കുകിഴക്കൻ ആകാശത്തും, വൈകിട്ട് 6.59-ന് തെക്കുപടിഞ്ഞാറൻ ദിശയിലും (ഏകദേശം 6 മിനിറ്റ്) കാണാം.
സെപ്റ്റംബർ 6 (ഞായർ): രാത്രി 7.50-ന് പടിഞ്ഞാറുനിന്ന് പ്രത്യക്ഷപ്പെട്ട് വടക്കോട്ട് നീങ്ങും.
സെപ്റ്റംബർ 7 (തിങ്കൾ): പുലർച്ചെ 5.44-ന് വടക്കുപടിഞ്ഞാറൻ ദിശയിൽ നിന്ന് എത്തി 7 മിനിറ്റോളം ദൃശ്യമാകും. തുടർന്ന് രാത്രി 7.01-ന് പടിഞ്ഞാറൻ ആകാശത്തും കാണാം.
സെപ്റ്റംബർ 8 (ചൊവ്വ): പുലർച്ചെ 4.57-ന് വടക്കുപടിഞ്ഞാറുനിന്ന് വന്ന് കിഴക്കോട്ട് നീങ്ങും (6 മിനിറ്റ്).
സെപ്റ്റംബർ 9 (ബുധൻ): പുലർച്ചെ 5.47-ന് പടിഞ്ഞാറുനിന്ന് തെക്കോട്ട് സഞ്ചരിക്കും.
സെപ്റ്റംബർ 10 (വ്യാഴം): പുലർച്ചെ 5.03-ന് തെക്കുപടിഞ്ഞാറൻ ആകാശത്ത് പ്രത്യക്ഷപ്പെടും.

ഒരു ഫുട്ബോൾ മൈതാനത്തോളം വലിപ്പമുള്ള നിലയം ഭൂമിയിൽ നിന്ന് 400 കിലോമീറ്റർ ഉയരത്തിൽ മണിക്കൂറിൽ 26,000 കിലോമീറ്റർ വേഗതയിലാണ് സഞ്ചരിക്കുന്നത്.

മലയാളിയുമായി അന്താരാഷ്ട്ര ബഹിരാകാശ നിലയം ഇന്നും നാളെയും മറ്റന്നാളും കേരളത്തിന് മുകളിൽ തലങ്ങും വിലങ്ങും കാണാം
International Space Station to Be Visible Over Kerala Sky with Malayali Astronaut Onboard
https://metbeatnews.com/international-space-station-to-be-visible-over-kerala-sky-with-malayali-astronau

കാൽനൂറ്റാണ്ടിലധികമായി പ്രപഞ്ചപഠനങ്ങളുടെ കേന്ദ്രമായ നിലയത്തിൽ നിലവിൽ മൂന്ന് സ്ത്രീകളടക്കം ഏഴുപേരുണ്ട്. മലയാളി വേരുകളുള്ള ബഹിരാകാശ സഞ്ചാരി അനിൽ മേനോനും ഈ സംഘത്തിലുണ്ട് എന്നത് മലയാളികൾക്ക് ഇരട്ടി മധുരമാകുന്നു.

English Summary : International Space Station Visible Over Kerala Skies. The International Space Station (ISS) was clearly visible to the naked eye over Kerala on Friday night at 7:46 PM, moving from the southwest to the north for about four minutes