മൂന്നാം മോദി സർക്കാറിന്റെ മൂന്നാമത്തെ കേന്ദ്ര ബജറ്റിൽ കേരളത്തിന് കാര്യമായ പദ്ധതികൾ ഒന്നുമില്ല. എന്നാൽ രാജ്യവ്യാപകമായി കർഷകർക്ക് വിവിധ ആനുകൂല്യങ്ങൾ പ്രഖ്യാപിച്ചു. കേര കർഷകർക്ക് പ്രോത്സാഹനം നൽകാൻ
കോക്കനട്ട് പ്രോമോഷൻ സ്കീം ബജറ്റിൽ പ്രഖ്യാപിച്ചു. ഒരു കോടിയോളം കര്‍ഷകര്‍ക്ക് ഇത് ഗുണമാകും. പ്രധാന ഉത്പാദനം നടക്കുന്ന സംസ്ഥാനങ്ങളിൽ ഉത്പാദനമില്ലാത്ത തെങ്ങുകൾ മാറ്റി പുതിയത് നടാൻ സഹായകമാകും.

തുടർച്ചയായി ഒൻപത് തവണ ബജറ്റ് അവതരിപ്പിച്ച ധനമന്ത്രിയെന്ന ചരിത്ര നേട്ടം സ്വന്തമാക്കി കേന്ദ്ര ധനകാര്യ മന്ത്രി നിർമ്മല സീതാരാമൻ
രാജ്യത്ത് ഏറ്റവും കൂടുതല്‍ ബജറ്റ് അവതരിപ്പിച്ചതിന്റെ റെക്കോര്‍ഡ് മുന്‍ പ്രധാനമന്ത്രി മൊറാര്‍ജി ദേശായിയുടെ പേരിലാണ്. 10 ബജറ്റുകളാണ് മൊറാര്‍ജി ദേശായി അവതരിപ്പിച്ചത്
രാജ്യത്ത് ഏറ്റവും കൂടുതല്‍ ബജറ്റ് അവതരിപ്പിച്ചതിന്റെ റെക്കോര്‍ഡ് മുന്‍ പ്രധാനമന്ത്രി മൊറാര്‍ജി ദേശായിയുടെ പേരിലാണ്. 10 ബജറ്റുകളാണ് മൊറാര്‍ജി ദേശായി അവതരിപ്പിച്ചത്

ഒരു മണിക്കൂറും 26 മിനിട്ടുമായിരുന്നു ഇത്തവണ നിർമല സീതാരാമൻ്റെ ബജറ്റ് അവതരണ പ്രസംഗം നീണ്ടു നിന്നു.

അപൂർവ ധാതുക്കൾക്കായി പ്രഖ്യാപിച്ച ഇടനാഴിയിലും കടലാമ പരിപാലനവുമായി ബന്ധപ്പെട്ട പദ്ധതിയിലും ഉൾപ്പെട്ടു എന്നത് മാത്രമാണ് കേരളത്തിന് ആശ്വസിക്കാനുള്ളത്.

ഇന്ത്യൻ മത്സ്യബന്ധന കപ്പലുകളുടെ ആഴക്കടലിലെ മത്സ്യബന്ധനം ഡ്യൂട്ടി ഫ്രീ ആക്കും
ഇന്ത്യയുടെ സാംസ്കാരിക പൈതൃകവുമായി അടുത്ത ബന്ധമുള്ള ചന്ദനത്തിൻ്റെ കൃഷിയിൽ ശ്രദ്ധകേന്ദ്രീകരിക്കാൻ സർക്കാ‍ർ നിർദ്ദേശം
ചെറുകിട കർഷകർക്ക് പ്രത്യേക ശ്രദ്ധ നൽകും
500 ജലസംഭരണികൾ വികസിപ്പിക്കുന്നതിനുള്ള സംരംഭങ്ങൾ ഏറ്റെടുക്കും
തീരദേശ പ്രദേശങ്ങളിലെ മത്സ്യബന്ധന മൂല്യ ശൃംഖല ശക്തിപ്പെടുത്തും
വായ്പാ ബന്ധിത സബ്‌സിഡി പദ്ധതിയിലൂടെ മൃഗസംരക്ഷണത്തെ പിന്തുണയ്ക്കും
കന്നുകാലി കർഷകരുടെ ഉൽ‌പാദക സംഘടനകളുടെ സൃഷ്ടിയെ പ്രോത്സാഹിപ്പിക്കും
തീരദേശ പ്രദേശങ്ങളിലെ തേങ്ങ, ചന്ദനം, കശുവണ്ടി തുടങ്ങിയ ഉയർന്ന മൂല്യമുള്ള വിളകളെ പിന്തുണയ്ക്കും
കുന്നിൻ പ്രദേശങ്ങളിലെ വാൽനട്ട് ഉൽപാദനത്തെ പ്രോത്സാഹിപ്പിക്കും
നാളികേര ഉൽപാദനത്തിൽ മത്സരശേഷി വർദ്ധിപ്പിക്കും
ഇന്ത്യൻ കശുവണ്ടി, കൊക്കോ എന്നിവയ്ക്കായി നിർദ്ദേശിക്കപ്പെട്ട ഒരു സമർപ്പിത പരിപാടി തുടങ്ങും
കടലാമ പരിചരണത്തിന് കേരളത്തിലും കർണ്ണാടത്തിലും പ്രത്യേക കേന്ദ്രം സ്ഥാപിക്കും
അപൂ‍ർവ ധാതുക്കൾക്കായി പ്രഖ്യാപിക്കപ്പെട്ട ഇടനാഴിയിൽ കേരളത്തെ ഉൾപ്പെടുത്തി. കേരളം-തമിഴ്നാട്-ഒഡീഷ-ആന്ധ്ര പ്രദേശ് എന്നീ സംസ്ഥാനങ്ങൾ ഉൾപ്പെടുന്ന അപൂർവ ധാതുക്കളുടെ കോറിഡോറാണ് പ്രഖ്യാപിച്ചത്. ധാതു ഖനനം, ഗവേഷണം, ഉത്പാദനം എന്നിവ ലക്ഷ്യമിട്ടാണ് ഇടനാഴി പ്രഖ്യാപിച്ചത്. ധാതുസമ്പന്നമായ സംസ്ഥാനങ്ങൾക്ക് സഹായവും പ്രഖ്യാപിച്ചിട്ടുണ്ട്.

Explore the implications of the third Modi government's budget, which lacks key initiatives for Kerala but introduces farmer benefits across the country.