റഗാസ ചൈനയില്‍ കരകയറി, 17 മരണം

ഈ വര്‍ഷത്തെ ഏറ്റവും ശക്തമായ ചുഴലിക്കാറ്റ് റഗാസ ചൈനയില്‍ കരകയറി. നാളെ രഗാസ വിയറ്റ്‌നാമിലും മറ്റന്നാള്‍ ലാവോസിലും കരകയറും. 20 ലക്ഷത്തോളം പേരെയാണ് ചൈന.ില്‍ മാറ്റിപാര്‍പ്പിച്ചത്. ഇതുവരെ 17 പേര്‍ തായ് വാനില്‍ തടാകം തകര്‍ന്ന് കൊല്ലപ്പെട്ടു. കിഴക്കന്‍ മേഖലയില്‍ കനത്ത പ്രളയമാണുള്ളത്. പര്‍വതമേഖലയില്‍ നിന്ന് സുനാമി പോലെ വെള്ളം കുതിച്ചെത്തിയെന്ന് ജിയോളജിസ്റ്റുകള്‍ പറഞ്ഞു.

Severe flooding hits coastal areas as Super Typhoon Ragasa strikes. 🇨🇳🚨

Vehicles are seen floating amid a powerful storm surge in the Pearl River Estuary.

📍 Gaolan Island, Zhuhai, Guangdong, China. pic.twitter.com/FrRE7R1lle
— Weather Monitor (@WeatherMonitors) September 24, 2025

സൂപ്പര്‍ ചുഴലിക്കാറ്റില്‍ നിന്ന് കരകയറിയ ശേഷം ചുഴലിക്കാറ്റ് റഗാസ തീവ്ര ചുഴലിക്കാറ്റായി ശക്തി കുറഞ്ഞു. ഇന്ന് കാറ്റിന് മണിക്കൂറില്‍ 241 കി.മി വേഗത രേഖപ്പെടുത്തിയിരുന്നു. ചുഴലിക്കാറ്റിനെ തുടര്‍ന്ന് ഹോങ്കോങ്ങില്‍ 90 പേര്‍ക്ക് പരുക്കേറ്റു. ഇതില്‍ 53 പേര്‍ പുരുഷന്മാരും 37 പേര്‍ സ്ത്രീകളുമാണെന്ന് ആശുപത്രി അധികൃതര്‍ പറയുന്നു. 885 പേര്‍ അഭയാര്‍ഥി ക്യാംപുകളിലുണ്ട്.

ഹോങ്കോങ്ങിലേക്കുള്ള വിമാന സര്‍വിസുകള്‍ റദ്ദാക്കിയിരുന്നു. അര്‍ധരാത്രിയുടെ വ്യോമഗതാഗതം പുനരാരംഭിക്കും. 1.4 ലക്ഷം യാത്രക്കാരെ വ്യോമഗതാഗതം തടസ്സപ്പെട്ടത് ബാധിച്ചു. കഴിഞ്ഞ രണ്ടു ദിവസമായി ഹോങ്കോങ്ങിലേക്ക് വിമാന സര്‍വിസുകളില്ല. കാത്തി പസഫിക് എയര്‍ലൈന്‍സ് 500 സര്‍വിസുകള്‍ റദ്ദാക്കി. ഹോങ്കോങ്ങിൽ ഹോട്ടൽ ഓഷ്യൻ പാർക്കിൻ്റെ ഗ്ലാസ് ഡോർ തകർത്ത് പ്രളയ ജലം ഇരച്ചുകയറിയ വിഡിയോ വൈറലായി. വിഡിയോ താഴെ കാണാം.

This happened at the Fullerton Hotel Ocean Park in Hong Kong a couple hours ago. I have never seen anything like this before.

I was up at 4 am taping my windows because water was just pouring in…

Ragasa is indeed a super Typhoon 🌀… pic.twitter.com/O59FJbGLsE
— Eric Yeung 👍🚀🌕 (@KingKong9888) September 24, 2025

ചൈനയില്‍ പ്രാദേശിക സമയം വൈകിട്ട് അഞ്ചിനാണ് റഗാസ ചുഴലിക്കാറ്റ് കരകയറിയത്. കരകയറുമ്പോള്‍ 144 കി.മി ആയിരുന്നു കാറ്റിന്റെ വേഗത. ചൈനയിലെ ഗ്വാങ്‌ഡോങ് പ്രവിശ്യയിലാണ് ചുഴലിക്കാറ്റ് കരകയറിയത്. ഇവിടെ 20 ലക്ഷം പേരെ മാറ്റിപാര്‍പ്പിച്ചു.

മക്കാവുവില്‍ ചുഴലിക്കാറ്റിനെ തുടര്‍ന്ന് പ്രളയമുണ്ടായി. കടലില്‍ നിന്ന് വെള്ളം നഗരത്തില്‍ കയറിയതിനെ തുടര്‍ന്ന് മത്സ്യങ്ങള്‍ റോഡുകളില്‍ നിറഞ്ഞു. റോഡില്‍ നിന്ന് ആളുകള്‍ മീന്‍ പിടിക്കുന്ന ദൃശ്യങ്ങള്‍ സമൂഹ മാധ്യമങ്ങളില്‍ പുറത്തു വന്നു. 40 സെ.മി മഴ വരെ ചുഴലിക്കാറ്റിന്റെ ഭാഗമായി കാലാവസ്ഥാ പ്രവചന മാതൃകകള്‍ പ്രവചിക്കപ്പെടുന്നുണ്ട്.