ജനകീയ കാലാവസ്ഥ (ദിനാവസ്ഥ) നിരീക്ഷണ ശൃംഖല ശക്തിപ്പെടുത്താൻ ദ്വിദിന ശിൽപശാല

കേരളത്തിലെ ജനകീയ കാലാവസ്ഥ (ദിനാവസ്ഥ) നിരീക്ഷണ ശൃംഖല (Participatory Weather Monitoring Network) ശക്തിപ്പെടുത്തുന്നതിനായി സംസ്ഥാന ദുരന്തനിവാരണ അതോറിറ്റി ശിൽപശാല നടത്തുന്നു. ഈ മാസം രണ്ടാം വാരത്തിൽ വയനാട് ജില്ലയിൽ ദ്വി ദിന ശിൽപശാലയാണ് ലക്ഷ്യമിടുന്നത്.

ദുരന്ത സാധ്യത ലഘൂകരണത്തിനായി കേരളത്തിലെ വിവിധ പ്രദേശങ്ങളിൽ ജനകീയ പങ്കാളിത്തത്തോടെയുള്ള നിരീക്ഷണ ശൃംഖല സ്ഥാപിക്കുകയും പൊതുജനങ്ങൾക്കിടയിൽ കാലാവസ്ഥ സാക്ഷരത വ്യാപിപ്പിക്കലുമാണ് ദുരന്ത നിവാരണ അതോറിറ്റി ലക്ഷ്യമിടുന്നത്.

2025 ഒക്ടോബർ 15-16 തീയതികളിലായി കേന്ദ്ര കാലാവസ്ഥ വകുപ്പ് പുതിയ റഡാർ സ്ഥാപിക്കാൻ തെരഞ്ഞെടുത്തിരിക്കുന്ന വയനാട് പഴശ്ശിരാജ കോളേജിൽ വെച്ചാണ് ശില്പശാല സംഘടിപ്പിക്കുന്നത്.

കേരളത്തിലെ സ്വതന്ത്ര ദിനാവസ്ഥ നിരീക്ഷകരും തല്പരരായ സന്നദ്ധ പ്രവർത്തകരും വിദ്യാർത്ഥികളും സ്റ്റാർട്ട് അപ്പുകളും ബന്ധപ്പെട്ട വകുപ്പ് പ്രതിനിധികളുമായിരിക്കും പരിപാടിയിൽ പങ്കെടുക്കുക. കേന്ദ്ര കാലാവസ്ഥ വകുപ്പിൻ്റെ നേതൃത്വത്തിൽ ശാസ്ത്രീയമായി അളവുകൾ ശേഖരിക്കുന്നതിനുള്ള പരിശീലനം ഉൾപ്പെടെ ശില്പശാലയുടെ ഭാഗമായി ഉണ്ടാകും.

പരിപാടിയിൽ വിദ്യാർത്ഥികൾക്കും സന്നദ്ധ പ്രവർത്തകർക്കും നേരിട്ട് പങ്കെടുക്കാൻ അവസരമുണ്ടാകുമെന്നും ദുരന്തനിവാരണ അതോറിറ്റി അറിയിച്ചു. താഴെ നൽകിയിരിക്കുന്ന ലിങ്ക് വഴി രജിസ്റ്റർ ചെയ്യുന്നവരിൽ നിന്ന് തിരഞ്ഞെടുക്കപ്പെടുന്ന 25 പേർക്കാണ് പരിപാടിയിൽ നേരിട്ട് പങ്കെടുക്കാൻ സാധിക്കുക.

വയനാട് ജില്ലയ്ക്ക് പുറത്തു നിന്നുള്ളവർക്കായുള്ള താമസം, ഭക്ഷണം, യാത്രാ ബത്ത എന്നിവ സംഘാടകർ നൽകും. സ്വതന്ത്രമായി കാലാവസ്ഥ നിരീക്ഷണത്തിൽ ഏർപ്പെടുന്നവരും അതിൽ താല്പര്യമുള്ളവരും താഴെ കൊടുത്ത ലിങ്ക് വഴി 08-10-2025 ന് മുൻപായി രജിസ്റ്റർ ചെയ്യണം.
അപേക്ഷകരിൽ നിന്ന് തിരഞ്ഞെടുക്കപ്പെടുന്നവർക്ക് മാത്രമായിരിക്കും നേരിട്ട് പങ്കെടുക്കാൻ കഴിയുക.

രജിസ്റ്റർ ചെയ്യാൻ ഇവിടെ ക്ലിക്ക് ചെയ്യുക

കൂടുതൽ വിവരങ്ങൾക്കായി താഴെ കൊടുത്ത ഇ-മെയിൽ, ഫോൺ നമ്പർ വഴി ബന്ധപ്പെടാം.
Email : alertskeralaseoc@gmail.com
Ph: 0471-2778800