യുഎഇയിൽ കൊടുംചൂടിന് വിട; നാളെ മുതൽ ശരത്കാലം ആരംഭിക്കും

യുഎഇയിൽ കനത്ത ചൂടിന് ആശ്വാസമാവാൻ ശരത്കാല സീസൺ എത്തുന്നു. നാളെ, സെപ്റ്റംബർ 23ന് പുലർച്ചെ 4.05ന് സീസൺ ആരംഭിക്കും. ജ്യോതിശാസ്ത്ര കണക്കുകൂട്ടലുകൾ പ്രകാരം എമിറേറ്റ്സ് ജ്യോതിശാസ്ത്ര സൊസൈറ്റിയാണ് ഇക്കാര്യം അറിയിച്ചത്.

പകലിനും രാത്രിക്കും തുല്ല്യ ദൈർഘ്യം

ശരത്കാലത്തിന്റെ തുടക്കത്തിൽ പുലർച്ചെ കിഴക്കൻ ആകാശത്ത് മിഥുനം, ഇടവം, ചിങ്ങം തുടങ്ങിയ നക്ഷത്രസമൂഹങ്ങൾക്കൊപ്പം സിറിയസ്, കനോപ്പസ്, പ്ലീയാഡ്സ് എന്നിവയും ദൃശ്യമാകും. ഈ കാലയളവിൽ പകലിനും രാത്രിക്കും ഏതാണ്ട് തുല്യ ദൈർഘ്യമാകുംഉണ്ടാവുക. ശരത്കാല വിഷുവിനോടനുബന്ധിച്ച് സൂര്യൻ ഭൂമധ്യരേഖയ്ക്ക് ലംബമായി എത്തുന്നതാണ് ഇതിന് കാരണം.

Qatar Climate Change : അൽ സുബ്‌റ നക്ഷത്രമുദിച്ചു; ഖത്തറിൽ ഇനി ശരത്കാലം
Metbeat News Is the Website From Met Beat Weather Service LLP. Met Beat Weather LLP is a private meteorological company based in Kerala, India. Established in 2020, we focus on accurate weather prediction in Kerala and provide versatile forecasts for the Indian diaspora across the Globe.
https://metbeatnews.com/al-subra-star-rises-marking-the-arrival-of-autumn

നവംബറിൽ താപനില കുറയും

സീസണിന്റെ ആദ്യഘട്ടത്തിൽ യുഎഇയിലെ ശരാശരി ഉയർന്ന താപനില 39 ഡിഗ്രി സെൽഷ്യസും കുറഞ്ഞ താപനില 26 ഡിഗ്രി സെൽഷ്യസുമായിരിക്കും. നവംബർ ആദ്യത്തോടെ താപനിലയിൽ കൂടുതൽ കുറവുണ്ടാകും. ഉയർന്ന താപനില 31 ഡിഗ്രിയിലേക്കും കുറഞ്ഞ താപനില 18 ഡിഗ്രിയിലേക്കും താഴും. ഡിസംബർ 22 ആകുമ്പോൾ ശരത്കാലത്തിന്റെ അവസാനത്തോടെ ഉയർന്ന താപനില 25 ഡിഗ്രി സെൽഷ്യസും കുറഞ്ഞ താപനില 13 ഡിഗ്രി സെൽഷ്യസുമായി കുറയുമെന്നാണ് കണക്കുകൂട്ടൽ. വിഷുവിന് ശേഷം രാത്രിയുടെ ദൈർഘ്യവും ക്രമേണ വർധിക്കും.

മൂടൽമഞ്ഞിനും സാധ്യത

ശരത്കാലത്തിന്റെ ആദ്യ പകുതിയിൽ അന്തരീക്ഷ ഈർപ്പം വർധിക്കാനും അതിരാവിലെ മൂടൽമഞ്ഞ് രൂപപ്പെടാനും സാധ്യതയുണ്ട്. റോഡുകളിൽ ദൃശ്യപരത കുറവാകും. വാഹനമോടിക്കുന്നവർ ജാഗ്രത പാലിക്കണമെന്ന് മുന്നറിയിപ്പുണ്ട്.

അതേസമയം ഒക്ടോബർ പകുതിയോടെ ശൈത്യകാല മേഘങ്ങൾ ആകാശത്ത് പ്രത്യക്ഷപ്പെടാൻ തുടങ്ങും. സീസൺ പകുതിയാകുമ്പോൾ രാജ്യത്ത് മഴയ്ക്കുള്ള സാധ്യതയും വർധിക്കും. ഈ കാലയളവിൽ കൃഷി ചെയ്യുന്നത് ഉത്തമമാണ്. തൈകൾ നടുന്നതിന് അനുയോജ്യമായ കാലയളവാണ് ശരത്കാലത്തിന്റെ ആദ്യ പകുതി. അറേബ്യൻ ഉപദ്വീപിലുടനീളം കർഷകർ തൈകൾ മാറ്റിനടാനും വിത്തുവിതയ്ക്കാനും ഈ കാലയളവ് പ്രയോജനപ്പെടുത്താറുണ്ട്. ഈത്തപ്പന കൃഷി ഈ സമയത്താണ് നടക്കുന്നത്.

English Summary : As the scorching summer heat comes to an end, the UAE officially welcomes the autumn season. Driven by astronomical shifts, expect equal day and night lengths, gradually dropping temperatures down to 18°C by November, early morning fog, and ideal conditions for farming and agriculture across the Emirates.