ഫിലിപ്പീൻസിലെ ഈ വർഷത്തെ ഏറ്റവും ശക്തമായ കൊടുങ്കാറ്റുകളിലൊന്നായ സൂപ്പർ ടൈഫൂൺ ഫങ്-വോങ് നാലുപേരുടെ മരണത്തിനിടയാക്കി. ശക്തി കുറഞ്ഞതിനുശേഷം നാശനഷ്ടങ്ങൾ വിലയിരുത്താൻ തുടങ്ങിയെങ്കിലും വലിയ നാശനഷ്ടങ്ങൾ ഇതുവരെ റിപ്പോർട്ട് ചെയ്തിട്ടില്ല.
ഞായറാഴ്ച ഫങ്-വോങ് കരയിൽ ആഞ്ഞടിക്കുന്നതിനുമുമ്പ് ഒരു ദശലക്ഷത്തിലധികം ആളുകളെ ഒഴിപ്പിച്ചു. ഏറ്റവും ജനസംഖ്യയുള്ള ലുസോൺ ദ്വീപിൽ ശക്തമായ കാറ്റും കനത്ത മഴയും അനുഭവപ്പെട്ടു.
ന്യൂവ വിസ്കായ പ്രവിശ്യയിലെ വടക്കൻ പട്ടണമായ കയാപയിൽ ഒരു വീട് മണ്ണിനടിയിലായി രണ്ട് കുട്ടികൾ കൊല്ലപ്പെട്ടതായി പ്രാദേശിക സിവിൽ ഡിഫൻസ് ഉദ്യോഗസ്ഥൻ ആൽവിൻ ഐസൺ പറഞ്ഞു.
ഫങ്-വോങ് കരകയറിയ അറോറ പ്രവിശ്യയിൽ നാല് പട്ടണങ്ങൾ മണ്ണിടിച്ചിൽ ഉണ്ടായതിനെ തുടർന്ന് ഒറ്റപ്പെട്ടുപോയി. കൊടുങ്കാറ്റ് വടക്കുകിഴക്കൻ തായ്വാനിലേക്ക് നീങ്ങുമെന്നാണ് പ്രവചനം.
ഫിലിപ്പീൻസിൽ ഈ വർഷം വീശുന്ന 21-ാമത്തെ കൊടുങ്കാറ്റാണിത്. കഴിഞ്ഞയാഴ്ച വിയറ്റ്നാമിൽ 224 പേർ കൊല്ലപ്പെട്ട ടൈഫൂൺ കൽമേഗിക്ക് ശേഷം ആണ് ഈ കൊടുങ്കാറ്റ് വീശി അടിക്കുന്നത്.
ബുധനാഴ്ച ഫങ്-വോങ് തായ്വാനിലെ ജനസാന്ദ്രതയുള്ള പടിഞ്ഞാറൻ തീരത്ത് ആഞ്ഞടിക്കുമെന്ന് പ്രവചിക്കപ്പെടുന്നു. സെപ്റ്റംബറിൽ ചുഴലിക്കാറ്റ് മൂലം ഉണ്ടായ വെള്ളപ്പൊക്കത്തിൽ 18 പേർ മരിച്ച പർവതനിരകളുള്ള കിഴക്കൻ തീരത്ത് ഏറ്റവും ശക്തമായ മഴ പ്രതീക്ഷിക്കുന്നു.
ആ മാരകമായ വെള്ളപ്പൊക്കമുണ്ടായ ഗ്വാങ്ഫു പട്ടണത്തിൽ നിന്ന് ആളുകളെ ഒഴിപ്പിക്കാൻ സർക്കാർ ഇതിനകം ഉത്തരവിട്ടിട്ടുണ്ട്.