തുലാമഴക്കൊപ്പം എൽനിനോയും; പത്തനംതിട്ട മിന്നൽ ഹോട്ട് സ്പോട്ടിൽ

തുലാമഴയും എൽനിനോ പ്രതിഭാസവും നിലനിൽക്കുന്ന സാഹചര്യത്തിൽ പത്തനംതിട്ട ജില്ലയെ മിന്നൽ ഹോട്ട് സ്പോട്ടിൽ ഉൾപ്പെടുത്തി കേന്ദ്ര കാലാവസ്ഥാ നിരീക്ഷണ വകുപ്പ്. ജില്ലയുടെ വിവിധ ഭാഗങ്ങളിൽ അപ്രതീക്ഷിതമായി ശക്തമായ മിന്നലുണ്ടാകുകയും മനുഷ്യർക്കും വളർത്തുമൃഗങ്ങൾക്കും പരിക്കേൽക്കുകയും വീടുകൾക്കും സ്ഥാപനങ്ങൾക്കും നാശനഷ്ടങ്ങൾ സംഭവിക്കുകയും ചെയ്തതിനെത്തുടർന്നാണ് പ്രത്യേക ജാഗ്രതാ നിർദേശം നൽകിയിരിക്കുന്നത്.

ജില്ലയുടെ കിഴക്കൻ മലയോര മേഖലയായ അരുവാപ്പുലം പഞ്ചായത്തിലെ കുളത്തുമൺ, കൊക്കാത്തോട്, കടുപ്പാത്തോട് പ്രദേശങ്ങളിൽ ഈ മാസം ഉണ്ടായ ശക്തമായ മിന്നലിൽ രണ്ടുപേർക്ക് സാരമായി പരിക്കേറ്റിരുന്നു. ഇത്തരം സംഭവങ്ങൾ ആവർത്തിക്കാനുള്ള സാധ്യത കണക്കിലെടുത്താണ് കാലാവസ്ഥാ ശാസ്ത്രജ്ഞർ ജില്ലയിൽ പ്രത്യേക ജാഗ്രത നിർദേശിച്ചിരിക്കുന്നത്.

Kerala Weather : കേരളത്തിൽ അതിതീവ്ര മഴയ്ക്ക് സാധ്യത; നാളെ മൂന്ന് ജില്ലകളിൽ റെഡ് അലർട്ട്
കേരളത്തിൽ അതിതീവ്ര മഴയ്ക്ക് സാധ്യതയുള്ളതിനാൽ അഞ്ച് ജില്ലകളിൽ വിവിധ ദിവസങ്ങളിലായി റെഡ് അലർട്ട്
https://metbeatnews.com/red-alert-issued-in-5-districts-landslide-warnings-issued

തുലാമഴയ്ക്കൊപ്പം എൽ നിനോ പ്രതിഭാസവും നിലനിൽക്കുന്നത് ശക്തമായ മിന്നലിന് അനുകൂലമായ സാഹചര്യമൊരുക്കുമെന്നാണ് അധികൃതരുടെ വിലയിരുത്തൽ. പത്തനംതിട്ടയ്ക്ക് പുറമെ കോട്ടയം, ഇടുക്കി ജില്ലകളിലും എറണാകുളത്തിന്റെ മലയോര മേഖലകളിലും പ്രത്യേക ജാഗ്രത പാലിക്കണമെന്ന് നിർദേശമുണ്ട്.

മിന്നലിന് കാരണം ക്യുമുലോനിംബസ് മേഘങ്ങൾ

മധ്യ, തെക്കൻ കേരളത്തിലെ ജില്ലകളിലാണ് ശക്തമായ മിന്നൽ വലിയ ആശങ്ക സൃഷ്ടിക്കുന്നത്. പശ്ചിമഘട്ടത്തോട് ചേർന്നുള്ള ഭൂപ്രകൃതിയും കാലാവസ്ഥയിലെ വ്യതിയാനങ്ങളും കാരണം ക്യുമുലോനിംബസ് (Cumulonimbus) കാർമേഘങ്ങൾ രൂപപ്പെടുന്നതാണ് ശക്തമായ മിന്നലിന് കാരണമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ കണ്ടെത്തൽ.

ഇത്തരം മേഘങ്ങൾ രൂപപ്പെടുമ്പോൾ ശക്തമായ ഇടിമിന്നലിനും മഴയ്ക്കും സാധ്യതയുണ്ട്. മിന്നൽ മുന്നറിയിപ്പുകൾ ഗൗരവമായി കാണണമെന്നും ഇടിമിന്നലുള്ള സമയത്ത് തുറസ്സായ സ്ഥലങ്ങളിലും മരച്ചുവട്ടിലും നിൽക്കുന്നത് ഒഴിവാക്കണമെന്നും നിർദേശമുണ്ട്. സുരക്ഷിതമായ കെട്ടിടത്തിനുള്ളിൽ അഭയം തേടുകയും വൈദ്യുതോപകരണങ്ങൾ ഉപയോഗിക്കുന്നതിൽ ജാഗ്രത പാലിക്കുകയും വേണം.

English Summary : IMD issues high-risk lightning warning for Pathanamthitta and neighboring Kerala districts due to El Niño and Thulamazha. Stay safe from severe strikes.