കാലാവസ്ഥാ വ്യതിയാനം ലോകം കണ്ടതില്‍വച്ച് എറ്റവും വലിയ തട്ടിപ്പെന്ന് യു.എന്നില്‍ ട്രംപ്

കാലാവസ്ഥാ വ്യതിയാനം ലോകം കണ്ടതില്‍ വച്ച് ഏറ്റവും വലിയ തട്ടിപ്പാണെന്ന് യു.എസ് പ്രസിഡന്റ് ഡൊണാള്‍ഡ് ട്രംപ്. 2020 നു ശേഷം ഇന്ന് ആദ്യമായി യു.എന്നിനെ അഭിസംബോധന ചെയ്യവെയാണ് ട്രംപ് തന്റെ നിലപാട് ആവര്‍ത്തിച്ചത്. കാലാവസ്ഥാ വ്യതിയാനം ശാസ്ത്രജ്ഞരുടെ ഗൂഢാലോചനയാണെന്ന് നേരത്തെ ട്രംപ് അഭിപ്രായപ്പെട്ടിരുന്നു.

ഇന്ന് യു.എന്‍ സെക്രട്ടറി ജനറല്‍ അന്റോണിയോ ഗുട്ടെറസ്, ബ്രസീല്‍ പ്രസിഡന്റ് ലൂയിസ് ഇനാഷ്യോ ലുല ഡെ സില്‍വ എന്നിവര്‍ കാലാവസ്ഥാ വ്യതിയാനം പ്രസംഗത്തില്‍ ഉള്‍പ്പെടുത്തിയിരുന്നു. ക്ലൈമറ്റ് സയന്‍സിനെ ശക്തിയുദ്ധം എതിര്‍ക്കുന്ന നിലപാടാണ് യു.എസ് പ്രസിഡന്റ് ട്രംപ് സ്വീകരിച്ചു വരുന്നത്.

കാലാവസ്ഥാ വ്യതിയാനം ചൂണ്ടിക്കാട്ടി വ്യാജ ഊര്‍ജ ദുരന്തമാണ് ഇവിടെയുണ്ടാക്കുന്നതെന്നും ട്രംപ് പറഞ്ഞു. കാര്‍ബണ്‍ ഫൂട്ട് പ്രിന്റ് എന്നത് പിശാചിന്റെ മനസുള്ള ഒരുകൂട്ടം ആളുകളുടെ ഭീതിജനിപ്പിക്കുന്ന പ്രചാരണമാണ്. അവര്‍ പൂര്‍ണമായ നാശത്തിന്റെ വക്കിലേക്കാണ് നീങ്ങുന്നതെന്നും ട്രംപ് പറഞ്ഞു.

യു.എന്നില്‍ ട്രംപിന് അനുവദിച്ച സമത്തിന്റെ മൂന്നിരട്ടി സമയമാണ് അദ്ദേഹം പ്രസംഗിച്ചത്. കാലാവസ്ഥാ വ്യതിയാനം വന്നപ്പോള്‍ ട്രംപ് വാചാലനാകുകയും ചെയ്തു. 45 മിനുട്ടിലധികം ട്രംപിന്റെ പ്രസംഗം നീണ്ടു.

Photo Credit : Reuters