യുഎഇയിൽ ഇന്ന് ചൂട് കൂടും; 40 ഡിഗ്രി വരെ താപനില

യുഎഇയിൽ ഇന്ന് (വെള്ളിയാഴ്ച) ചൂട് കൂടുമെന്ന് ദേശീയ കാലാവസ്ഥാ കേന്ദ്രമായ (NCM) അറിയിച്ചു. അബുദാബിയിൽ പരമാവധി 40 ഡിഗ്രി സെൽഷ്യസും ദുബായിൽ 39 ഡിഗ്രി സെൽഷ്യസും താപനില ഉയരാൻ സാധ്യതയുണ്ട്.

രാജ്യത്തിന്റെ കിഴക്കൻ, തെക്കൻ മേഖലകളിൽ ആകാശം ഭാഗികമായി മേഘാവൃതമായിരിക്കാനും ഇടയ്ക്കിടെ മേഘാവൃതമായ അന്തരീക്ഷത്തിനും സാധ്യതയുണ്ട്.

കാറ്റിന് സാധ്യത

ശക്തമായ കാറ്റിനും കടൽ പ്രക്ഷുബ്ധമാകാനും സാധ്യതയുള്ളതിനാൽ വൈകിട്ട് നാല് മണിവരെ NCM മഞ്ഞ അലേർട്ട് (Yellow Alert) പ്രഖ്യാപിച്ചിട്ടുണ്ട്. തെക്കുകിഴക്ക് മുതൽ വടക്കുകിഴക്ക് ദിശയിൽ നേരിയതോ മിതമായതോ ആയ കാറ്റ് വീശും. ഇടയ്ക്കിടെ കാറ്റിന്റെ വേഗം കൂടാനും പൊടിക്കാറ്റിന് സാധ്യതയുണ്ടെന്നും മുന്നറിയിപ്പുണ്ട്.

അറേബ്യൻ ഗൾഫിലും ഒമാൻ കടലിലും രാവിലെ കടൽ പ്രക്ഷുബ്ധമായിരിക്കാനും പിന്നീട് മിതമായ നിലയിലേക്കും നേരിയ നിലയിലേക്കും മാറാനും സാധ്യതയുണ്ടെന്നും NCM അറിയിച്ചു.

English Summary : The National Center of Meteorology (NCM) has forecasted higher temperatures across the UAE, peaking at 40°C in Abu Dhabi and 39°C in Dubai, with partly cloudy skies expected in the eastern and southern regions. A Yellow Alert has been issued until 4:00 PM due to strong winds, potential dust storms, and rough sea conditions in the Arabian Gulf and Oman Sea.