കാലാവസ്ഥ വില്ലനായി; ചാങ് ഇ 7 വിക്ഷേപണം മാറ്റിവെച്ച് ചൈന, ഇനി അടുത്ത വർഷം

കാലാവസ്ഥ വില്ലനായത് ചൈനയുടെ വലിയൊരു പ്രതീക്ഷയെ തകിടം മറിച്ചു. ചൈനയുടെ ചാന്ദ്ര ദൗത്യമായ ചാങ് ഇ 7ന്റെ വിക്ഷേപണമാണ് പ്രതീകൂല കാലാവസ്ഥ കാരണം മാറ്റിവെക്കേണ്ടി വന്നത്.

ഈ വർഷം വിക്ഷേപണം നടക്കില്ല

വിക്ഷേപണത്തിനായി റോക്കറ്റ് ലോഞ്ച് പാഡിൽ സജ്ജീകരിച്ച ശേഷമാണ് കാലാവസ്ഥ അനുകൂലമല്ലെന്ന് ചൈന സ്ഥിരീകരിച്ചത്. ഏതായാലും ഈ വർഷം ദൗത്യം വിജയകരമായി നടത്താൻ കഴിയില്ല. ചൈന മാന്ഡ് സ്പേസ് ഏജൻസിയാണ് (CMSA) ഇക്കാര്യം തീരുമാനിച്ചത്.

അതേസമയം ഈ ആഴ്ചയിലെ വിക്ഷേപണത്തിന് അനുയോജ്യമായ സമയപരിധി കഴിഞ്ഞാൽ അടുത്ത അവസരം ലഭിക്കാൻ കൂടുതൽ സമയം വേണ്ടി വരും. അതിനാൽ ദൗത്യം അടുത്ത വർഷത്തേക്ക് മാറ്റാൻ തീരുമാനിക്കുകയായിരുന്നു.
ദൗത്യത്തിന് പൂർണ സുരക്ഷ പ്രധാനമാണ്. വിക്ഷേപണത്തിന്റെ കൃത്യതയും ഇക്കൂട്ടത്തിൽ ഉറപ്പാകേണ്ടതിൻ്റെ ആവശ്യകത പ്രധാനമാണ്. ഇതിൻ്റെയെല്ലാം ഭാഗമായാണ് നടപടി സ്വീകരിച്ചതെന്ന് ചൈന മാന്ഡ് സ്പേസ് ഏജൻസി ചൂണ്ടികാട്ടുന്നു.

ഇനി കാലാവസ്ഥ അനുകൂലമായാലും അടുത്ത വർഷം വിക്ഷേപണം നടത്തണമെങ്കിൽ കാലാവസ്ഥയ്ക്കൊപ്പം ഭൂമിയുടെയും ചന്ദ്രന്റെയും സ്ഥാനവും ഭ്രമണപഥവും ഉൾപ്പെടെ നിരവധി കാര്യങ്ങൾ അനുകൂലമായിരിക്കണം.

English Summary : China’s space agency (CMSA) has officially postponed the Chang’e-7 lunar mission to next year after adverse weather conditions halted launching plans from the launchpad.