യുഎഇയിൽ കനത്ത മഴക്ക് സാധ്യത; സുരക്ഷാ നിർദ്ദേശങ്ങൾ കർശനമാക്കി അധികൃതർ

United Arab Emirates(UAE)യിൽ അടുത്ത ദിവസങ്ങളിലും അസ്ഥിരമായ കാലാവസ്ഥ തുടരാനിടയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. പടിഞ്ഞാറൻ മേഖലകളിൽ പുതിയ മഴമേഘങ്ങൾ രൂപപ്പെടുന്നതായി നിരീക്ഷണങ്ങൾ സൂചിപ്പിക്കുന്നു.

13 реакций | അബൂദബിയിൽ അടുത്ത മഴയ്ക്കുള്ള തയാറെടുപ്പ് - 📹 : Ismail | Weatherman Kerala
അബൂദബിയിൽ അടുത്ത മഴയ്ക്കുള്ള തയാറെടുപ്പ് - 📹 : Ismail
https://www.facebook.com/reel/2023079208550950

ചൊവ്വാഴ്ചയോടെ Abu Dhabiയും Al Dhafra Regionയും ഉൾപ്പെടെ ചില പ്രദേശങ്ങളിൽ മഴ ശക്തമാകാൻ സാധ്യതയുണ്ടെന്നാണ് റിപ്പോർട്ടുകൾ.

UAE Weather Alert 23/03/26 : യുഎഇയിൽ അസ്ഥിര കാലാവസ്ഥ: ശക്തമായ മഴ, കാറ്റ്, ആലിപ്പഴ സാധ്യത — ജാഗ്രത നിർദേശം ശക്തമാക്കി
National Centre of Meteorologyയുടെ മുന്നറിയിപ്പിനെ തുടർന്ന്, മാർച്ച് 27 വരെ യുഎഇയിൽ അസ്ഥിര കാലാവസ്ഥ.
https://metbeatnews.com/uae-weather-alert-heavy-rain-hail-and-50kmh-winds-expected-until-march-27-list-of-fines-and-safety-guidelines

നിയമലംഘനങ്ങൾക്ക് കടുത്ത നടപടി

അസ്ഥിര കാലാവസ്ഥയിൽ സുരക്ഷാ നിർദ്ദേശങ്ങൾ പാലിക്കാത്തവർക്കെതിരെ കടുത്ത നടപടി സ്വീകരിക്കുമെന്ന് അധികൃതർ അറിയിച്ചു.
• വാദികളിൽ (വെള്ളപ്പാച്ചിൽ പ്രദേശങ്ങൾ) ഇറങ്ങുന്നവർക്ക് 2000 ദിർഹം പിഴ
• കൂടാതെ 23 ട്രാഫിക് പോയിന്റുകൾ
• വാഹനം 60 ദിവസത്തേക്ക് പിടിച്ചെടുക്കൽ

രക്ഷാപ്രവർത്തനങ്ങളെ തടസ്സപ്പെടുത്തുന്ന പ്രവർത്തനങ്ങളും ശിക്ഷാർഹമായ കുറ്റമായി കണക്കാക്കും.

ഒഴിവാക്കേണ്ട കാര്യങ്ങൾ
• അണക്കെട്ടുകൾക്കും താഴ്ന്ന പ്രദേശങ്ങൾക്കും സമീപം അനാവശ്യമായി കൂട്ടംകൂടൽ
• ബീച്ചുകളിലേക്കും മലയോര മേഖലകളിലേക്കും യാത്ര
• നിർമാണ സ്ഥലങ്ങൾക്കും ഉറപ്പില്ലാത്ത സൈൻബോർഡുകൾക്കും സമീപം നിൽക്കൽ
• കുട്ടികളെ മഴവെള്ളത്തിൽ കളിക്കാൻ വിടൽ

ഡ്രൈവിംഗ് സുരക്ഷ നിർദ്ദേശങ്ങൾ

പൊലീസ് വാഹനമോടിക്കുന്നവർക്ക് പ്രത്യേക ജാഗ്രത നിർദ്ദേശങ്ങൾ നൽകി
• വേഗത കുറയ്ക്കുക
• മുന്നിലുള്ള വാഹനവുമായി സുരക്ഷിത അകലം പാലിക്കുക
• ഹെഡ്ലൈറ്റുകൾ പ്രവർത്തനക്ഷമമാണെന്ന് ഉറപ്പാക്കുക
• ഡ്രൈവിംഗിനിടെ മൊബൈൽ ഫോൺ ഉപയോഗം ഒഴിവാക്കുക
• പെട്ടെന്ന് ബ്രേക്ക് ഇടുന്നത് ഒഴിവാക്കുക
• വെള്ളം ഒഴുകുന്ന വാദികൾ മുറിച്ചുകടക്കാൻ ശ്രമിക്കരുത്

വൈദ്യുതി–ഇടിമിന്നൽ മുന്നറിയിപ്പ്
• പൊട്ടിവീണ വൈദ്യുതി വയറുകൾക്ക് സമീപം പോകരുത്
• വൈദ്യുതി തൂണുകൾ സ്പർശിക്കുന്നത് അപകടകരം
• ഇടിമിന്നലുള്ള സമയത്ത് മരച്ചുവട്ടിൽ നിൽക്കരുത്

വീടുകളിൽ പാലിക്കേണ്ട മുൻകരുതലുകൾ
• ബാൽക്കണിയിലെ അയഞ്ഞ വസ്തുക്കൾ നീക്കം ചെയ്യുക
• മഴവെള്ളം ഒഴുകാൻ ഓടകൾ വൃത്തിയാക്കുക
• മലിനജല മാൻഹോളുകൾ തുറക്കരുത്

ഔദ്യോഗിക നിർദ്ദേശങ്ങൾ പാലിക്കുക

Dubai Municipality ഉൾപ്പെടെയുള്ള അധികൃതർ ഔദ്യോഗിക വാർത്തകൾ മാത്രം വിശ്വസിക്കണമെന്ന് നിർദ്ദേശിച്ചു. അടിയന്തര സാഹചര്യങ്ങളിൽ 800900 നമ്പറിലോ വാട്ട്‌സ്ആപ്പ് വഴിയോ ബന്ധപ്പെട്ട വകുപ്പുകളെ സമീപിക്കാം.

Oman Flash Floods 23/03/26 : ഒമാനിലെ മിന്നൽ പ്രളയം: പാലക്കാട് സ്വദേശിനിയുടെ മൃതദേഹം കണ്ടെത്തി; മരണസംഖ്യ 9 ആയി
ഒമാനിൽ ഉണ്ടായ കനത്ത മഴയും മിന്നൽ പ്രളയവും ദുരന്തമായി തുടരുന്നതിനിടെ, കാണാതായ പാലക്കാട് സ്വദേശിനിയുടെ മൃതദേഹം കണ്ടെത്തി.
https://metbeatnews.com/oman-flash-floods-palakkad-woman-found-dead-death-toll-rises-to-9

ജാഗ്രതാ നിർദ്ദേശം

യുഎഇയിൽ ശക്തമായ മഴ സാധ്യതയുള്ള സാഹചര്യത്തിൽ പൊതുജനങ്ങൾ പരമാവധി ജാഗ്രത പാലിക്കണം. സുരക്ഷാ നിർദ്ദേശങ്ങൾ കൃത്യമായി പാലിക്കുന്നത് അപകടങ്ങൾ ഒഴിവാക്കാൻ സഹായിക്കും.

GCC രാജ്യങ്ങളിലുള്ള മലയാളികൾക്ക് കാലാവസ്ഥാ വിവരങ്ങൾ ലഭ്യമാകാൻ ഞങ്ങളുടെ വാട്സ്ആപ്പ് ഗ്രൂപ്പിൽ ചേരാം https://chat.whatsapp.com/CROaUMHnVApDNvtU8V3E96?mode=gi_t

English summary : The UAE’s National Center of Meteorology (NCM) has issued a warning regarding unstable weather conditions expected to continue over the coming days. New cloud formations in the western regions suggest heavy rainfall starting Tuesday, particularly affecting Abu Dhabi and the Al Dhafra region.