അതി തീവ്ര ന്യൂനമർദ്ദം ശക്തി കുറഞ്ഞു, ഇന്ന് കരകയറും, തുടർന്ന് തമിഴ്നാട്ടിലേക്ക്

തെക്കുപടിഞ്ഞാറൻ ബംഗാൾ ഉൾക്കടലിലെ അതി തീവ്ര ന്യൂനമർദം (Deep Depression) ശക്തി കുറഞ്ഞു തീവ്ര ന്യൂനമർദ്ദമായി. ഇന്ന് ഉച്ചയോടെ ശ്രീലങ്കയുടെ കരതൊട്ട് മുന്നോട്ട് സഞ്ചരിക്കും. ട്രിങ്കോമാലിയിൽ നിന്ന് 60 കി.മി വടക്കാണ് നിലവിൽ തീവ്രന്യൂനമർദ്ദം ഉള്ളത്. ഇന്ന് ഉച്ചയോടെ ജാഫ്നക്കും ട്രിങ്കോമാലിക്കും ഇടയിൽ കരകയറിയശേഷം ന്യൂനമർദ്ദം വീണ്ടും ശക്തി കുറയും.

കാറ്റിന് സാധ്യത

ശ്രീലങ്കയുടെ വടക്കൻ മേഖലകളിൽ ശ്രീലങ്കൻ കാലാവസ്ഥ വകുപ്പ് റെഡ് അലർട്ട് പ്രഖ്യാപിച്ചിട്ടുണ്ട്. വടക്കൻ പ്രവേശ്യകളിൽ 70 കിലോമീറ്റർ വരെ വേഗതയിലുള്ളകാറ്റിന് സാധ്യതയുണ്ടെന്ന് ശ്രീലങ്കൻ കാലാവസ്ഥ വകുപ്പ് അറിയിച്ചു.വടക്കൻ ശ്രീലങ്കയിലാണ് കനത്ത മഴക്കും കാറ്റിനും സാധ്യതയുള്ളത്. ശ്രീലങ്ക കടന്ന് സെക്കൻഡ് തമിഴ്നാട് ലക്ഷ്യമായാണ് ന്യൂനമർദ്ദം സഞ്ചരിക്കുക എന്നാണ് ഇപ്പോഴത്തെ നിരീക്ഷണം.

ഞായറാഴ്ച മുതൽ മഴ

തമിഴ്നാട്ടിൽ ഞായറാഴ്ച മുതൽ മഴ പ്രതീക്ഷിക്കാം. കേരളത്തിൽ തിങ്കൾ മുതൽ വരെയുള്ള ദിവസങ്ങളിൽ ഒറ്റപ്പെട്ട മഴ വിവിധ ജില്ലകളിൽ ഒന്നോ രണ്ടോ പ്രദേശങ്ങളിൽ ഉണ്ടാകും. കേരളത്തിന്റെ കിഴക്കൻ മേഖലകളിലാണ് കൂടുതൽ മഴ സാധ്യത.

കൂടുതൽ വിവരങ്ങൾക്കും കാലാവസ്ഥ വാർത്തകൾക്കും metbeatnews.com ലെ അപ്ഡേഷനുകളിൽ ശ്രദ്ധിക്കുക.

English Summary : Heavy rain and wind are likely in northern Sri Lanka. The current observation is that the low pressure will move towards Tamil Nadu after crossing Sri Lanka.