വീണ്ടും പാമ്പുകടിച്ച് മരണം : ഉറക്കത്തിനിടെ പാമ്പുകടിച്ച് 8 വയസ്സുകാരന് ദാരുണാന്ത്യം, വേനൽ ചൂടിൽ പാമ്പുകൾ വീടുകളിലേക്ക്

തിരുവനന്തപുരം ജില്ലയിലെ ചിറയിൻകീഴ് അഴൂരിൽ വീടിനുള്ളിൽ ഉറങ്ങിക്കിടന്ന എട്ടുവയസ്സുകാരൻ പാമ്പുകടിയേറ്റ് മരിച്ചു. അഴൂർ ഗ്രാമപഞ്ചായത്തിലെ അഴൂർ ക്ഷേത്രം വാർഡിൽ മൂലയിൽ കമ്പിക്കകം വീട്ടിൽ ദിലീപ് - അനു ദമ്പതികളുടെ മകൻ ദിക്ഷൻ ആണ് മരിച്ചത്. മൂർഖൻ (Cobra) പാമ്പിന്റെ കടിയേറ്റതാണ് മരണകാരണമെന്ന് സ്ഥിരീകരിച്ചു.

ബുധനാഴ്ച പുലർച്ചെ നാലുമണിയോടെയാണ് സംഭവം. മാതാപിതാക്കൾക്കൊപ്പം ഉറങ്ങിക്കിടക്കുകയായിരുന്ന കുട്ടി പെട്ടെന്ന് ഉണർന്ന് കാലിൽ എന്തോ കടിച്ചതായി പറഞ്ഞതിനെ തുടർന്ന് കുടുംബം ഉടൻ തന്നെ ചിറയിൻകീഴ് താലൂക്ക് ആശുപത്രിയിൽ എത്തിച്ചു. പ്രാഥമിക പരിശോധനയിൽ പാമ്പുകടിയാണെന്ന് തിരിച്ചറിഞ്ഞതോടെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. എന്നാൽ ചികിത്സയിലിരിക്കെ കുട്ടി മരണത്തിന് കീഴടങ്ങുകയായിരുന്നു.

സംഭവത്തിന് പിന്നാലെ വീട്ടിൽ നടത്തിയ പരിശോധനയിൽ മൂർഖൻ പാമ്പിനെ കണ്ടെത്തി. ഇന്ന് രാവിലെ നടത്തിയ വിശദമായ തിരച്ചിലിലാണ് പാമ്പിനെ പിടികൂടിയത്.

ദിവസങ്ങൾക്ക്മുൻപ് തൃശ്ശൂരിലും സമാനമായ സംഭവം റിപ്പോർട്ട് ചെയ്തിരുന്നു. ഉറങ്ങിക്കിടക്കുന്നതിനിടെ സഹോദരങ്ങളായ രണ്ട് കുട്ടികൾക്ക് പാമ്പ് കടിയേറ്റിരുന്നു. ആൻജോ മരണപ്പെട്ടപ്പോൾ അനോഷ് ചികിത്സയിലാണ്. ഇവരുടെ വീട്ടിൽ പിന്നീട് പലതവണയായി പാമ്പുകളെ പിടികൂടുകയും ചെയ്തിരുന്നു.

Kerala Heat Weather ,Snake under pillow : തലയിണക്കടിയിൽ പാമ്പ്; എട്ട് വയസുകാരന് ദാരുണാന്ത്യം, ചൂട് കൂടുമ്പോൾ പാമ്പുകൾ വീടുകളിലേക്ക്, ജാഗ്രത നിർബന്ധം
കേരളത്തിൽ കടുത്ത വേനൽചൂട് അനുഭവപ്പെടുന്ന ഈ സാഹചര്യത്തിൽ പാമ്പുകളുടെ സാന്നിധ്യം വർധിക്കുകയാണ്.
https://metbeatnews.com/kerala-heatwave-warning-common-krait-found-under-pillow-after-childs-tragic-death-snake-safety-tips

തുടർച്ചയായി ഇത്തരം സംഭവങ്ങൾ റിപ്പോർട്ട് ചെയ്യപ്പെടുന്നതോടെ സംസ്ഥാനത്ത് ആശങ്ക ഉയരുകയാണ്.

Snakebite Scare in Thrissur 22/04/26 : തൃശൂരിൽ വീണ്ടും പാമ്പുകടി ദുരന്തം: ശംഖുവരയൻ പാമ്പിൻ്റെ കടിയേറ്റത് രണ്ടരവയസ്സുകാരന്
തൃശൂരിലെ വാണിയമ്പാറ എന്ന സ്ഥലത്ത് ശുചിമുറിയിൽ വച്ച് രണ്ടര വയസ്സുകാരന് പാമ്പ് കടിയേറ്റു.
https://metbeatnews.com/snakebite-scare-in-thrissur-2-years-old-attacked-by-krait-rising-incidents-spark-alarm-in-kerala

വേനൽക്കാലത്ത് (Summer Season) ചൂട് കൂടുന്നതിനനുസരിച്ച് പാമ്പുകൾ വീടുകളിലേക്ക് കടക്കുന്ന സാഹചര്യം വർധിക്കുന്നതായി വിദഗ്ധർ മുന്നറിയിപ്പ് നൽകുന്നു. അധികൃതർ ജാഗ്രത പാലിക്കണമെന്നും പാമ്പുകടി സംഭവിച്ചാൽ വൈകാതെ ചികിത്സ തേടണമെന്നും നിർദേശിച്ചു.

English Summary : In a heartbreaking incident in Chirayinkeezhu, Thiruvananthapuram, an eight-year-old boy named Dikshan passed away after being bitten by a Cobra inside his home. The incident occurred around 4:00 AM on Wednesday while the child was sleeping with his parents. Despite being rushed to the Chirayinkeezhu Taluk Hospital and later transferred to the Thiruvananthapuram Medical College for advanced treatment, the boy succumbed to the venom.