യുഎഇയിൽ കിഴക്കൻ മേഖലകളിൽ മഴയ്ക്ക് സാധ്യത; കടൽക്ഷോഭം, യെല്ലോ അലർട്ട് പ്രഖ്യാപിച്ചു, ചൂട് തുടരും

യുഎഇയിൽ ഇന്ന് തെളിഞ്ഞ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രമായ NCM അറിയിച്ചു. കിഴക്കൻ മേഖലകളിൽ രൂപപ്പെടുന്ന മേഘങ്ങൾ ഉച്ചയോടെ ശക്തിപ്രാപിച്ച് (Convective Clouds) മഴയ്ക്കുള്ള സാധ്യതയും NCM പ്രവചിക്കുന്നുണ്ട്.

ഒമാൻ കടലിൽ കടൽക്ഷോഭത്തിന് സാധ്യതയുണ്ട്. രാവിലെ 11 മണിവരെ യെല്ലോ അലർട്ട് പ്രഖ്യാപിച്ചിട്ടുണ്ട്. കടൽ നേരിയതോ മിതമായതോ ആയിരിക്കും. ഒമാൻ കടലിൽ ചില സമയങ്ങളിൽ കടൽ പ്രക്ഷുബ്ധമാകാനും സാധ്യതയുണ്ട്.

താപനില ഉയരും

രാജ്യത്ത് താപനില 24 മുതൽ 44 ഡിഗ്രി സെൽഷ്യസ് വരെ ഉയരും. ദുബായിൽ പരമാവധി 42 ഡിഗ്രിയും അബുദാബിയിൽ 38 ഡിഗ്രി സെൽഷ്യസും രേഖപ്പെടുത്തുമെന്നാണ് പ്രവചനം.

ഇന്ന് മുതൽ ഇടിയോടെ മഴ സാധ്യത, മലവെള്ളപ്പാച്ചിൽ, മിന്നൽ ജാഗ്രത വേണം
Rain and Thunderstorms Likely in Kerala from Today: Flash Flood and Lightning Warnings Issued
https://metbeatnews.com/rain-and-thunderstorms-likely-in-kerala-from-today-flash-flood-and-lightning-war

മൂടൽ മഞ്ഞ്; റെഡ് അലേർട്ട് പ്രഖ്യാപിച്ചു

രാത്രിയിലും വെള്ളിയാഴ്ച രാവിലെയും പടിഞ്ഞാറൻ മേഖലകളിൽ ചിലയിടങ്ങളിൽ ഈർപ്പം കൂടും. മൂടൽമഞ്ഞ് (Mist) രൂപപ്പെടാനും സാധ്യതയുണ്ട്. കനത്ത മൂടൽമഞ്ഞിനെ തുടർന്ന് ദൂരക്കാഴ്ച കുറയാൻ സാധ്യതയുള്ളതിനാൽ NCM ചില മേഖലകളിൽ റെഡ്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്. ഇന്ന് രാവിലെ ഒമ്പത് മണിവരെയാണ് മുന്നറിയിപ്പ്.

കാറ്റിന് സാധ്യത

കാറ്റ് നേരിയതോ മിതമായതോ ആയിരിക്കും. ഇടയ്ക്കിടെ ശക്തി പ്രാപിക്കുന്ന കാറ്റിനൊപ്പം പൊടിക്കാറ്റിനും (Blowing Dust) സാധ്യതയുണ്ടെന്ന് NCM അറിയിച്ചു.

English Summary : The National Center of Meteorology (NCM) has forecasted convective clouds bringing potential afternoon rainfall to the eastern regions of the UAE, alongside rising temperatures ranging between 24°C and 44°C.